ਦਿੱਲੀ ਕੈਪੀਟਲਸ ਤੇ ਪੰਜਾਬ ਕਿੰਗਸ ਵਿਚਾਲੇ ਹੋ ਰਹੇ ਮੈਚ ਵਿਚ ਵੱਡਾ ਹਾਦਸਾ ਵਾਪਰ ਗਿਆ ਹੈ। ਤੀਜੇ ਓਵਰ ਵਿਚ ਮੈਚ ਦੌਰਾਨ ਦਿੱਲੀ ਦੇ ਸੇਪਰ ਲੁੰਗੀ ਐਨਗਿਡੀ ਨੂੰ ਸੱਟ ਲੱਗ ਗਈ। ਉਹ ਗੰਭੀਰ ਜ਼ਖਮੀ ਹੋ ਗਏ ਤੇ ਉਨ੍ਹਾਂ ਨੂੰ ਐਂਬੂਲੈਂਸ ਰਾਹੀਂ ਮੈਦਾਨ ਤੋਂ ਬਾਹਰ ਲਿਆਂਦਾ ਗਿਆ ਤੇ ਹਸਪਤਾਲ ਭਰਤੀ ਕਰਵਾਇਆ ਗਿਆ।
ਦਰਅਸਲ ਅਕਸ਼ਰ ਪਟੇਲ ਦੀ ਫੁਲ ਗੇਂਦ ‘ਤੇ ਪ੍ਰਿਯਾਂਸ਼ ਆਰੀਆ ਨੇ ਸ਼ਾਟ ਖੇਡਿਆ, ਗੇਂਦ ਹਵਾ ਵਿਚ ਗਈ ਤੇ ਮਿਡ-ਆਫ ਤੋਂ ਲੁੰਗੀ ਐਨਗਿਡੀ ਕੈਚ ਲੈਣ ਲਈ ਦੌੜੇ। ਕੈਜ ਜੱਜ ਕਰਨ ਵਿਚ ਚੂਕ ਦੇ ਚੱਲਦੇ ਉਹ ਪਿੱਛੇ ਵੱਲ ਡਿੱਗ ਗਏ ਤੇ ਉਨ੍ਹਾਂ ਦੇ ਸਿਰ ਵਿਚ ਗੰਭੀਰ ਸੱਟ ਲੱਗ ਗਈ। ਟਕਰਾਅ ਕਾਫੀ ਤੇਜ਼ ਸੀ। ਡਿੱਗਦੇ ਹੀ ਉਨ੍ਹਾਂ ਨੇ ਸਿਰ ਫੜ ਲਿਆ ਤੇ ਮੈਦਾਨ ‘ਤੇ ਹੀ ਲੇਟੇ ਰਹੇ। ਮੈਡੀਕਲ ਟੀਮ ਨੇ ਤਰੁੰਤ ਪਹੁੰਚ ਕੇ ਉਨ੍ਹਾਂ ਦਾ ਇਲਾਜ ਸ਼ੁਰੂ ਕੀਤਾ।
ਘਟਨਾ ਦੇ ਤੁਰੰਤ ਬਾਅਦ ਮੈਦਾਨ ‘ਤੇ ਪਹਿਲਾਂ ਸਟ੍ਰੈਚਰ ਲਿਆਂਦਾ ਗਿਆ ਤੇ ਫਿਰ ਮੈਡੀਕਲ ਟੀਮ ਦੌੜ ਕੇ ਆਈ। ਡਾਕਟਰਾਂ ਨੇ ਐਨਗਿਡੀ ਨਾਲ ਗੱਲਬਾਤ ਕੀਤੀ। ਸ਼ੁਰੂਆਤੀ ਕੁਝ ਪਲਾਂ ਵਿਚ ਉਹ ਜਵਾਬ ਦਿੰਦੇ ਹੋਏ ਨਜ਼ਰ ਆਏ ਜਿਸ ਨਾਲ ਥੋੜ੍ਹੀ ਰਾਹਤ ਮਿਲੀ।
ਇਹ ਵੀ ਪੜ੍ਹੋ : BJP ‘ਚ ਸ਼ਾਮਿਲ ਹੁੰਦਿਆਂ ਹੀ ਰਾਘਵ ਚੱਢਾ ਦੇ ਇੰਸਟਾਗ੍ਰਾਮ ‘ਤੇ ਘਟੇ Followers, 11 ਲੱਖ ਤੋਂ ਵੱਧ ਲੋਕਾਂ ਨੇ ਕੀਤਾ Unfollow
ਹਾਲਾਂਕਿ ਕੁਝ ਹੀ ਦੇਰ ਵਿਚ ਸਥਿਤੀ ਬਦਲਦੀ ਦਿਖੀ। ਐਨਗਿਡੀ ਦੀ ਹਾਲਤ ਦੇਖ ਕੇ ਚਿੰਤਾ ਵਧ ਲੱਗੀ ਤੇ ਮੈਡੀਕਲ ਸਟਾਫ ਨੇ ਸਾਵਧਾਨੀ ਵਰਤਦੇ ਹੋਏ ਉਨ੍ਹਾਂ ਨੂੰ ਸਥਿਰ ਰੱਖਣ ਦੀ ਕੋਸ਼ਿਸ਼ ਕੀਤੀ। ਮੈਡੀਕਲ ਚੈਕਅੱਪ ਮਗਰੋਂ ਐਨਗਿਡੀ ਨੂੰ ਐਂਬੂਲੈਂਸ ਤੋਂ ਹਸਪਤਾਲ ਪਹੁੰਚਾਇਆ ਗਿਆ। ਐਨਗਿਡੀ ਨੂੰ ਸੱਟ ਲੱਗਣ ਕਰਕੇ 15 ਮਿੰਟਾਂ ਲਈ ਮੈਚ ਨੂੰ ਰੋਕ ਦਿੱਤਾ ਗਿਆ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
