ਪੰਜਾਬ ਵਿਚ ਵੋਟਰ ਲਿਸਟ ਦੀ ਸਪੈਸ਼ਲ ਇੰਟੈਂਸਿਵ ਰਿਵੀਜ਼ (SIR) ਦਾ ਦੂਜਾ ਰਾਊਂਡ ਅੱਜ ਤੋਂ ਸ਼ੁਰੂ ਹੋ ਗਿਆ ਹੈ। ਚੋਣ ਕਮਿਸ਼ਨ ਅੱਜ ਡਰਾਫਟ ਵੋਟਰ ਲਿਸਟ ਜਾਰੀ ਕਰੇਗਾ। ਲਿਸਟ ਜਾਰੀ ਹੋਣ ਦੇ ਬਾਅਦ ਵੋਟਰ ਘਰ ਬੈਠੇ ਆਨਲਾਈਨ ਆਪਣਾ ਨਾਂ ਚੈੱਕ ਕਰ ਸਕਣਗੇ।
ਪੰਜਾਬ ਦੀ CEO ਆਨੰਦਿਤਾ ਮਿਸ਼ਰਾ ਮੁਤਾਬਕ ਵੈੱਬਸਾਈਟ ‘ਤੇ ਵੋਟਰ ਲਿਸਟ ਜਾਰੀ ਹੁੰਦੇ ਹੀ ਵੋਟਰ ਲਗਭਗ 2 ਮਿੰਟ ਵਿਚ ਆਪਣਾ ਨਾਂ ਚੈੱਕ ਕਰ ਸਕਣਗੇ। ਇਸ ਲਈ ਵੈੱਬਸਾਈਟ ‘ਤੇ ਦੋ ਵੱਖ-ਵੱਖ ਲਿਸਟਾਂ ਹੋਣਗੀਆਂ-ਇਕ ਡਰਾਫਟ ਵੋਟਰ ਲਿਸਟ ਤੇ ਦੂਜੀ ਉਨ੍ਹਾਂ ਵੋਟਰਾਂ ਦੀ ਸੂਚੀ, ਜਿਨ੍ਹਾਂ ਦੇ ਨਾਂ ਡਰਾਫਟ ਲਿਸਟ ਵਿਚ ਸ਼ਾਮਲ ਨਹੀਂ ਕੀਤੇ ਗਏ ਹਨ। ਦੁਪਹਿਰ ਬਾਅਦ ERO ਵੋਟਰ ਲਿਸਟ ਦੀਆਂ ਕਾਪੀਆਂ ਸਿਆਸੀ ਪਾਰਟੀਆਂ ਤੇ BLO ਨੂੰ ਵੀ ਉਪਲਬਧ ਕਰਾਉਣਗੇ।
ਜੇਕਰ ਤੁਹਾਡਾ ਨਾਂ ਡਰਾਫਟ ਲਿਸਟ ਵਿਚ ਨਹੀਂ ਹੈ ਜਾਂ ਕੱਟੇ ਗਏ ਨਾਵਾਂ ਦੀ ਸੂਚੀ ਵਿਚ ਹੈ ਤਾਂ Form-6 ਭਰ ਕੇ ਨਾਂ ਸ਼ਾਮਲ ਕਰਾਉਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ। ਇਹ ਫਾਰਮ ਆਨਲਾਈਨ ਤੇ ਆਫਲਾਈਨ ਦੋਵੇਂ ਤਰ੍ਹਾਂ ਜਮ੍ਹਾ ਹੋਵੇਗਾ। ਜੇਕਰ ਆਫਲਾਈਨ ਜਮ੍ਹਾ ਕਰਨਾ ਹੋਵੇ ਤਾਂ ਨੇੜਲੇ BLO ਜਾਂ SDM/ਤਹਿਸੀਲਦਾਰ ਦਫਤਰ ਤੋਂ ਫਾਰਮ-6 ਪ੍ਰਾਪਤ ਕਰੋ। ਇਸ ਵਿਚ ਨਾਂ, ਪਤਾ, ਮਾਤਾ-ਪਿਤਾ ਜਾਂ ਪਤੀ ਦਾ ਨਾਂ ਸਣੇ ਮੰਗੀ ਗਈ ਜਾਣਕਾਰੀ ਭਰੋ। ਇਸ ਦੇ ਨਾਲ ਸਵੈ-ਘੋਸ਼ਣਾ, ਜਨਮ ਤਰੀਕ ਤੇ ਰਿਹਾਇਸ਼ ਸਬੰਧੀ ਪ੍ਰਮਾਣ ਲਗਾ ਕੇ ਫਾਰਮ BLO ਨੂੰ ਜਮ੍ਹਾ ਕਰਵਾਓ। ਫਾਰਮ ਜਮ੍ਹਾ ਕਰਨ ਦੇ ਬਾਅਦ ਰਸੀਦ ਜ਼ਰੂਰ ਲਓ। ਜੋ ਲੋਕ ਦਫਤਰ ਨਹੀਂ ਆ ਸਕਦੇ, ਉਨ੍ਹਾਂ ਲਈ 16 ਅਗਸਤ ਨੂੰ ਬੂਥ ਲੈਵਲ ‘ਤੇ ਕੈਂਪ ਲਗਾਏ ਜਾਣਗੇ। ਕੈਂਪ ਵਿਚ ਡਰਾਫਟ ਵੋਟਰ ਲਿਸਟ ਵਿਚ ਨਾਂ ਚੈੱਕ ਕੀਤਾ ਜਾ ਸਕੇਗਾ। ਜੇਕਰ ਨਾਂ ਨਹੀਂ ਹੈ ਤਾਂ ਉਹ Form-6 ਜਮ੍ਹਾ ਵੀ ਕੀਤਾ ਜਾ ਸਕੇਗਾ।
ਇਹ ਵੀ ਪੜ੍ਹੋ : ਕਾਂਗਰਸ ਦੀ ਖਿਚੋਤਾਣ ਵਿਚਾਲੇ ਪੰਜਾਬ ਆ ਸਕਦੇ ਹਨ ਰਾਹੁਲ ਗਾਂਧੀ, ਪਾਰਟੀ ਲੀਡਰਾਂ ਤੇ ਵਰਕਰਾਂ ਨਾਲ ਕਰਨਗੇ ਮੀਟਿੰਗ
ਡਰਾਫਟ ਵੋਟਰ ਲਿਸਟ ਜਾਰੀ ਹੋਣ ਦੇ ਬਾਅਦ ਦਾਅਵੇ ਤੇ ਇਤਰਾਜ਼ ਦਰਜ ਕਰਾਉਣ ਦਾ ਮੌਕਾ ਮਿਲੇਗਾ। 12 ਸਤੰਬਰ ਤੱਕ ਨਾਂ ਸ਼ਾਮਲ ਕਰਾਉਣ ਲਈ ਫਾਰਮ-6 ਜਮ੍ਹਾ ਕੀਤਾ ਜਾ ਸਕੇਗਾ। ਇਸ ਦੇ ਬਾਅਦ ਦਾਅਵਿਆਂ ਤੇ ਇਤਰਾਜ਼ਾਂ ਦੀ ਜਾਂਚ ਕੀਤੀ ਜਾਵੇਗੀ ਤੇ ਪ੍ਰਕਿਰਿਆ ਪੂਰੀ ਹੋਣ ਦੇ ਬਾਅਦ ਆਖਰੀ ਵੋਟਰ ਸੂਚੀ ਜਾਰੀ ਹੋਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
