ਯੂਪੀ ਦੇ ਸ਼ਾਮਲੀ ਵਿਚ ਬੀਤੀ ਸ਼ਾਮ ਹਰਿਆਣਵੀ ਗਾਇਕ ਤੇ ਯੂਟਿਊੂਬਰ ਅੰਕਿਤ ਬਾਲਿਆਨ ਦਾ ਜਿੰਮ ਦੇ ਬਾਹਰ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਹਮਲਾਵਰਾਂ ਨੇ ਉਨ੍ਹਾਂ ‘ਤੇ 18 ਰਾਊਂਡ ਫਾਇਰ ਕੀਤੇ। ਸਿਰ, ਪੇਟ ਵਿਚ 5 ਗੋਲੀਆਂ ਲੱਗਣ ਨਾਲ ਉਹ ਸੜਕ ‘ਤੇ ਡਿੱਗ ਗਿਆ। ਪੁਲਿਸ ਨੇ ਉਨ੍ਹਾਂ ਨੂੰ ਹਸਪਤਾਲ ਪਹੁੰਚਾਇਆ ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਵਾਰਦਾਤ ਬੀਤੀ ਸ਼ਾਮ 7 ਵਜੇ ਦੀ ਹੈ। ਚਸ਼ਮਦੀਦਾਂ ਮੁਤਾਬਕ 4 ਹਮਲਾਵਰ ਪਹਿਲਾਂ ਤੋਂ ਹੀ ਸੰਨ੍ਹ ਲਗਾ ਕੇ ਬੈਠੇ ਸਨ। ਉਨ੍ਹਾਂ ਨੇ ਲਗਭਗ 2 ਮਿੰਟ ਤੱਕ ਫਾਇਰਿੰਗ ਕੀਤੀ। ਘਟਨਾ ਤੋਂ ਗੁੱਸੇ ਵਿਚ ਆਏ ਲੋਕਾਂ ਨੇ ਹਮਲਾਵਰਾਂ ਦੀ ਗ੍ਰਿਫਤਾਰੀ ਲਈ ਸੜਕ ਜਾਮ ਕਰ ਦਿੱਤਾ। ਮਾਂ ਅੰਕਿਤ ਦੀ ਲਾਸ਼ ਗੋਦੀ ਵਿਚ ਲੈ ਕੇ ਸੜਕ ‘ਤੇ ਬੈਠ ਗਈ। ਮੌਕੇ ‘ਤ ADG ਭਾਨੂ ਭਾਸਕਰ ਤੇ ਸਹਾਰਨਪੁਰ ਰੇਂਜ ਦੇ ਡੀਆਈਜੀ ਅਭਿਸ਼ੇਕ ਸਿੰਘ ਸ਼ਾਮਲੀ ਪਹੁੰਚੇ। ਅੰਕਿਤ ਦੇ ਪਿਤਾ ਨੂੰ ਮਨਾ ਕੇ ਰਾਤ 12 ਵਜੇ ਜਾਮ ਖੁੱਲ੍ਹਵਾਇਆ।
ਦੱਸਿਆ ਜਾ ਰਿਹਾ ਹੈ ਕਿ ਅੰਕਿਤ ਜ਼ਿਲ੍ਹਾ ਪੰਚਾਇਤ ਚੋਣ ਦੀ ਤਿਆਰੀ ਕਰ ਰਿਹਾ ਸੀ। ਉਸ ਦੇ ਕਤਲ ਦੀ ਵਜ੍ਹਾ ਅਜੇ ਸਪੱਸ਼ਟ ਨਹੀਂ ਹੋ ਸਕੀ ਹੈ। ਉਹ ਮਸ਼ਹੂਰ ਭਾਵੇਂ ਹਰਿਆਣਵੀ ਗਾਣਿਆਂ ਲਈ ਹੋਇਆ ਪਰ ਉਸ ਦਾ ਜਨਮ ਸ਼ਾਮਲੀ ਵਿਚ ਹੋਇਆ ਸੀ। ਪੁਲਿਸ ਸੀਸੀਟੀਵੀ ਫੁਟੇਜ ਨਾਲ ਹਮਲਾਵਰਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : ਅੱਜ ਹੜਤਾਲ ‘ਤੇ ਰਹਿਣਗੇ ਪੰਜਾਬ ਦੇ ਸਰਕਾਰੀ ਕਰਮਚਾਰੀ, ਸਰਕਾਰੀ ਦਫਤਰ ‘ਚ ਕੰਮਕਾਜ ਰਹਿਣਗੇ ਬੰਦ, ਬਾਜ਼ਾਰ ਖੁੱਲ੍ਹੇ
ਅੰਕਿਤ ਨੇ ਕਤਲ ਤੋਂ ਠੀਕ ਇਕ ਘੰਟਾ ਪਹਿਲਾਂ ਆਪਣੇ ਇੰਸਟਾਗ੍ਰਾਮ ‘ਤੇ ਗਾਣਾ ਵੀ ਪੋਸਟ ਕੀਤਾ ਸੀ। ਅੰਕਿਤ ਅਕਸਰ ਗਨ ਕਲਚਰ ਨੂੰ ਲੈ ਕੇ ਗਾਣੇ ਬਣਾਉਂਦੇ ਸੀ। ਉਨ੍ਹਾਂ ਦਾ ‘ਭਰੀ ਕੋਰਟ ਮੇਂ ਗੋਲੀ ਮਾਰੇਂਗੇ’ ਗਾਣਾ 2023 ਵਿਚ ਰਿਲੀਜ਼ ਹੋਇਆ ਸੀ। ਇਸ ਗਾਣੇ ‘ਤੇ ਬੈਨ ਲਗਾ ਦਿੱਤਾ ਗਿਆ ਸੀ। ਇਸ ਦੇ ਬਾਅਦ ਉਹ ਹਰਿਆਣਵੀ ਸੰਗੀਤ ਦੀ ਦੁਨੀਆ ਵਿਚ ਚਰਚਿਤ ਹੋਏ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
