ਪੀਐੱਮ ਮੋਦੀ ਨੇ ਆਪਣੇ ਚਾਰ ਦਿਨ ਦੀ ਅਮਰੀਕਾ ਯਾਤਰਾ ਦੌਰਾਨ ਟੇਸਲਾ ਦੇ ਸੀਈਓ ਏਲਨ ਮਸਕ ਨਾਲ ਮੁਲਾਕਾਤ ਕੀਤੀ। ਪੀਐੱਮ ਮੋਦੀ ਨੇ ਏਲਨ ਮਸਕ ਨਾਲ ਮੁਲਾਕਾਤ ਕਰਨ ਤੋਂ ਪਹਿਲਾਂ ਮਸ਼ਹੂਰ ਪ੍ਰੋਫੈਸਰ ਨਸੀਮ ਤਾਲੇਬ ਤੇ ਪ੍ਰੋਫੈਸਰ ਰਾਬਰਟ ਥੁਰਮਨ ਨਾਲ ਵੀ ਮੁਲਾਕਾਤ ਕੀਤੀ। ਪੀਐੱਮ ਮੋਦੀ ਨਾਲ ਮੁਲਾਕਾਤ ਦੇ ਬਾਅਦ ਟੇਸਲਾ ਦੇ ਸੀਈਓ ਏਲਨ ਮਸਕ ਨੇਇਸ ਨੂੰ ਬੇਹੱਦ ਸ਼ਾਨਦਾਰ ਮੁਲਾਕਾਤ ਦੱਸਿਆ। ੁਨ੍ਹਾਂ ਕਿਹਾ ਕਿ ਪੀਐੱਮ ਮੋਦੀ ਨਾਲ ਮੇਰੀ ਗੱਲਬਾਤ ਬਹੁਤ ਚੰਗੀ ਰਹੀ। ਉਨ੍ਹਾਂ ਕਿਹਾ ਕਿ ਉਹ ਅਗਲੇ ਸਾਲ ਭਾਰਤ ਆਉਣ ਦੀ ਸੋਚ ਰਹੇ ਹਨ। ਏਲਨ ਮਸਕ ਨੇ ਅੱਗੇ ਕਿਹਾ ਕਿ ਮੈਂ ਪੀਐੱਮ ਮੋਦੀ ਦਾ ਫੈਨ ਹਾਂ।
ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਤੋਂ ਪਹਿਲਾਂ 2015 ਵਿਚ ਮਸਕ ਤੋਂ ਕੈਲੀਫੋਰਨੀਆ ਵਿਚ ਟੇਸਲਾ ਮੋਟਰਸ ਦੇ ਕਾਰਖਾਨੇ ਦੇ ਦੌਰ ਦੌਰਾਨ ਮੁਲਾਕਾਤ ਕੀਤੀ ਸੀ। ਉਸ ਸਮੇਂ ਮਸਕ ਟਵਿੱਟਰ ਦੇ ਮਾਲਕ ਨਹੀਂ ਸਨ। ਮਸਕ ਨਾਲ ਪ੍ਰਧਾਨ ਮੰਤਰੀ ਦੀ ਮੁਲਾਕਾਤ ਅਜਿਹੇ ਸਮੇਂ ਹੋਈ ਹੈ ਜਦੋਂ ਟੇਸਲਾ ਭਾਰਤ ਵਿਚ ਆਪਣੇ ਕਾਰਖਾਨੇ ਲਈ ਜਗ੍ਹਾ ਦੀ ਭਾਲ ਕਰ ਰਹੀ ਹੈ।
ਦੱਸ ਦੇਈਏ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਮਰੀਕਾ ਦੇ ਦੌਰੇ ‘ਤੇ ਨਿਊਯਾਰਕ ਪਹੁੰਚ ਗਏ ਹਨ। ਪੀਐੱਮ ਮੋਦੀ ਦੇ ਇਸ ਦੌਰੇ ਨੂੰ ਬੇਹੱਦ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਨਰਿੰਦਰ ਮੋਦੀ ਦੇ ਸਵਾਗਤ ਨੂੰ ਲੈ ਕੇ ਲੋਕਾਂ ਵਿਚ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਲੋਕਾਂ ਨੇ ਪ੍ਰਧਾਨ ਮੰਤਰੀ ਦੇ ਸਵਾਗਤ ਵਿਚ ਮੋਦੀ-ਮੋਦੀ ਦੇ ਨਾਅਰੇ ਲਗਾਏ। ਭਾਰਤੀ ਭਾਈਚਾਰੇ ਦੇ ਕੁਝ ਮੈਂਬਰ ਹੋਟਲ ਦੇ ਬਾਹਰ ਵੀ ਪੀਐੱਮ ਮੋਦੀ ਦਾ ਸਵਾਗਤ ਕਰਨ ਲਈ ਖੜ੍ਹੇ ਦੇਖੇ ਗਏ। ਸ਼ਹਿਰ ਵਿਚ ਜਗ੍ਹਾ-ਜਗ੍ਹਾ ਲੋਕ ਜਮ੍ਹਾ ਹੋਏ ਹਨ।
ਇਹ ਵੀ ਪੜ੍ਹੋ : ਅਬੋਹਰ ‘ਚ ਪਿਕਅੱਪ ਦੀ ਬਾਈਕ ਨਾਲ ਟੱਕਰ, ਹਾਦਸੇ ‘ਚ ਪਤੀ-ਪਤਨੀ ਤੇ ਬੱਚਾ ਗੰਭੀਰ ਜ਼ਖਮੀ
ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲਈ ਦੁਨੀਆ ਦਾ ਸਭ ਤੋਂ ਤਾਕਤਵਰ ਮੁਲਕ ਕਿਹਾ ਜਾਣ ਵਾਲਾ ਅਮਰੀਕਾ 22 ਜੂਨ ਨੂੰ ਰੈੱਡ ਕਾਰਪੇਟ ਵਿਛਾਏਗਾ ਤੇ ਇਸ ਦੇ ਨਾਲ ਹੀ ਪੀਐੱਮ ਮੋਦੀ ਦੁਨੀਆ ਦੇ ਤੀਜੇ ਨੇਤਾ ਬਣ ਜਾਣਗੇ ਜਿਨ੍ਹਾਂ ਨੂੰ ਮੌਜੂਦਾ ਅਮਰੀਕੀ ਰਾਸ਼ਟਰਪਤੀ ਜੋ ਬਾਇਡੇ ਨਨੇ ਇਹ ਸਨਮਾਨ ਦਿੱਤਾ। ਜੋ ਬਾਇਡੇ ਨੇ ਇਸ ਤੋਂ ਪਹਿਲਾਂ ਫਰਾਂਸ ਦੇ ਇਮਾਨੂਏਲ ਮੈਕਰਾਨ ਤੇ ਦੱਖਣ ਕੋਰੀਆ ਦੇ ਯੂਨ ਸੁਕ ਯੇਓਲ ਨੂੰ ਹੀ ਰਾਜਕੀ ਯਾਤਰਾ ਤੇ ਭੋਜ ਲਈ ਸੱਦਾ ਦਿੱਤਾ। ਅਮਰੀਕਾ ਵੱਲੋਂ ਇਹ ਸਰਵਉੱਚ ਰਾਜਕੀ ਸਵਾਗਤ ਆਮ ਤੌਰ ‘ਤੇ ਸਿਰਫ ਨੇੜੇ ਦੇ ਸਹਿਯੋਗੀਆਂ ਨੂੰ ਹੀ ਦਿੱਤਾ ਜਾਂਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
