ਇਮਰਾਨ ਦੇ ਕਰੀਬੀ ਅਸਦ ਉਮਰ ਨੇ ਛੱਡਿਆ ਪੀਟੀਆਈ ਜਨਰਲ ਸਕੱਤਰ ਦਾ ਅਹੁਦਾ, ਰਿਹਾਈ ਦੇ ਬਾਅਦ ਲਿਆ ਫੈਸਲਾ

ਪਾਕਿਸਤਾਨ ਵਿਚ ਇਸਲਾਮਬਾਦਾ ਹਾਈਕੋਰਟ ਨੇ ਪੀਟੀਆਈ ਜਨਰਲ ਸਕੱਤਰ ਅਸਦ ਉਮਰ ਦੀ ਤੁਰੰਤ ਰਿਹਾਈ ਦਾ ਹੁਕਮ ਦਿੱਤਾ। ਨਾਲ ਹੀ ਉਨ੍ਹਾਂ ਨੇ ਪੀਟੀਆਈ ਜਨਰਲ ਸਕੱਤਰ ਦਾ ਅਹੁਦਾ ਵੀ ਛੱਡ ਦਿੱਤਾ ਹੈ। ਹਾਈਕੋਰਟ ਨੇ ਜਨਤਕ ਵਿਵਸਥਾ ਆਰਡੀਨੈਂਸ ਦੇ ਰੱਖ-ਰਖਾਅ ਤਹਿਤ ਉਨ੍ਹਾਂ ਦੇ ਨਜ਼ਰਬੰਦ ਦੇ ਹੁਕਮ ਨੂੰ ਰੱਦ ਕਰ ਦਿੱਤਾ। ਨਾਲ ਹੀ ਕਿਹਾ ਕਿ ਉਨ੍ਹਾਂ ਦੀ ਗ੍ਰਿਫਤਾਰੀ ਗੈਰ-ਕਾਨੂੰਨੀ ਹੈ। ਅਸਦ ਉਮਰ ਇਮਰਾਨ ਖਾਨ ਦੇ ਕਰੀਬੀ ਸਹਿਯੋਗੀ ਹਨ।

ਅਦਾਲਤ ਦੀ ਅਗਵਾਈ ਜਸਟਿਸ ਮਿਆਂਗੁਲ ਔਰੰਗਜ਼ੇਬ ਨੇ ਕੀਤੀ। ਸੁਣਵਾਈ ਦੌਰਾਨ ਉਨ੍ਹਾਂ ਨੇ ਫੈਸਲਾ ਸੁਣਾਇਆ ਕਿ ਉਨ੍ਹਾਂ ਦੀ ਗ੍ਰਿਫਤਾਰੀ ਐੱਮਪੀਓ ਦੇ ਉਲੰਘਣ ਵਿਚ ਸੀ। 10 ਮਈ ਨੂੰ ਪੀਟੀਆਈ ਦੇ ਪ੍ਰਧਾਨ ਇਮਰਾਨ ਖਾਨ ਦੀ ਗ੍ਰਿਫਤਾਰੀ ‘ਤੇ ਰਾਸ਼ਟਰਵਿਆਪੀ ਪ੍ਰਦਰਸ਼ਨਾਂ ਦੇ ਇਕ ਦਿਨ ਬਾਅਦ ਉਮਰ ਨੂੰ ਐੱਮਪੀਓ ਤਹਿਤ ਆਈਐੱਚਸੀ ਮੈਦਾਨ ਤੋਂ ਹਿਰਾਸਤ ਵਿਚ ਲਿਆ ਗਿਆ ਸੀ।

ਜਸਟਿਸ ਔਰੰਗਜ਼ੇਬ ਨੇ ਕਿਹਾ ਕਿ ਅਸਦ ਉਮਰ ਦੇ ਮਾਮਲੇ ਮੇਰੇ ਸਾਹਮਣੇ ਹਨ। ਮੈਂ ਅੱਜ ਹੁਕਮ ਜਾਰੀ ਕਰਦਾ ਹਾਂ ਤਾਂ ਮੈਨੂੰ ਨਹੀਂ ਪਤਾ ਕਿ ਕਲ ਕੀ ਹੋਵੇਗਾ। ਅਦਾਲਤ ਨੇ ਉਮਰ ਨੂੰ ਆਪਣੇ ਭੜਕਾਊ ਟਵੀਟ ਡਿਲੀਟ ਕਰਨ ਤੇ ਇਕ ਹਲਫਨਾਮਾ ਜਮ੍ਹਾ ਕਰਨ ਦਾ ਹੁਕਮ ਦਿੱਤਾ। ਇਕ ਰਿਪੋਰਟ ਵਿਚ ਦੱਸਿਆ ਕਿ ਇਸ ਤੋਂ ਪਹਿਲਾਂ 12 ਮਈ ਨੂੰ ਅਸਦ ਉਮਰ ਨੇ ਇਸਲਾਮਾਬਾਦ ਹਾਈਕੋਰਟ ਵਿਚ ਆਪਣੀ ਗ੍ਰਿਫਤਾਰੀ ਨੂੰ ਚੁਣੌਤੀ ਦਿੱਤੀ ਸੀ।

ਉਮਰ ਨੇ ਆਪਣੀ ਪਟੀਸ਼ਨ ਵਿਚ ਕਿਹਾ ਕਿ ਗ੍ਰਿਫਤਾਰੀ ਦੌਰਾਨ ਮੇਰੇ ਮੌਲਿਕ ਮਨੁੱਖੀ ਅਧਿਕਾਰਾਂ ਦਾ ਉਲੰਘਣ ਕੀਤਾ ਗਿਆ। ਫੈਸਲੇ ਵਿਚ ਅਦਾਲਤ ਨੇ ਪੀਟੀਆਈ ਨੇਤਾ ਅਸਦ ਨੂੰ ਹਿੰਸਕ ਵਿਰੋਧ ਪ੍ਰਦਰਸ਼ਨ ਦਾ ਹਿੱਸਾ ਨਾ ਬਣਨ ਲਈ ਇਕ ਹਲਫਨਾਮਾ ਪੇਸ਼ ਕਰਨ ਦਾ ਵੀ ਨਿਰਦੇਸ਼ ਦਿੱਤਾ।

ਇਹ ਵੀ ਪੜ੍ਹੋ : ਬੌਸ ਹੋਵੇ ਤਾਂ ਇਹੋ ਜਿਹਾ! ਕੰਪਨੀ ਦੀ ਸਿਲਵਰ ਜੁਬਲੀ ‘ਤੇ ਮੁਲਾਜ਼ਮਾਂ ‘ਚ ਵੰਡਿਆ 30 ਕਰੋੜ ਦਾ ਇਨਾਮ

ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਤੇ ਪੀਟੀਆਈ ਦੇ ਪ੍ਰਧਾਨ ਇਮਰਾਨ ਖਾਨ ਦੂ ਗ੍ਰਿਫਤਾਰੀ ਦੇ ਖਿਲਾਫ ਦੇਸ਼ ਵਿਆਪੀ ਵਿਰੋਧ ਦੇ ਵਿਚ ਹਿੰਸਾ ਭੜਕਨ ਦੇ ਇਕ ਦਿਨ ਬਾਅਦ 10 ਮਈ ਨੂੰ ਐੱਮਪੀਓ ਤਹਿਤ ਆਈਐੱਚਸੀ ਤੋਂ ਹਿਰਾਸਤ ਵਿਚ ਲਿਆ ਗਿਆ ਸੀ। ਹਿੰਸਕ ਵਿਰੋਧ ਦੇ ਫੈਲਣ ਦੇ 24 ਘੰਟੇ ਦੇ ਅੰਦਰ ਪੀਟੀਆਈ ਦੇ ਕੀ ਹੋਰ ਚੋਟੀ ਦੇ ਨੇਤਾਵਾਂ ਨੂੰ ਵੀ ਇਸਲਾਮਾਬਾਦ ਤੋਂ ਹਿਰਾਸਤ ਵਿਚ ਲਿਆ ਗਿਆ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”