ਮਹਾਰਾਸ਼ਟਰ ਦੇ ਕੋਲਹਾਪੁਰ ‘ਚ ਹੈਰਾਨ ਕਰਨ ਵਾਲੀ ਵੀਡੀਓ ਸਾਹਮਣੇ ਆਈ ਹੈ, ਇਕ ਆਟੋ ਚਾਲਕ ਔਰਤ ਨੂੰ ਸੜਕ ‘ਤੇ ਘਸੀਟਦਾ ਹੋਇਆ 400 ਮੀਟਰ ਤੱਕ ਲੈ ਗਿਆ, ਜਿਸ ਨਾਲ ਉਹ ਗੰਭੀਰ ਜ਼ਖਮੀ ਹੋ ਗਈ। ਖਬਰਾਂ ਮੁਤਾਬਕ ਔਰਤ ਦੇ ਪਤੀ ਅਤੇ ਡਰਾਈਵਰ ਵਿਚਾਲੇ ਕਿਰਾਏ ਨੂੰ ਲੈ ਕੇ ਝਗੜਾ ਹੋ ਗਿਆ ਸੀ। ਫਿਰ ਅਚਾਨਕ ਡਰਾਈਵਰ ਆਟੋ ਚਲਾ ਕੇ ਨਿਕਲ ਪਿਆ।
ਇਸ ਦੌਰਾਨ ਔਰਤ ਦੀ ਸਾੜੀ ਆਟੋ ਦੇ ਪਿਛਲੇ ਬੰਪਰ ਵਿੱਚ ਫਸ ਗਈ। ਸਾੜੀ ਫਸ ਜਾਣ ਕਾਰਨ ਔਰਤ ਹੇਠਾਂ ਡਿੱਗ ਗਈ ਅਤੇ ਸੜਕ ‘ਤੇ ਕਾਫੀ ਦੂਰ ਤੱਕ ਆਟੋ ਦੇ ਨਾਲ ਘਸੀਟਦੀ ਗਈ। ਔਰਤ ਦਾ ਪਤੀ ਵੀ ਆਟੋ ਰੋਕਣ ਲਈ ਉਸ ਦੇ ਪਿੱਛੇ ਭੱਜਦਾ ਰਿਹਾ। ਔਰਤ ਖੁਦ ਵੀ ਚੀਕਦੀ ਰਹੀ, ਸਥਾਨਕ ਲੋਕਾਂ ਨੇ ਆਟੋ ਵਾਲੇ ਨੂੰ ਰੋਕਣ ਦੀ ਕੋਸ਼ਿਸ਼ ਵੀ ਕੀਤੀ ਪਰ ਉਹ ਨਹੀਂ ਰੁਕਿਆ। ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਔਰਤ ਨੂੰ ਸੱਟਾਂ ਲੱਗਣ ਮਗਰੋਂ ਹਸਪਤਾਲ ਲਿਜਾਇਆ ਗਿਆ।
ਇਹ ਵੀ ਪੜ੍ਹੋ : ‘ਸ਼ੈਤਾਨ ਦੇ ਪੁਜਾਰੀ’ ਨੇ ਮਾਰੀ ਪਤਨੀ, ਮ੍ਰਿਤ.ਕ ਦੇਹ ਦਾ ਕੀਤਾ ਦਿਲ ਦਹਿਲਾਉਣ ਵਾਲਾ ਹਾਲ
ਪੁਲਿਸ ਮੁਤਾਬਕ ਘਟਨਾ ਤੋਂ ਬਾਅਦ ਦੋਸ਼ੀ ਆਟੋ ਚਾਲਕ ਫਰਾਰ ਹੋ ਗਿਆ। ਪੁਲਿਸ ਉਸ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਦੇ ਲਈ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਦੇਖੀ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਜਲਦ ਹੀ ਦੋਸ਼ੀ ਆਟੋ ਡਰਾਈਵਰ ਹਿਰਾਸਤ ਵਿੱਚ ਹੋਵੇਗਾ। ਸੀਸੀਟੀਵੀ ਫੁਟੇਜ ਵਿੱਚ ਦਿੱਤੀ ਗਈ ਤਰੀਕ ਮੁਤਾਬਕ ਘਟਨਾ 6 ਜੁਲਾਈ ਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
