ਦੁਨੀਆ ਵਿਚ ਪਹਿਲੀ ਵਾਰ ਇਕ ਅਜਿਹੇ ਬੱਚੇ ਨੇ ਜਨਮ ਲਿਆ ਹੈ ਜਿਸ ਨੂੰ ਕੋਈ ਵੀ ਜੇਨੇਟਿਕ ਬੀਮਾਰੀ ਨਹੀਂ ਹੋਵੇਗੀ। ਜੋ ਬੀਮਾਰੀ ਹੋਵੇਗੀ, ਉਨ੍ਹਾਂ ਸਾਰਿਆਂ ਦਾ ਇਲਾਜ ਕਰਨਾ ਸੰਭਵ ਹੋਵੇਗਾ। ਇਸ ਨੂੰ ਪਹਿਲਾਂ ਸੁਪਰਬੇਬੀ ਕਿਹਾ ਜਾ ਰਿਹਾ ਹੈ। ਇਹ ਬੱਚਾ ਤਿੰਨ ਲੋਕਾਂ ਦੇ ਡੀਐੱਨਏ ਨਾਲ ਪੈਦਾ ਹੋਇਆ ਹੈ। ਇਸ ਵਿਚ ਮਾਤਾ-ਪਿਤਾ ਦਾ DNA ਤਾਂ ਹੈ ਹੀ, ਇਕ ਹੋਰ ਮਹਿਲਾ ਦਾ ਡੀਐੱਨਏ ਵੀ ਲਿਆ ਗਿਆ ਹੈ।
ਮੈਡੀਕਲ ਸਾਇੰਸ ਦੇ ਨਜ਼ਰੀਏ ਤੋਂ ਇਹ ਚਮਤਕਾਰ ਤੋਂ ਘੱਟ ਨਹੀਂ। ਇਹ ਬੱਚਾ ਇੰਗਲੈਂਡ ਵਿਚ ਪੈਦਾ ਹੋਇਆ ਹੈ। ਬੱਚੇ ਦਾ ਜਨਮ ਜਿਸ ਤਕਨੀਕ ਦੀ ਮਦਦ ਨਾਲ ਹੋਇਆ ਉਹ ਮਾਇਕ੍ਰੋਕਾਂਡ੍ਰੀਅਲ ਬੀਮਾਰੀਆਂ ਨੂੰ ਰੋਕਣ ਲਈ ਅਪਣਾਈ ਜਾਂਦੀ ਹੈ। ਇਸ ਵਿਚ ਇਕ ਸਿਹਤਮੰਦ ਮਹਿਲਾ ਦੇ ਅੰਡ ਤੋਂ ਟਿਸ਼ੂ ਲਏ ਜਾਂਦੇ ਹਨ। ਫਿਰ ਇਨ੍ਹਾਂ ਤੋਂ ਆਈਵੀਐੱਫ ਭਰੂਣ ਬਣਾਏ ਜਾਂਦੇ ਹਨ। ਇਹ ਭਰੂਣ ਉਨ੍ਹਾਂ ਨੁਕਸਾਨਦਾਇਕ ਮਿਊਟੇਸ਼ਨ ਤੋਂ ਮੁਕਤ ਹੁੰਦੇ ਹਨ ਜੋ ਕਿ ਮਾਂ ਆਪਣੇ ਬੱਚਿਆਂ ਤੱਕ ਪਹੁੰਚਾ ਸਕਦੀ ਹੈ। ਮਤਲਬ ਇਹ ਭਰੂਣ ਜਿਸ ਗਰਭ ਵਿਚ ਪਲਿਆ, ਉਸ ਮਹਿਲਾ ਦੀ ਜੇਨੇਟਿਕ ਬੀਮਾਰੀਆਂ ਤੋਂ ਪੂਰੀ ਤਰ੍ਹਾਂ ਸੁਰੱਖਿਅਤ ਹੋਵੇਗਾ। ਮਾਂ ਦੇ ਸਰੀਰ ਵਿਚ ਜੇਕਰ ਕੋਈ ਬੀਮਾਰੀ ਹੈ ਤਾਂ ਉ ਬੱਚੇ ਤਕ ਨਹੀਂ ਜਾਵੇਗੀ।
ਵਿਗਿਆਨੀਆਂ ਮੁਤਾਬਕ ਨਵਜੰਮੇ ਬੱਚਿਆਂ ਨੂੰ ਜੇਨੇਟਿਕ ਬੀਮਾਰੀਆਂ ਤੋਂ ਬਚਾਉਣ ਲਈ ਇਹ ਸਭ ਤੋਂ ਸਫਲ ਉਪਾਅ ਹੈ। ਅਸਲ ਵਿਚ ਇਹ IVF ਤਕਨੀਕ ਦਾ ਹੀ ਬਦਲਿਆ ਹੋਇਆ ਰੂਪ ਹੈ। ਇਸ ਤਕਨੀਕ ਨਾਲ ਬਣਨ ਵਾਲੇ ਭਰੂਣ ਵਿਚ ਬਾਇਓਲਾਜਿਕਰ ਮਾਤਾ ਪਿਤਾ ਦੇ ਸਪਰਮ ਤੇ ਅੰਡੇ ਦੇ ਮਾਈਟੋਕਾਂਡ੍ਰੀਆ ਨੂੰ ਮਿਲਾਇਆ ਜਾਂਦਾ ਹੈ। ਮਾਇਟੋਕਾਂਡ੍ਰੀਆ ਕਿਸੇ ਵੀ ਕੋਸ਼ਿਕਾ ਦਾ ਪਾਵਰ ਹਾਊਸ ਹੁੰਦਾ ਹੈ ਜੋ ਵੀ ਨੁਕਸਾਨਦੇਹ ਮਿਊਟੇਸ਼ਨ ਹੁੰਦੇ ਹਨ, ਜੋ ਇਨ੍ਹਾਂ ਪਾਵਰ ਹਾਊਸ ਵਿਚ ਜਮ੍ਹਾ ਰਹਿੰਦੇ ਹਨ, ਉਹ ਬਾਅਦ ਵਿਚ ਬੱਚੇ ਦੀ ਸਿਹਤ ‘ਤੇ ਅਸਰ ਪਾਉਂਦੇ ਹਨ। ਆਮ ਤੌਰ ‘ਤੇ ਇਸ ਨਾਲ ਗ੍ਰਸਤ ਔਰਤਾਂ ਨੂੰ ਗਰਭ ਦੌਰਾਨ ਦਿੱਕਤ ਆਉਂਦੀ ਹੈ। ਜੇਕਰ ਕਿਸੇ ਤਰ੍ਹਾਂ ਗਰਭ ਧਾਰਨ ਹੋ ਵੀ ਗਿਆ ਤਾਂ ਬੱਚੇ ਨੂੰ ਕੋਈ ਨਾ ਕੋਈ ਜੇਨੇਟਿਕ ਬੀਮਾਰੀ ਹੋ ਜਾਂਦੀ ਹੈ ਤੇ ਸਿਹਤ ਖਰਾਬ ਹੋਣ ਲੱਗਦੀ ਹੈ।
ਇਹ ਵੀ ਪੜ੍ਹੋ : ਪਰਨੀਤੀ ਤੇ ਦਿਲਜੀਤ ਦੁਸਾਂਝ ਨੂੰ ਮਿਲੀ ਰਾਹਤ, ਫਿਲਮ ‘ਚਮਕੀਲਾ’ ‘ਤੇ ਲੱਗੀ ਰੋਕ ਕੋਰਟ ਨੇ ਹਟਾਈ
ਇਸ ਪੂਰੀ ਪ੍ਰਕਿਰਿਆ ਵਿਚ 99.8 ਫੀਸਦੀ ਡੀਐੱਨਏ ਤਾਂ ਮਾਤਾ-ਪਿਤਾ ਤੋਂ ਲਿਆ ਗਿਆ ਤੇ ਬਾਕੀ ਦਾ ਜਨਮ ਦੇਣ ਵਾਲੀ ਮਹਿਲਾ ਤੋਂ ਮਿਲਿਆ। ਬੱਚੇ ਦੇ ਕੋਲ ਉਸ ਦੇ ਮਾਤਾ-ਪਿਤਾ ਤੋਂ ਨਿਊਕਲੀਅਰ ਡੀਐੱਨਏ ਹੋਵੇਗਾ ਜੋ ਵਿਅਕਤੀਤਵ ਤੇ ਅੱਖਾਂ ਦੇ ਰੰਗ ਵਰਗੀਆਂ ਮੁੱਖ ਵਿਸ਼ੇਸ਼ਤਾਵਾਂ ਆਪਣੇ ਪੇਰੈਂਟਸ ਤੋਂ ਹੀ ਲਵੇਗਾ ਪਰ ਤੀਸਰੀ ਡੋਨਰ ਜੋ ਮਹਿਲਾ ਸੀ, ਉਸ ਦੇ ਡੀਐੱਨਏ ਦੀ ਇਕ ਛੋਟੀ ਜਿਹੀ ਮਾਤਰਾ ਹੀ ਹੋਵੇਗੀ ਯਾਨੀ ਜ਼ਿਆਦਾਤਰ ਇਹ ਬੱਚੇ ਆਪਣੇ ਅਸਲੀ ਮਾਂ-ਬਾਪ ਦੀ ਤਰ੍ਹਾਂ ਹੀ ਨਜ਼ਰ ਆਏਗੀ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
