ਰਾਜਸਥਾਨ ਵਿੱਚ ਗਠਜੋੜ ਕਰਨ ਵਾਲੀ ਰਾਸ਼ਟਰੀ ਲੋਕਤਾਂਤਰਿਕ ਪਾਰਟੀ (ਆਰਐਲਪੀ) ਅਤੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਹੁਣ ਇੱਕ ਨਵੇਂ ਵਿਵਾਦ ਵਿੱਚ ਘਿਰ ਗਈ ਹੈ। ਭੋਪਾਲਗੜ੍ਹ ਦੇ ਆਰਐਲਪੀ ਵਿਧਾਇਕ ਪੁਖਰਾਜ ਗਰਗ ਦੀ ਧੀ ਵੱਲੋਂ ਜਲੌਰ ਜ਼ਿਲ੍ਹੇ ਦੇ ਭੋਪਾਲਗੜ੍ਹ ਦੇ ਆਰਐਲਪੀ ਵਿਧਾਇਕ ਜੋਗੇਸ਼ਵਰ ਗਰਗ ਦੇ ਪੁੱਤ ‘ਤੇ ਦਾਜ ਮੰਗਣ, ਤਸੀਹੇ ਦੇਣ ਅਤੇ ਕੁੱਟਮਾਰ ਕਰਨ ਦੇ ਦੋਸ਼ ਲਾਏ ਗਏ ਹਨ।
ਵਿਧਾਇਕ ਗਰਗ ਦੀ ਧੀ ਨੇ ਆਪਣੇ ਵਿਧਾਇਕ ਸਹੁਰੇ ਅਤੇ ਪਤੀ ‘ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਪੁਲਿਸ ‘ਚ ਸ਼ਿਕਾਇਤ ਦਰਜ ਕਰਵਾਈ ਹੈ, ਜਿਸ ਤੋਂ ਬਾਅਦ ਪੁਲਿਸ ਨੇ ਸੋਮਵਾਰ ਦੇਰ ਸ਼ਾਮ ਜੋਗੇਸ਼ਵਰ ਗਰਗ ਦੇ ਬੇਟੇ ਨੂੰ ਤਸ਼ੱਦਦ ਦੇਣ ਅਤੇ ਕੁੱਟਮਾਰ ਦੇ ਮਾਮਲੇ ‘ਚ ਗ੍ਰਿਫਤਾਰ ਕਰ ਲਿਆ ਹੈ। ਜਦਕਿ ਵਿਧਾਇਕ ਤੇ ਹੋਰਾਂ ਨੂੰ ਅਜੇ ਤੱਕ ਗ੍ਰਿਫ਼ਤਾਰ ਨਹੀਂ ਕੀਤਾ ਗਿਆ ਹੈ।
ਵਿਧਾਇਕ ਦੀ ਧੀ ਨੇ ਦੋਸ਼ ਲਾਇਆ ਕਿ ਉਸ ਦਾ ਪਤੀ ਹਰ ਰੋਜ਼ ਉਸ ਨੂੰ ਕੁੱਟਦਾ ਹੈ ਅਤੇ ਚਾਰ ਵਾਰ ਉਸ ਦਾ ਗਰਭਪਾਤ ਕਰਵਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਪਤਨੀ ਨੇ ਦੋਸ਼ ਲਗਾਇਆ ਕਿ ਉਸ ਦਾ ਪਤੀ ਹਨੀਮੂਨ ‘ਤੇ ਦੂਜੀਆਂ ਕੁੜੀਆਂ ਨਾਲ ਗੱਲਾਂ ਕਰਦਾ ਸੀ ਅਤੇ ਇਸ ਦੌਰਾਨ ਉਸ ਨੂੰ ਸਿਗਰੇਟ ਅਤੇ ਸ਼ਰਾਬ ਪੀਣ ਲਈ ਮਜਬੂਰ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਇਹ ਪੂਰਾ ਮਾਮਲਾ ਜੋਧਪੁਰ ਦੇ ਮਹਿਲਾ ਥਾਣਾ ਪੱਛਮੀ ‘ਚ ਦਰਜ ਕੀਤਾ ਗਿਆ ਹੈ।
ਪਤਾ ਲੱਗਾ ਹੈ ਕਿ ਭੋਪਾਲਗੜ੍ਹ ਦੇ ਰਾਲੋਪਾ ਦੇ ਵਿਧਾਇਕ ਪੁਖਰਾਜ ਗਰਗ ਦੀ ਬੇਟੀ ਮਮਤਾ ਦਾ ਵਿਆਹ 2007 ‘ਚ ਜਲੌਰ ਤੋਂ ਭਾਜਪਾ ਵਿਧਾਇਕ ਜੋਗੇਸ਼ਵਰ ਗਰਗ ਦੇ ਬੇਟੇ ਪ੍ਰਕਾਸ਼ ਪੁੰਜ ਨਾਲ ਹੋਇਆ ਸੀ, ਜਿੱਥੇ ਪ੍ਰਕਾਸ਼ ਦੇ ਪਰਿਵਾਰਕ ਮੈਂਬਰਾਂ ਨੇ ਉਸ ਦੇ ਕਿਸੇ ਵੀ ਤਰ੍ਹਾਂ ਦਾ ਨਸ਼ਾ ਨਾ ਕਰਨ ਦੀ ਗੱਲ ਕਹੀ ਸੀ। ਦੂਜੇ ਪਾਸੇ ਕੁੜੀ ਵਾਲਿਆਂ ਦਾ ਦੋਸ਼ ਹੈ ਕਿ ਵਿਆਹ ਦੇ ਦੋ ਦਿਨ ਬਾਅਦ ਹੀ ਮੁੰਡੇ ਵਾਲਿਆਂ ਨੇ ਦਾਜ ਲਈ ਦਬਾਅ ਪਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਕੁੜੀ ਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤਾ।
ਦੱਸ ਦੇਈਏ ਕਿ ਵਿਧਾਇਕ ਦੀ ਧੀ ਨੇ ਐਫਆਈਆਰ ਵਿੱਚ ਦੋਸ਼ ਲਾਇਆ ਹੈ ਕਿ ਉਸ ਦਾ ਪਤੀ ਪੇਕਿਓਂ ਪੈਸੇ ਲਿਆਉਣ ਲਈ ਹਰ ਰੋਜ਼ ਉਸ ਨੂੰ ਡੰਡਿਆਂ ਨਾਲ ਕੁੱਟਦਾ ਸੀ। ਇਸ ਦੇ ਨਾਲ ਹੀ ਪਤਨੀ ਨੇ ਦੋਸ਼ ਲਾਇਆ ਕਿ ਉਸ ਨੂੰ ਅਸ਼ਲੀਲ ਵੀਡੀਓਜ਼ ਦਿਖਾਈਆਂ ਜਾਂਦੀਆਂ ਸਨ ਅਤੇ ਉਹ ਜ਼ਬਰਦਸਤੀ ਰਿਲੇਸ਼ਨ ਬਣਾਉਂਦਾ ਸੀ।
ਇਹ ਵੀ ਪੜ੍ਹੋ : ‘ਜਿੰਮੀ ਜਿੰਮੀ ਆਜਾ ਆਜਾ…’ ਚੀਨ ‘ਚ ਲੋਕ ਸਰਕਾਰ ਖਿਲਾਫ਼ ਵਜਾ ਰਹੇ ਬੱਪੀ ਲਹਿਰੀ ਦਾ ਗਾਣਾ
ਦੂਜੇ ਪਾਸੇ ਮਮਤਾ ਨੇ ਅੱਗੇ ਦੱਸਿਆ ਕਿ ਉਹ ਸਾਲ 2008, 2009, 2010 ਅਤੇ 2015 ਵਿੱਚ ਗਰਭਵਤੀ ਹੋਈ ਸੀ ਪਰ ਕੁੱਟਮਾਰ ਕਾਰਨ ਉਸ ਦਾ ਚਾਰ ਵਾਰ ਗਰਭਪਾਤ ਹੋ ਗਿਆ। ਇਸ ਦੇ ਨਾਲ ਹੀ ਉਸ ਦੇ ਪਿਤਾ ਤੋਂ ਵੀ ਕਈ ਵਾਰ ਕਾਰੋਬਾਰ ਦੇ ਨਾਂ ‘ਤੇ ਲੱਖਾਂ ਰੁਪਏ ਵੀ ਠੱਗੇ ਗਏ ਹਨ।
ਮਮਤਾ ਨੇ ਐੱਫ.ਆਈ.ਆਰ ‘ਚ ਦੱਸਿਆ ਹੈ ਕਿ 15 ਸਾਲਾਂ ਤੋਂ ਉਸ ਨੂੰ ਸਹੁਰੇ ਵਾਲੇ ਲਗਾਤਾਰ ਤੰਗ-ਪ੍ਰੇਸ਼ਾਨ ਕਰਦੇ ਸਨ ਅਤੇ ਘਰ ਆਉਣ ‘ਤੇ ਹਰ ਰੋਜ਼ ਪਤੀ ਦੇ ਪਰਿਵਾਰ ਵਾਲੇ ਉਸ ਨੂੰ ਉਕਸਾਉਂਦੇ ਸਨ, ਜਿਸ ਤੋਂ ਬਾਅਦ ਉਹ ਉਸ ਨੂੰ ਡੰਡਿਆਂ ਅਤੇ ਜੁੱਤੀਆਂ ਨਾਲ ਕੁੱਟਿਆ ਜਾਂਦਾ ਸੀ। ਪੀੜਤਾ ਨੇ ਦੱਸਿਆ ਕਿ ਉਸ ਨੂੰ ਇੰਨਾ ਕੁੱਟਿਆ ਗਿਆ ਕਿ ਉਸ ਦੇ ਸਿਰ ‘ਚ ਕਲਾਟਸ ਬਣ ਗਏ ਹਨ, ਜਿਸ ਦਾ ਦੋ ਸਾਲ ਪਹਿਲਾਂ ਅਹਿਮਦਾਬਾਦ ‘ਚ ਇਲਾਜ ਵੀ ਕਰਵਾਇਆ ਗਿਆ ਸੀ।
ਇਸ ਦੇ ਨਾਲ ਹੀ ਮਾਮਲੇ ਸਬੰਧੀ ਮਹਿਲਾ ਪੁਲਿਸ ਅਧਿਕਾਰੀ ਕਿਰਨ ਗੋਦਾਰਾ ਨੇ ਦੱਸਿਆ ਕਿ 7 ਫਰਵਰੀ 2020 ਨੂੰ ਇਹ ਮਾਮਲਾ ਦਰਜ ਕੀਤਾ ਗਿਆ ਸੀ, ਜਿਸ ਦੀ ਸੀਆਈਡੀ ਸੀਬੀ ਨੇ ਜਾਂਚ ਕੀਤੀ ਅਤੇ ਹਾਈਕੋਰਟ ਨੇ ਇਸ ਕੇਸ ਵਿੱਚ ਪ੍ਰਕਾਸ਼ ਪੁੰਜ, ਵਿਧਾਇਕ ਜੋਗੇਸ਼ਵਰ ਗਰਗ ਅਤੇ ਉਨ੍ਹਾਂ ਦੀ ਪਤਨੀ ਕਮਲਾ ਦੀ ਗ੍ਰਿਫ਼ਤਾਰੀ ‘ਤੇ ਰੋਕ ਲਗਾ ਦਿੱਤੀ ਸੀ।
ਇਸ ਦੇ ਨਾਲ ਹੀ 11 ਸਤੰਬਰ 2022 ਨੂੰ ਹਾਈ ਕੋਰਟ ਨੇ ਪ੍ਰਕਾਸ਼ ਦੀ ਗ੍ਰਿਫਤਾਰੀ ‘ਤੇ ਲੱਗੀ ਰੋਕ ਹਟਾ ਦਿੱਤੀ ਸੀ, ਜਿਸ ਤੋਂ ਬਾਅਦ ਪ੍ਰਕਾਸ਼ ਨੇ ਐਤਵਾਰ ਸ਼ਾਮ ਨੂੰ ਪੁਲਿਸ ਦੇ ਸਾਹਮਣੇ ਆਤਮ-ਸਮਰਪਣ ਕਰ ਦਿੱਤਾ। ਦੂਜੇ ਪਾਸੇ ਜੋਗੇਸ਼ਵਰ ਗਰਗ ਅਤੇ ਉਸ ਦੀ ਪਤਨੀ ਕਮਲਾ ਨੂੰ ਹਾਈ ਕੋਰਟ ਤੋਂ ਅਗਾਊਂ ਜ਼ਮਾਨਤ ਮਿਲੀ ਹੋਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
