ਹਾਲੀਵੁੱਡ ਪੌਪ ਗਾਇਕਾ ਬ੍ਰਿਟਨੀ ਸਪੀਅਰਸ ਤੀਜੀ ਵਾਰ ਵਿਆਹ ਦੇ ਬੰਧਨ ਵਿੱਚ ਬੱਝ ਗਈ ਹੈ। ਉਸ ਦਾ ਵਿਆਹ ਆਪਣੇ ਪਾਰਟਨਰ ਸੈਮ ਅਸਘਰੀ ਨਾਲ ਹੋਇਆ ਹੈ। ਦੱਸ ਦੇਈਏ ਕਿ ਇਸ ਸਾਲ ਪੌਪ ਸਿੰਗਰ ਸਪੀਅਰਸ ਵੀ ਪ੍ਰੈਗਨੈਂਟ ਵੀ ਸੀ। ਹਾਲਾਂਕਿ, ਉਸਦਾ ਗਰਭਪਾਤ ਹੋ ਗਿਆ ਸੀ।
ਪੌਪ ਗਾਇਕਾ ਬ੍ਰਿਟਨੀ ਸਪੀਅਰਸ ਨੇ ਲਾਸ ਏਂਜਲਸ, ਕੈਲੀਫੋਰਨੀਆ ਵਿੱਚ ਇੱਕ ਇੰਟੀਮੇਟ ਸੈਰਾਮਨੀ ਕੀਤੀ। ਉਸ ਦੇ ਮੰਗੇਤਰ ਦੀ ਉਮਰ 28 ਸਾਲ ਹੈ। ਬ੍ਰਿਟਨੀ ਸਪੀਅਰਸ ਅਤੇ ਸੈਮ ਅਸਘਰੀ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਨਹੀਂ ਆਈਆਂ ਪਰ ਉਨ੍ਹਾਂ ਦੇ ਸਾਬਕਾ ਪਤੀ ਦੇ ਡਰਾਮੇ ਕਰਕੇ ਇਹ ਵਿਆਹ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਹਾਲੀਵੁੱਡ ਪੌਪ ਗਾਇਕਾ ਬ੍ਰਿਟਨੀ ਸਪੀਅਰਸ ਨੇ ਆਪਣੇ ਵਿਆਹ ਵਿੱਚ ਸਿਰਫ਼ ਕਰੀਬੀ ਮਹਿਮਾਨਾਂ ਨੂੰ ਹੀ ਸੱਦਿਆ ਸੀ। ਪਰ ਗਾਇਕ ਅਤੇ ਅਦਾਕਾਰਾ ਦੇ ਵਿਆਹ ਵਿੱਚ ਉਸ ਦਾ ਪਹਿਲਾ ਪਤੀ ਜੇਸਨ ਅਲੈਗਜ਼ੈਂਡਰ ਬਿਨਾਂ ਬੁਲਾਏ ਹੀ ਇਸ ਵਿਆਹ ਵਿੱਚ ਪਹੁੰਚਿਆ। ਇੰਨਾ ਹੀ ਨਹੀਂ ਇਸ ਦੌਰਾਨ ਉਹ ਇੰਸਟਾਗ੍ਰਾਮ ‘ਤੇ ਲਾਈਵ ਵੀ ਹੋਇਆ।
ਜੇਸਨ ਅਲੈਗਜ਼ੈਂਡਰ ਇੱਥੇ ਖਾਲੀ ਸਜੇ ਕਮਰੇ ਵਿੱਚ ਨਜ਼ਰ ਆ ਰਿਹਾ ਸੀ। ਇਸ ਦੌਰਾਨ ਸਮਾਗਮ ਦੀ ਸੁਰੱਖਿਆ ਦੇਖ ਰਹੀ ਸੁਰੱਖਿਆ ਟੀਮ ਨੇ ਉਸ ਨੂੰ ਰੋਕ ਲਿਆ। ਇਸ ਦੇ ਜਵਾਬ ਵਿਚ ਅਲੈਗਜ਼ੈਂਡਰ ਨੇ ਕਿਹਾ ਕਿ ਬ੍ਰਿਟਨੀ ਸਪੀਅਰਸ ਨੇ ਉਸ ਨੂੰ ਆਪਣੇ ਵਿਆਹ ਵਿਚ ਬੁਲਾਇਆ ਹੈ।
ਅਲੈਗਜ਼ੈਂਡਰ ਨੇ ਕਿਹਾ ਕਿ ਉਹ ਮੇਰੀ ਪਹਿਲੀ ਪਤਨੀ ਸੀ, ਮੇਰੀ ਇਕਲੌਤੀ ਵਾਈਫ’ ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਮਗਰੋਂ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਤੁਹਾਨੂੰ ਦੱਸ ਦੇਈਏ ਕਿ ਹਾਲੀਵੁੱਡ ਪੌਪ ਸਿੰਗਰ ਬ੍ਰਿਟਨੀ ਸਪੀਅਰਸ ਦਾ ਇਹ ਤੀਜਾ ਵਿਆਹ ਹੈ। ਬ੍ਰਿਟਨੀ ਸਪੀਅਰਸ ਸੈਮ ਅਸਘਰੀ ਤੋਂ ਪਹਿਲਾਂ ਦੋ ਵਾਰ ਵਿਆਹ ਕਰਵਾ ਚੁੱਕੀ ਹੈ। ਬ੍ਰਿਟਨੀ ਨੇ ਪਹਿਲੀ ਵਾਰ 2004 ਵਿੱਚ ਅਮਰੀਕੀ ਗਾਇਕ ਕੇਵਿਨ ਫੈਡਰਲਾਈਨ ਨਾਲ ਵਿਆਹ ਕੀਤਾ ਸੀ। ਹਾਲਾਂਕਿ, ਇਹ ਵਿਆਹ ਤਿੰਨ ਸਾਲ ਬਾਅਦ ਯਾਨੀ 2007 ਵਿੱਚ ਖਤਮ ਹੋ ਗਿਆ। ਇਸ ਵਿਆਹ ਤੋਂ ਉਸ ਦੇ ਦੋ ਬੇਟੇ ਸੀਨ ਪ੍ਰੈਸਟਨ ਫੈਡਰਲਾਈਨ ਅਤੇ ਜੇਡਨ ਜੇਮਸ ਫੈਡਰਲਾਈਨ ਹਨ। ਬ੍ਰਿਟਨੀ ਅਤੇ ਜੇਸਨ ਅਲੈਗਜ਼ੈਂਡਰ ਦਾ ਸਾਲ 2004 ‘ਚ ਕੁਝ ਸਮੇਂ ਲਈ ਹੀ ਵਿਆਹ ਹੋਇਆ ਸੀ, ਜੋ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ।
ਵੀਡੀਓ ਲਈ ਕਲਿੱਕ ਕਰੋ -:
“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”
