ਮੰਦਰ ਭਗਤਾਂ ਦੀ ਆਸਥਾ ਦਾ ਕੇਂਦਰ ਹੁੰਦੇ ਹਨ ਪਰ ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਵਿੱਚ ਇੱਕ ਸ਼ਰਧਾਲੂ ਨੇ ਭਗਵਾਨ ਨੂੰ ਵੀ ਨਹੀਂ ਬਖਸ਼ਿਆ। ਸ਼ਰਧਾਲੂ ਨੇ ਮੰਦਰ ਦੀ ਦਾਨ ਪੇਟੀ ਵਿੱਚ 100 ਕਰੋੜ ਦਾ ਚੈੱਕ ਪਾ ਦਿੱਤਾ। ਜਦੋਂ ਬੈਂਕ ਨੇ ਉਸ ਚੈੱਕ ਦੀ ਪੁਸ਼ਟੀ ਕੀਤੀ ਤਾਂ ਪਤਾ ਲੱਗਾ ਕਿ ਖਾਤੇ ਵਿੱਚ 100 ਕਰੋੜ ਤਾਂ ਕੀ, 100 ਰੁਪਏ ਵੀ ਨਹੀਂ ਹਨ।
ਦਰਅਸਲ ਤਾਜ਼ਾ ਮਾਮਲਾ ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਦਾ ਹੈ। ਇੱਥੇ ਇੱਕ ਸ਼ਰਧਾਲੂ ਨੇ ਸਿਮਹਾਚਲਮ ਦੇਵਸਥਾਨਮ ਮੰਦਰ ਦੀ ਦਾਨ ਪੇਟੀ ਵਿੱਚ 100 ਕਰੋੜ ਦਾ ਚੈੱਕ ਪਾ ਦਿੱਤਾ। ਇਸ ਤੋਂ ਬਾਅਦ ਜਦੋਂ ਬੁੱਧਵਾਰ ਨੂੰ ਮੰਦਰ ਦੇ ਪੁਜਾਰੀ ਅਤੇ ਪ੍ਰਬੰਧਕਾਂ ਨੇ ਹੁੰਡੀ ਇਕੱਠਾ ਕਰਨ ਲਈ ਦਾਨ ਪੇਟੀ ਨੂੰ ਖੋਲ੍ਹਿਆ ਤਾਂ ਉਨ੍ਹਾਂ ਨੂੰ ਮੰਦਰ ਦੀ ਦਾਨ ਪੇਟੀ ਵਿੱਚ ਸ਼ਰਧਾਲੂ ਵੱਲੋਂ ਪਾਇਆ ਗਿਆ ਚੈੱਕ ਮਿਲਿਆ। ਚੈੱਕ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਇਸ ਤੋਂ ਬਾਅਦ ਜਦੋਂ ਚੈੱਕ ਬੈਂਕ ਨੂੰ ਭੇਜਿਆ ਗਿਆ ਤਾਂ ਪਤਾ ਲੱਗਾ ਕਿ ਸ਼ਰਧਾਲੂ ਦੇ ਖਾਤੇ ‘ਚ ਸਿਰਫ 22 ਰੁਪਏ ਹੀ ਸਨ।
ਇਹ ਵੀ ਪੜ੍ਹੋ : ਪਾਕਿਸਤਾਨੀ ਨਿਊਜ਼ ਐਂਕਰ ਨੇ ਕੀਤੀਆਂ ਚੰਦਰਯਾਨ-3 ਦੀਆਂ ਤਾਰੀਫ਼ਾਂ, ਆਪਣੇ ਮੁਲਕ ਦੀ ਲਾਈ ਕਲਾਸ
ਚੈੱਕ ਨੂੰ ਦੇਖ ਕੇ ਮੰਦਰ ਦੇ ਪੁਜਾਰੀ ਇਸ ਨੂੰ ਕਾਰਜਕਾਰੀ ਅਧਿਕਾਰੀ (ਈਓ) ਤ੍ਰਿਨਾਧਾ ਰਾਓ ਕੋਲ ਲੈ ਗਿਆ। ਰਾਓ ਨੇ ਚੈੱਕ ਦੀ ਚੰਗੀ ਤਰ੍ਹਾਂ ਜਾਂਚ ਕਰਕੇ ਬੈਂਕ ਸ਼ਾਖਾ ਨੂੰ ਭੇਜ ਦਿੱਤਾ। ਇੱਥੇ ਤਸਦੀਕ ਕਰਨ ਤੋਂ ਪਤਾ ਲੱਗਾ ਹੈ ਕਿ ਦਾਨ ਬਾਕਸ ਵਿੱਚ ਜਮ੍ਹਾਂ ਕੀਤੇ ਗਏ ਚੈੱਕ ‘ਤੇ ਬੋਡੇਪੱਲੀ ਰਾਧਾਕ੍ਰਿਸ਼ਨਨ ਦੇ ਹਸਤਾਖਰ ਸਨ।
ਮੰਦਰ ਦੇ ਈਓ ਦੀ ਬੈਂਕ ਸ਼ਾਖਾ ਵਿੱਚ ਚੈੱਕ ਦੇਣ ਤੋਂ ਬਾਅਦ ਪਤਾ ਲੱਗਾ ਕਿ ਮੰਦਰ ਨੂੰ 100 ਕਰੋੜ ਦਾ ਚੈੱਕ ਦਾਨ ਕਰਨ ਵਾਲੇ ਬੋਦੇਪੱਲੀ ਰਾਧਾਕ੍ਰਿਸ਼ਨਨ ਦੇ ਖਾਤੇ ਵਿੱਚ ਸਿਰਫ਼ 22 ਰੁਪਏ ਹਨ। ਹਾਲਾਂਕਿ ਮੰਦਰ ਪ੍ਰਬੰਧਕਾਂ ਨੂੰ ਉਸ ਦੇ ਨਾਂ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲ ਸਕੀ। ਇਸ ਮਾਮਲੇ ਬਾਰੇ ਜਾਣਕਾਰੀ ਦਿੰਦਿਆਂ ਮੰਦਰ ਦੇ ਈਓ ਨੇ ਕਿਹਾ ਕਿ ਇਹ ਕੋਈ ਨਵੀਂ ਗੱਲ ਨਹੀਂ ਹੈ। ਅਕਸਰ ਕਈ ਲੋਕ ਇਸ ਤਰ੍ਹਾਂ ਦੀ ਹਰਕਤ ਕਰਦੇ ਹਨ ਅਤੇ ਇਸ ਤੋਂ ਪਹਿਲਾਂ ਵੀ ਇਸ ਤਰ੍ਹਾਂ ਦੇ ਚੈੱਕ ਹੁੰਡੀ ‘ਚ ਜਮ੍ਹਾ ਕਰਵਾਏ ਜਾ ਚੁੱਕੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
