ਅਬਾਦੀ ‘ਚ ਭਾਰਤ ਦੇ ਅੱਗੇ ਨਿਕਲਣ ‘ਤੇ ਭੜਕਿਆ ਚੀਨ, ਦਿੱਤਾ ਵਿਵਾਦਿਤ ਬਿਆਨ

ਸੰਯੁਕਤ ਰਾਸ਼ਟਰ ਨੇ ਬੁੱਧਵਾਰ ਨੂੰ ਅੰਕੜੇ ਜਾਰੀ ਕਰਦੇ ਹੋਏ ਕਿਹਾ ਕਿ ਭਾਰਤ ਆਬਾਦੀ ਦੇ ਮਾਮਲੇ ‘ਚ ਚੀਨ ਨੂੰ ਪਛਾੜ ਗਿਆ ਹੈ। ਇਸ ਤੋਂ ਠੀਕ ਇੱਕ ਦਿਨ ਬਾਅਦ ਚੀਨ ਨੇ ਭਾਰਤ ਦੇ ਲੋਕਾਂ ਨੂੰ ਲੈ ਕੇ ਚੀਨ ਦਾ ਵਿਵਾਦਿਤ ਬਿਆਨ ਸਾਹਮਣੇ ਆਇਆ ਹੈ।

ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਵੈਂਗ ਵੇਨਬਿਨ ਨੇ ਕਿਹਾ ਕਿ ਕਿਸੇ ਦੇਸ਼ ਦੀ ਆਬਾਦੀ ਹੀ ਨਹੀਂ ਸਗੋਂ ਉਸ ਦੀ ਕੁਆਲਿਟੀ ਵੀ ਜ਼ਰੂਰੀ ਹੈ। ਵੈਂਗ ਵੇਨਬਿਨ ਨੇ ਵੀਰਵਾਰ ਨੂੰ ਭਾਰਤ ਦੀ ਆਬਾਦੀ ਨਾਲ ਜੁੜੇ ਇਕ ਸਵਾਲ ਦੇ ਜਵਾਬ ‘ਚ ਇਕ ਪ੍ਰੈੱਸ ਕਾਨਫਰੰਸ ‘ਚ ਇਹ ਗੱਲ ਕਹੀ।

ਵੈਂਗ ਨੇ ਕਿਹਾ, ‘ਗਿਣਤੀ ਦੇ ਨਾਲ-ਨਾਲ ਕਿਸੇ ਵੀ ਦੇਸ਼ ‘ਚ ਟੇਲੈਂਟ ਦਾ ਹੋਣਾ ਵੀ ਜ਼ਰੂਰੀ ਹੈ। ਚੀਨ ਵਿੱਚ 900 ਮਿਲੀਅਨ ਲੋਕ ਵਰਕਿੰਗ ਏਜ ਵਿੱਚ ਹਨ, ਯਾਨੀ ਉਹ ਕੰਮ ਕਰਨ ਦੀ ਉਮਰ ਵਿੱਚ ਹਨ। ਜਦੋਂ ਕਿ ਸਾਡੇ ਦੇਸ਼ ਵਿੱਚ ਔਸਤਨ ਇੱਕ ਵਿਅਕਤੀ ਘੱਟੋ-ਘੱਟ 10 ਸਾਲਾਂ ਤੋਂ ਵੱਧ ਸਮੇਂ ਲਈ ਸਕੂਲ ਵਿੱਚ ਪੜ੍ਹਦਾ ਹੈ।

ਦਰਅਸਲ, ਭਾਰਤ ਵਿੱਚ ਇਹ ਅੰਕੜਾ ਚੀਨ ਤੋਂ ਘੱਟ ਹੈ। ਵਿਸ਼ਵ ਬੈਂਕ ਦੀ ਰਿਪੋਰਟ ਮੁਤਾਬਕ ਇੱਥੇ ਔਸਤਨ ਇੱਕ ਵਿਅਕਤੀ ਸਿਰਫ਼ 5 ਸਾਲਾਂ ਲਈ ਸਕੂਲ ਜਾਂਦਾ ਹੈ।

ਵੈਂਗ ਵੇਨਬਿਨ ਨੇ ਇਹ ਵੀ ਕਿਹਾ ਕਿ ਚੀਨ ‘ਚ ਬਜ਼ੁਰਗਾਂ ਦੀ ਵਧਦੀ ਗਿਣਤੀ ਨਾਲ ਨਜਿੱਠਣ ਲਈ ਤਿੰਨ ਬੱਚਿਆਂ ਵਾਲੀ ਨੀਤੀ ‘ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ : ਕੇਜਰੀਵਾਲ ਦਾ ਵੱਡਾ ਐਲਾਨ- ‘ਜਲੰਧਰ ‘ਚ ਖੋਲ੍ਹਿਆ ਜਾਵੇਗਾ PGI ਵਰਗਾ ਹਸਪਤਾਲ’

ਸੰਯੁਕਤ ਰਾਸ਼ਟਰ ਆਬਾਦੀ ਫੰਡ (UNFPA) ਦੀ ਰਿਪੋਰਟ ਮੁਤਾਬਕ ਹੁਣ ਭਾਰਤ ਦੀ ਆਬਾਦੀ 142 ਕਰੋੜ 86 ਲੱਖ ਹੈ। ਅਤੇ ਚੀਨ ਦੀ ਆਬਾਦੀ 142 ਕਰੋੜ 57 ਲੱਖ ਹੈ। ਯਾਨੀ ਸਾਡੀ ਆਬਾਦੀ ਚੀਨ ਨਾਲੋਂ ਲਗਭਗ 30 ਲੱਖ ਵੱਧ ਹੈ।

2022 ਵਿੱਚ ਚੀਨ ਦੀ ਆਬਾਦੀ 60 ਸਾਲਾਂ ਵਿੱਚ ਪਹਿਲੀ ਵਾਰ ਘਟੀ। ਪਿਛਲੇ ਸਾਲ ਚੀਨ ਦੀ ਰਾਸ਼ਟਰੀ ਜਨਮ ਦਰ ਵਿੱਚ ਰਿਕਾਰਡ ਗਿਰਾਵਟ ਦਰਜ ਕੀਤੀ ਗਈ ਸੀ। ਸਾਲ 2022 ‘ਚ ਚੀਨ ‘ਚ 95 ਲੱਖ ਬੱਚੇ ਪੈਦਾ ਹੋਏ ਸਨ, ਜਦੋਂ ਕਿ ਸਾਲ 2021 ‘ਚ 1 ਕਰੋੜ 62 ਲੱਖ ਬੱਚੇ ਉੱਥੇ ਪੈਦਾ ਹੋਏ ਸਨ।

ਨੈਸ਼ਨਲ ਬਿਊਰੋ ਆਫ਼ ਸਟੈਟਿਸਟਿਕਸ ਨੇ ਰਿਪੋਰਟ ਦਿੱਤੀ ਸੀ ਕਿ ਸਾਲ 2021 ਵਿੱਚ ਚੀਨ ਵਿੱਚ ਜਨਮ ਦਰ 7.52% ਸੀ, ਜੋ ਸਾਲ 2022 ਵਿੱਚ ਘਟ ਕੇ 6.67% ਹੋ ਗਈ ਹੈ। ਇਸ ਦਾ ਮਤਲਬ ਹੈ ਕਿ ਚੀਨ ‘ਚ ਜਿੱਥੇ ਸਾਲ 2021 ‘ਚ ਪ੍ਰਤੀ ਹਜ਼ਾਰ ਲੋਕਾਂ ‘ਤੇ 7.52 ਬੱਚੇ ਪੈਦਾ ਹੋਏ ਸਨ, ਉਹ 2022 ‘ਚ ਘੱਟ ਕੇ 6.67 ਰਹਿ ਗਏ। ਇਹ 1949 ਤੋਂ ਬਾਅਦ ਸਭ ਤੋਂ ਘੱਟ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “