ਸਿੱਖਿਆ ਵਿਭਾਗ ਵੱਲੋਂ ਸੂਬੇ ਦੇ 2012 ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲਾਂ ਵਿੱਚ ਇੱਕ-ਇੱਕ ਚੌਕੀਦਾਰ ਨਿਯੁਕਤ ਕਰਨ ਦੀ ਤਿਆਰੀ ਕਰ ਲਈ ਗਈ ਹੈ। ਇਸਦੇ ਲਈ ਬਜਟ ਵੀ ਤਿਆਰ ਕੀਤਾ ਗਿਆ ਹੈ।
ਅਮ੍ਰਿਤਸਰ ਦੇ 117, ਬਰਨਾਲਾ ਦੇ 48, ਬਠਿੰਡਾ ਦੇ 125, ਫਰੀਦਕੋਟ ਦੇ 43, ਫਤਿਹਗੜ੍ਹ ਸਾਹਿਬ ਦੇ 48, ਫਾਜਿਲਕਾ ਦੇ 85, ਫਿਰੋਜਪੁਰ ਦੇ 69, ਗੁਰਦਾਸਪੁਰ ਦੇ 119, ਹੁਸ਼ਿਆਰਪੁਰ ਦੇ 133, ਜਲੰਧਰ ਦੇ 6, ਕਪੂਰਥਲਾ ਦੇ 66, ਲੁਧਿਆਣਾ ਦੇ 189, ਮਾਲੇਰਕੋਟਲਾ 30, ਮਾਨਸਾ ਦੇ 72, ਮੋਗਾ ਦੇ 89, ਮੁਕਤਸਰ ਦੇ 92, ਪਠਾਨਕੋਟ ਦੇ 44, ਪਟਿਆਲਾ ਦੇ 114, ਰੂਪਨਗਰ ਦੇ 56, ਐਸ.ਬੀ.ਐਸ.ਨਗਰ ਦੇ 59, ਐੱਸ.ਏਐੱਸ ਨਗਰ ਦੇ 62, ਸੰਗਰੂਰ ਦੇ 103 ਤੇ ਤਰਨਤਾਰਨ ਦੇ 89 ਸਕੂਲਾਂ ਵਿੱਚ ਚੌਂਕੀਦਾਰ ਰੱਖੇ ਜਾਣੇ ਹਨ।
ਵਿਭਾਗ ਨੇ ਹਰ ਚੌਕੀਦਾਰ ਲਈ ਪੰਜ ਹਜ਼ਾਰ ਰੁਪਏ ਦਾ ਬਜਟ ਤੈਅ ਕੀਤਾ ਹੈ। ਚੌਂਕੀਦਾਰਾਂ ਦਾ ਪ੍ਰਬੰਧ ਸਕੂਲ ਚੌਕੀਦਾਰ ਕਮੇਟੀਆਂ ਦੇ ਨਾਲ ਹੋਵੇਗਾ। ਚੌਕੀਦਾਰ ਦੀ ਉਮਰ 32 ਤੋਂ 60 ਸਾਲ ਵਿਚਕਾਰ ਹੋਣੀ ਚਾਹੀਦੀ ਹੈ। ਚੌਕੀਦਾਰ ਰੱਖਣ ਦੇ ਬਾਅਦ ਜੇ ਉਸ ਦਾ ਵਿਵਹਾਰ ਠੀਕ ਨਹੀਂ ਹੈ ਤਾਂ ਉਸ ਨੂੰ ਕੰਮ ਤੋਂ ਵੀ ਨਿਕਲਿਆ ਜਾ ਸਕਦਾ ਹੈ। ਕੁਲ ਮਿਲਾਕਰ ਜ਼ਿੰਮੇਵਾਰੀ ਸਕੂਲ ਪ੍ਰਬੰਧਨ ਕਮੇਟੀ ਹੀ ਦੇਖੇਗੀ।
ਇਹ ਵੀ ਪੜ੍ਹੋ : ਹਰਿਆਣਾ ਦੇ ਮੰਤਰੀ ਸੰਦੀਪ ਸਿੰਘ ‘ਤੇ ਛੇੜਛਾੜ ਦੇ ਦੋਸ਼ ਲਾਉਣ ਵਾਲੀ ਮਹਿਲਾ ਕੋਚ ਸਸਪੈਂਡ!
ਦੱਸ ਦੇਈਏ ਕਿ ਸਕੂਲਾਂ ਵਿੱਚ ਮਿਡ-ਡੇਲ ਮੀਲ, ਰਾਸ਼ਨ, ਸਿਲੰਡਰ, ਏਲੀਈਡੀ, ਕੰਪਿਊਟਰ ਆਦਿ ਸਮੇਤ ਕੀਮਤੀ ਸਮਾਨ ਮੌਜੂਦ ਹੈ। ਚੌਕੀਦਾਰ ਨਹੀਂ ਹੋਣ ਦੇ ਕਾਰਨ ਚੋਰੀ ਦੀ ਘਟਨਾ ਵੀ ਲਗਾਤਾਰ ਵਧਦੀ ਜਾ ਰਹੀ ਹੈ। ਇਸੇ ਤਰ੍ਹਾਂ ਸੁਰੱਖਿਆ ਪ੍ਰਬੰਧਾਂ ਨੂੰ ਯਕੀਨੀ ਬਣਾਉਣ ਲਈ ਚੌਕੀਦਾਰਾਂ ਦੀ ਵਿਵਸਥਾ ਹੋਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
