ਮਹਿਲਾ ਕ੍ਰਿਕਟਰ ਦੀ ਜੰਗਲ ਤੋਂ ਮਿਲੀ ਮ੍ਰਿਤਕ ਦੇਹ, ਪੈਸਿਆਂ ਨਾਲ ਸਿਲੈਕਸ਼ਨ ਦੇ ਲਾਏ ਸਨ ਦੋਸ਼

ਓਡੀਸ਼ਾ ਦੀ ਮਹਿਲਾ ਕ੍ਰਿਕਟਰ ਰਾਜਸ਼੍ਰੀ ਸਵਾਨੀ ਦੀ ਮ੍ਰਿਤਕ ਦੇਹ ਸ਼ੁੱਕਰਵਾਰ ਨੂੰ ਜੰਗਲ ‘ਚ ਦਰੱਖਤ ਨਾਲ ਲਟਕਦੀ ਮਿਲੀ। ਉਹ 11 ਜਨਵਰੀ ਤੋਂ ਲਾਪਤਾ ਸੀ। ਉਸ ਦੇ ਪਰਿਵਾਰ ਨੇ ਉਸ ਦੇ ਕਤਲ ਦਾ ਦੋਸ਼ ਲਾਇਆ ਹੈ। ਕ੍ਰਿਕਟਰ ਦੇ ਭਰਾ ਦਾ ਕਹਿਣਾ ਹੈ ਕਿ ਰਾਜਸ਼੍ਰੀ ਨੇ ਆਖਰੀ ਕਾਲ ‘ਚ ਪੈਸੇ ਦੇ ਕੇ ਟੀਮ ‘ਚ ਚੋਣ ਦੇ ਮਾਮਲੇ ਦਾ ਖੁਲਾਸਾ ਕੀਤਾ ਸੀ। ਇਸ ਦੇ ਨਾਲ ਹੀ ਰਾਜਸ਼੍ਰੀ ਦੇ ਸਰੀਰ ‘ਤੇ ਸੱਟਾਂ ਦੇ ਨਿਸ਼ਾਨ ਵੀ ਮਿਲੇ ਹਨ।

ਕਟਕ ਦੇ DCP ਪਿਨਾਕ ਮਿਸ਼ਰਾ ਨੇ ਦੱਸਿਆ ਕਿ ਰਾਜਸ਼੍ਰੀ ਦੀ ਲਾਸ਼ ਅਠਾਗੜ੍ਹ ਖੇਤਰ ਦੇ ਗੁਰਦੀਜਾਤੀਆ ਦੇ ਜੰਗਲ ਵਿੱਚ ਮਿਲੀ। ਉਸ ਦੇ ਕੋਚ ਨੇ 12 ਜਨਵਰੀ ਨੂੰ ਕਟਕ ਦੇ ਮੰਗਲਾਬਾਗ ਥਾਣੇ ‘ਚ ਲਾਪਤਾ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ। ਹੁਣ ਗੁਰੂਦਿਝਾਟੀਆ ਪੁਲਿਸ ਸਟੇਸ਼ਨ ਵਿੱਚ ਗੈਰ ਕੁਦਰਤੀ ਮੌਤ ਦਾ ਕੇਸ ਦਰਜ ਕੀਤਾ ਜਾਵੇਗਾ। ਰਾਜਸ਼੍ਰੀ ਦਾ ਸਕੂਟਰ ਜੰਗਲ ਦੇ ਕੋਲ ਮਿਲਿਆ ਅਤੇ ਮੋਬਾਈਲ ਵੀ ਬੰਦ ਸੀ।

ਪਰਿਵਾਰ ਨੇ ਦੱਸਿਆ ਕਿ ਰਾਜਸ਼੍ਰੀ ਸਮੇਤ ਲਗਭਗ 25 ਮਹਿਲਾ ਕ੍ਰਿਕਟਰ ਓਡੀਸ਼ਾ ਕ੍ਰਿਕਟ ਸੰਘ (ਓਸੀਏ) ਵੱਲੋਂ ਆਯੋਜਿਤ ਟ੍ਰੇਨਿੰਗ ਕੈਂਪ ਦਾ ਹਿੱਸਾ ਸਨ। ਇਹ ਪੁਡੂਚੇਰੀ ਵਿੱਚ ਹੋਣ ਵਾਲੇ ਕੌਮੀ ਪੱਧਰ ਦੇ ਕ੍ਰਿਕਟ ਟੂਰਨਾਮੈਂਟ ਲਈ ਸੀ। ਸਾਰੇ ਖਿਡਾਰੀ ਇੱਕ ਹੋਟਲ ਵਿੱਚ ਠਹਿਰੇ ਹੋਏ ਸਨ। ਓਡੀਸ਼ਾ ਰਾਜ ਮਹਿਲਾ ਕ੍ਰਿਕਟ ਟੀਮ ਦਾ ਐਲਾਨ 10 ਜਨਵਰੀ ਨੂੰ ਕੀਤਾ ਗਿਆ ਸੀ।

ਰਾਜਸ਼੍ਰੀ ਦਾ ਨਾਮ ਆਖਰੀ ਸੂਚੀ ਵਿੱਚ ਨਹੀਂ ਸੀ। 11 ਜਨਵਰੀ ਨੂੰ ਸਾਰੇ ਖਿਡਾਰੀ ਅਭਿਆਸ ਲਈ ਤਾਂਗੀ ਇਲਾਕੇ ਦੇ ਕ੍ਰਿਕਟ ਮੈਦਾਨ ਪਹੁੰਚੇ ਪਰ ਰਾਜਸ਼੍ਰੀ ਨੇ ਆਪਣੇ ਕੋਚ ਨੂੰ ਕਿਹਾ ਕਿ ਉਹ ਆਪਣੇ ਪਿਤਾ ਨੂੰ ਮਿਲਣ ਪੁਰੀ ਜਾ ਰਹੀ ਹੈ। ਉਦੋਂ ਤੋਂ ਉਹ ਲਾਪਤਾ ਸੀ।

ਰਾਜਸ਼੍ਰੀ ਦੇ ਪਿਤਾ ਨੇ ਕਿਹਾ- ਮੇਰੀ ਧੀ ਦਾ ਕਤਲ ਓਡੀਸ਼ਾ ਕ੍ਰਿਕਟ ਨੇ ਕੀਤਾ ਹੈ ਅਤੇ ਲਟਕਾ ਦਿੱਤਾ। ਮਾਂ ਨੇ ਦੋਸ਼ ਲਾਇਆ ਕਿ ਉਹ ਚੋਣ ਕੈਂਪ ਲਈ ਕਟਕ ਆਈ ਸੀ। 10 ਦਿਨਾਂ ਦੇ ਚੋਣ ਕੈਂਪ ਤੋਂ ਬਾਅਦ ਉਸ ਨੂੰ ਸਰਵੋਤਮ ਖਿਡਾਰੀ ਹੋਣ ਦੇ ਬਾਵਜੂਦ ਜਾਣਬੁੱਝ ਕੇ ਫਾਈਨਲ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ। ਉਹ ਦਬਾਅ ਵਿੱਚ ਸੀ ਅਤੇ ਉਸ ਨੇ ਆਪਣੀ ਭੈਣ ਨੂੰ ਫੋਨ ਕਰਕੇ ਦੱਸਿਆ ਸੀ ਕਿ ਇੱਕ ਆਲਰਾਊਂਡਰ ਹੋਣ ਦੇ ਬਾਵਜੂਦ ਉਸ ਨੂੰ ਟੀਮ ਵਿੱਚ ਨਹੀਂ ਲਿਆ ਗਿਆ।

ਇਹ ਵੀ ਪੜ੍ਹੋ : SBI ਦੇ ਕਰੋੜਾਂ ਗਾਹਕਾਂ ਨੂੰ ਝਟਕਾ! ਬੈਂਕ ਨੇ ਮਹਿੰਗਾ ਕੀਤਾ ਕਰਜ਼ਾ, ਹੋਮ-ਆਟੋ ਲੋਨ ਲਈ ਭਰਨੀ ਪਊ ਵੱਧ EMI

ਕ੍ਰਿਕਟਰ ਦੇ ਚਚੇਰੇ ਭਰਾ ਦਾ ਕਹਿਣਾ ਹੈ ਕਿ ਰਾਜਸ਼੍ਰੀ ਨੇ ਉਸ ਨੂੰ ਆਖਰੀ ਕਾਲ ਕੀਤੀ ਸੀ। ਉਸ ਨੇ ਦੱਸਿਆ ਸੀ ਕਿ ਕੁਝ ਖਿਡਾਰੀਆਂ ਨੂੰ ਪੈਸੇ ਦੇ ਕੇ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ ਅਤੇ ਉਸ ਨੂੰ ਰਿਜੈਕਟ ਕਰ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਜਦੋਂ ਅਸੀਂ ਦੁਬਾਰਾ ਫੋਨ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਰਾਜਸ਼੍ਰੀ ਦਾ ਮੋਬਾਈਲ ਬੰਦ ਸੀ। ਉਹ ਇੱਕ ਸਟ੍ਰਾਂਗ ਔਰਤ ਸੀ। ਉਹ ਖੁਦਕੁਸ਼ੀ ਨਹੀਂ ਕਰ ਸਕਦੀ ਸੀ, ਉਹ ਇੱਕ ਆਲਰਾਊਂਡਰ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “