ਪੰਜਾਬੀ ਅਦਾਕਾਰ ਤੇ ਸੋਸ਼ਲ ਵਰਕਰ ਦੀਪ ਸਿੱਧੂ ਦੀ ਬੀਤੀ ਰਾਤ ਦਰਦਨਾਕ ਹਾਦਸੇ ਵਿੱਚ ਮੌਤ ਹੋ ਗਈ। ਉਨ੍ਹਾਂ ਦੀ ਐੱਨ.ਆਰ.ਆਈ. ਦੋਸਤ ਰੀਨਾ ਰਾਏ ਵੀ ਗੱਡੀ ਵਿੱਚ ਸੀ, ਜੋ ਹਾਦਸੇ ਵਿੱਚ ਜ਼ਖਮੀ ਹੋ ਗਈ ਸੀ, ਜਿਸ ਨੂੰ ਹਸਪਤਾਲ ਵਿੱਚ ਇਲਾਜ ਲਈ ਭਰਤੀ ਕਰਵਾਇਆ ਗਿਆ ਸੀ। ਉਸ ਦੀ ਹਾਲਤ ਹੁਣ ਠੀਕ ਹੈ ਤੇ ਉਸ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ।
ਅਦਾਕਾਰ ਦੀ ਮੌਤ ਪਿੱਛੋਂ ਉਸ ਲਈ ਸ਼ੋਕ ਸੰਦੇਸ਼ ਤੇ ਆਰ.ਆਈ.ਪੀ. ਦੇ ਮੈਸੇਜ ਲਗਾਤਾਰ ਸੋਸ਼ਲ ਮੀਡੀਆ ‘ਤੇ ਪੈ ਰਹੇ ਹਨ ਇਸ ਦੇ ਨਾਲ ਹੀ ਦੀਪ ਸਿੱਧੂ ਦੀ ਆਪਣੀ ਗਰਲਫ੍ਰੈਂਡ ਰੀਨਾ ਰਾਏ ਨਾਲ ਇੱਕ ਆਖਰੀ ਤਸਫ਼ੀਰ ਵੀ ਵਾਇਰਲ ਹੋ ਰਹੀ ਹੈ। ਇਹ ਤਸਵੀਰ ਵੈਲੇਨਟਾਈਨਸ ਡੇ ਦੀ ਹੈ। ਇਸ ਦਿਨ ਨੂੰ ਮਨਾਉਣ ਲਈ ਜਦੋਂ ਉਹ ਬਾਹਰ ਜਾ ਰਹੇ ਸਨ ਉਸ ਤੋਂ ਪਹਿਲਾਂ ਇਹ ਤਸਵੀਰ ਖਿੱਚੀ ਗਈ ਸੀ।
ਤਸਵੀਰ ਵਿੱਚ ਦੀਪ ਅਤੇ ਰੀਨਾ ਇੱਕ ਸ਼ੀਸ਼ੇ ਦੀ ਸੈਲਫੀ ਲਈ ਪੋਜ਼ ਦਿੰਦੇ ਹੋਏ ਦਿਖਾਈ ਦੇ ਰਹੇ ਹਨ। ਰੀਨਾ ਨੇ ਸੈਲਫੀ ‘ਤੇ ਲਿਖਿਆ, “ਹੈਪੀ ਵੈਲੇਨਟਾਈਨ ਡੇ”। ਜਦੋਂ ਕਿ ਰੀਨਾ ਬਾਡੀਕੋਨ ਡਰੈੱਸ ਪਾਈ ਹੋਈ ਦਿਖਾਈ ਦੇ ਰਹੀ ਹੈ, ਦੀਪ ਉਸ ਦੇ ਨਾਲ ਨੀਲੀ ਡੈਨਿਮ ਜੀਨਸ ਅਤੇ ਇੱਕ ਜੈਕਟ ਵਿੱਚ ਹੈ।
ਦੋਵੇਂ ਪਹਿਲਾਂ ਵੀ ਅਕਸਰ ਸੋਸ਼ਲ ਮੀਡੀਆ ‘ਤੇ ਆਪਣੀਆਂ ਤਸਵੀਰਾਂ ਪੋਸਟ ਕਰਦੇ ਰਹਿੰਦੇ ਸਨ। ਪਿਛਲੇ ਸਾਲ ਵੀ ਦੀਪ ਸਿੱਧੂ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਤਸਵੀਰ ਪੋਸਟ ਕਰਕੇ ਉਸ ਵਿੱਚ ਮੈਸੇਜ ਲਿਖਿਆ ਸੀ, ਜਿਸ ਤੋਂ ਸਾਫ ਪਤਾ ਲੱਗਦਾ ਹੈ ਕਿ ਦੋਵੇਂ ਇੱਕ-ਦੂਜੇ ਦੇ ਕਾਫ਼ੀ ਕਰੀਬ ਸਨ।
ਮੈਸੇਜ ਦੀ ਕੈਪਸ਼ਨ ਵਿੱਚ ਲਿਖਿਆ ਸੀ ਕਿ ‘ਜਦੋਂ ਪੂਰੀ ਦੁਨੀਆ ਮੇਰੇ ਖਿਲਾਫ ਸੀ, ਮੇਰੀ ਰੱਖਿਆ ਕੀਤੀ, ਮੇਰਾ ਸਨਮਾਨ ਕੀਤਾ, ਮੈਨੂੰ ਤਾਕਤ ਦਿੱਤੀ, ਮੇਰੇ ਕਾਰਨ ਅਤੇ ਰਿਹਾਈ ਲਈ ਪ੍ਰਾਰਥਨਾ ਕੀਤੀ, ਪਰ ਤੁਸੀਂ ਮੇਰੇ ਲਈ ਆਪਣੀ ਜ਼ਿੰਦਗੀ ਨੂੰ ਰੋਕਣ ‘ਤੇ ਮੇਰੇ ਦਿਲ ਅਤੇ ਆਤਮਾ ਨੂੰ ਸੱਚਮੁੱਚ ਕੀ ਛੂਹਿਆ, ਤੁਹਾਡਾ ਉੱਥੇ ਹੋਣਾ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ, ਤੁਹਾਡਾ ਪਿਆਰ ਅਤੇ ਸੁਪੋਰਟ ਦਾ ਬਿਆਨ ਨਹੀਂ ਕੀਤਾ ਜਾ ਸਕਦਾ, ਤੁਸੀਂ ਮੇਰੇ ਸ਼ਬਦਾਂ ਤੋਂ ਪਰੇ ਹੋ ਅਤੇ ਮੈਂ ਸੱਚਮੁੱਚ ਖੁਸ਼ਕਿਸਮਤ ਮਹਿਸੂਸ ਕਰਦਾ ਹਾਂ ਕਿ ਮੇਰੀ ਜ਼ਿੰਦਗੀ ਵਿੱਚ ਤੁਹਾਡੇ ਵਰਗੀ ਰੂਹ ਹੈ, ਮੈਂ ਬੱਸ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ @thisisreenarai’
