ਬੀਜੇਪੀ ਸੰਸਦ ਮੈਂਬਰ ਅਤੇ ਅਦਾਕਾਰਾ ਹੇਮਾ ਮਾਲਿਨੀ ਨੇ ਰਾਸ਼ਟਰੀ ਲੋਕ ਦਲ ਦੇ ਪ੍ਰਧਾਨ ਜਯੰਤ ਚੌਧਰੀ ਦੀ ਗੱਲ ਦਾ ਜਵਾਬ ਦਿੰਦਿਆਂ ਕਿਹਾ ਕਿ ਚੌਧਰੀ ਲਈ ਹੇਮਾ ਮਾਲਿਨੀ ਬਣਨਾ ਬਹੁਤ ਮੁਸ਼ਕਲ ਹੈ।
ਦਰਅਸਲ ਹਾਲ ਹੀ ‘ਚ ਜਯੰਤ ਚੌਧਰੀ ਨੇ ਕਿਹਾ ਸੀ ਕਿ ਉਹ ਹੇਮਾ ਮਾਲਿਨੀ ਨਹੀਂ ਬਣਨਾ ਚਾਹੁੰਦੇ। ਮਥੁਰਾ ‘ਚ ਇਕ ਚੋਣ ਮੀਟਿੰਗ ਦੌਰਾਨ ਜਯੰਤ ਚੌਧਰੀ ਨੇ ਮਥੁਰਾ ਤੋਂ ਉਮੀਦਵਾਰ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਯੋਗੇਸ਼ ਸਿਰਫ ਇੰਨਾ ਕਹਿ ਰਹੇ ਸਨ ਕਿ ਅਮਿਤ ਸ਼ਾਹ ਨੇ ਉਨ੍ਹਾਂ ਨੂੰ ਕਿਹਾ ਹੈ ਕਿ ਆ ਜਾਓ ਤੁਹਾਨੂੰ ਹੇਮਾ ਮਾਲਿਨੀ ਬਣਾ ਦਿਆਂਗਾ। ਪਤਾ ਨਹੀਂ ਕਿਹੋ ਜਿਹੀਆਂ ਗੱਲਾਂ ਕਰ ਰਹੇ ਹਨ? ਕੋਈ ਪਿਆਰ ਨਹੀਂ ਹੈ, ਕੋਈ ਲਗਾਅ ਨਹੀਂ ਹੈ ਸਾਡੇ ਲਈ ਤੇ ਮੈਂ ਕਹਿ ਰਿਹਾ ਹਾਂ ਕਿ ਮੈਨੂੰ ਕੀ ਮਿਲ ਜਾਏਗਾ? ਮੈਂ ਤਾਂ ਹੇਮਾ ਮਾਲਿਨੀ ਨਹੀਂ ਬਣਨਾ ਹੈ।
ਇੱਕ ਨਿਊਜ਼ ਚੈਨਲ ਨਾਲ ਗੱਲਬਾਤ ‘ਚ ਉਨ੍ਹਾਂ ਨੇ ਕਿਹਾ ਕਿ ਉਹ ਹੇਮਾ ਮਾਲਿਨੀ ਕਿਵੇਂ ਬਣ ਸਕਦੀ ਹੈ। “ਹੇਮਾ ਮਾਲਿਨੀ ਬਣਾਉਣਾ ਮੁਸ਼ਕਿਲ ਹੈ… ਇਹ ਬਹੁਤ ਮੁਸ਼ਕਲ ਹੈ… ਮੈਂ ਡ੍ਰੀਮ ਗਰਲ ਬਣਨ ਲਈ ਬਹੁਤ ਮਿਹਨਤ ਕੀਤੀ ਹੈ… ਤੁਹਾਨੂੰ ਲੱਗਦਾ ਹੈ ਕਿ ਜਯੰਤ ਚੌਧਰੀ ਹੇਮਾ ਮਾਲਿਨੀ ਬਣ ਸਕਦੇ ਹਨ? ਉਨ੍ਹਾਂ ਨੇ ਸਹੀ ਹੀ ਕਿਹਾ ਹੈ ਕਿ ਉਹ ਹੇਮਾ ਮਾਲਿਨੀ ਨਹੀਂ ਬਣ ਸਕਦੇ।”
ਅਮਿਤ ਸ਼ਾਹ ਨੇ ਹਾਲ ਹੀ ‘ਚ ਜਾਟ ਨੇਤਾਵਾਂ ਨਾਲ ਬੈਠਕ ਕੀਤੀ ਸੀ। ਇਸ ਤੋਂ ਬਾਅਦ ਭਾਜਪਾ ਦੇ ਸੰਸਦ ਮੈਂਬਰ ਪਰਵੇਸ਼ ਵਰਮਾ ਨੇ ਕਿਹਾ ਸੀ ਕਿ ਜਯੰਤ ਚੌਧਰੀ ਲਈ ਭਾਜਪਾ ਦੇ ਦਰਵਾਜ਼ੇ ਹਮੇਸ਼ਾ ਖੁੱਲ੍ਹੇ ਹਨ। ਹਾਲਾਂਕਿ ਜਯੰਤ ਚੌਧਰੀ ਨੇ ਇਸ ਪੇਸ਼ਕਸ਼ ਨੂੰ ਠੁਕਰਾ ਦਿੱਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“CM ਫੇਸ ਐਲਾਨੇ ਜਾਣ ਤੋਂ ਬਾਅਦ ਸੀਐਮ ਚੰਨੀ ਦਾ DAILY POST PUNJABI ‘ਤੇ ਪਹਿਲਾ EXCLUSIVE INTERVIEW”
ਹੇਮਾ ਮਾਲਿਨੀ ਨੇ ਇੰਟਰਵਿਊ ਦੌਰਾਨ ਕਿਹਾ ਕਿ ਮਥੁਰਾ ‘ਚ ਮੰਦਰ ਵੀ ਬਣੇਗਾ ਪਰ ਸੂਬੇ ‘ਚ ਵਿਕਾਸ ਵੀ ਹੋਇਆ ਹੈ। ਸੁਰੱਖਿਆ ਵੀ ਦਿੱਤੀ ਗਈ ਹੈ। ਗੁੰਡਾਗਰਦੀ ‘ਤੇ ਪਾਬੰਦੀ ਹੈ। ਉਨ੍ਹਾਂ ਕਿਹਾ ਕਿ ਯੋਗੀ ਸਰਕਾਰ ਦੇ ਕਾਰਜਕਾਲ ਦੌਰਾਨ ਕਾਨੂੰਨ ਵਿਵਸਥਾ ਵਿੱਚ ਸੁਧਾਰ ਹੋਇਆ ਹੈ।
