ਤੇਲੰਗਾਨਾ ਦੀ ਰਹਿਣ ਵਾਲੀ 29 ਸਾਲਾ ਟਰਾਂਸਜੈਂਡਰ ਡਾਕਟਰ ਰੂਥ ਪਾਲ ਜੌਨ ਕੋਇਲਾ ਨੇ ਇਤਿਹਾਸ ਰਚ ਦਿੱਤਾ ਹੈ। ਦੇਸ਼ ਵਿੱਚ ਪਹਿਲੀ ਵਾਰ ਕਿਸੇ ਡਾਕਟਰ ਨੂੰ ਟਰਾਂਸਜੈਂਡਰ ਸ਼੍ਰੇਣੀ ਵਿੱਚ ਪੀਜੀ ਸੀਟ ਮਿਲੀ ਹੈ। ਇਸ ਦੇ ਲਈ ਰੂਥ ਨੂੰ 2 ਸਾਲ ਤੱਕ ਕਾਨੂੰਨੀ ਲੜਾਈ ਲੜਨੀ ਪਈ। ਜੂਨ 2023 ਵਿੱਚ ਤੇਲੰਗਾਨਾ ਹਾਈ ਕੋਰਟ ਨੇ ਰੂਥ ਨੂੰ ਟ੍ਰਾਂਸਜੈਂਡਰ ਸ਼੍ਰੇਣੀ ਦੇ ਤਹਿਤ ਅਰਜ਼ੀ ਦੇਣ ਦੀ ਇਜਾਜ਼ਤ ਦਿੱਤੀ। ਇਸ ਤੋਂ ਪਹਿਲਾਂ ਡਾ. ਰੂਥ ਨੇ ਕਈ ਥਾਵਾਂ ‘ਤੇ ਦਰਵਾਜ਼ੇ ਖੜਕਾਏ ਪਰ ਕੋਈ ਸੁਣਵਾਈ ਨਹੀਂ ਹੋਈ। ਇਸ ਤੋਂ ਬਾਅਦ ਰੂਥ ਨੇ ਹਾਈ ਕੋਰਟ ਤੱਕ ਪਹੁੰਚ ਕੀਤੀ ਅਤੇ ਹੁਣ ਉਸ ਨੂੰ ਟਰਾਂਸਜੈਂਡਰ ਸ਼੍ਰੇਣੀ ਵਿੱਚ ਪੀਜੀ ਸੀਟ ਮਿਲ ਗਈ ਹੈ।
ਇਸ ਵੇਲੇ ਡਾ: ਰੂਥ ਹੈਦਰਾਬਾਦ ਦੇ ਓਸਮਾਨੀਆ ਜਨਰਲ ਹਸਪਤਾਲ ਵਿੱਚ ਇੱਕ ਡਾਕਟਰ ਵਜੋਂ ਕੰਮ ਕਰ ਰਹੀ ਹੈ। ਉਹ ਪਹਿਲੀ ਟਰਾਂਸਜੈਂਡਰ ਡਾਕਟਰ ਹੈ ਜਿਸ ਨੂੰ ਟਰਾਂਸਜੈਂਡਰ ਸ਼੍ਰੇਣੀ ਵਿੱਚ ਪੀਜੀ ਸੀਟ ਮਿਲੀ ਹੈ। ਇਸ ਤੋਂ ਪਹਿਲਾਂ ਵੀ ਕਈ ਟਰਾਂਸਜੈਂਡਰ ਪੀਜੀ ਡਿਗਰੀਆਂ ਹਾਸਲ ਕਰ ਚੁੱਕੇ ਹਨ, ਪਰ ਉਨ੍ਹਾਂ ਨੇ ਆਪਣੀ ਨਾਮਜ਼ਦਗੀ ਪੁਰਸ਼/ਮਹਿਲਾ ਸ਼੍ਰੇਣੀ ਵਿੱਚ ਕੀਤੀ।
ਹਾਲਾਂਕਿ ਰੂਥ ਸਾਲ 2022 ਵਿੱਚ NEET PG ਦੇ ਦਾਖਲੇ ਲਈ ਯੋਗ ਸੀ, ਉਸ ਨੇ ਇਸ ਨੂੰ ਸਿਰਫ ਇਸ ਲਈ ਰੱਦ ਕਰ ਦਿੱਤਾ ਕਿਉਂਕਿ ਉਸਨੂੰ ਇੱਕ ਔਰਤ ਵਜੋਂ ਇਹ ਸੀਟ ਮਿਲੀ ਸੀ। ਰੂਥ ਨੇ ਟਰਾਂਸਜੈਂਡਰ ਸ਼੍ਰੇਣੀ ਲਈ ਅਰਜ਼ੀ ਦਿੱਤੀ ਸੀ। ਪਰ ਤੇਲੰਗਾਨਾ ਇਸ ਸ਼੍ਰੇਣੀ ਵਿੱਚ ਨਹੀਂ ਸੀ।
ਡਾ. ਰੂਥ ਤੇਲੰਗਾਨਾ ਦੇ ਖੰਮਮ ਸ਼ਹਿਰ ਤੋਂ ਹੈ। ਉਹ ਅਨੁਸੂਚਿਤ ਜਾਤੀ ਦੇ ਪਰਿਵਾਰ ਤੋਂ ਹੈ। ਡਾ. ਰੂਥ ਦਾ ਸੁਪਨਾ ਗਾਇਨੀਕੋਲੋਜਿਸਟ ਬਣਨ ਦਾ ਹੈ। ਉਸ ਦਾ ਮੰਨਣਾ ਹੈ ਕਿ ਉਸ ਦੇ ਸਮਾਜ ਦੇ ਲੋਕ ਲਿੰਗ ਪਰਿਵਰਤਨ ਦੇ ਦੌਰਾਨ ਅਤੇ ਬਾਅਦ ਵਿੱਚ ਕੋਈ ਇਲਾਜ ਲੈਣ ਤੋਂ ਬਚਦੇ ਹਨ। ਇਸ ਲਈ ਉਹ ਆਪਣੇ ਭਾਈਚਾਰੇ ਦੀ ਸੇਵਾ ਕਰਨਾ ਚਾਹੁੰਦੀ ਹੈ।
ਇਹ ਵੀ ਪੜ੍ਹੋ : ਬੱਦੀ ਦਾ ਚੰਡੀਗੜ੍ਹ-ਪੰਜਾਬ-ਹਰਿਆਣਾ ਨਾਲੋਂ ਸੰਪਰਕ ਟੁੱਟਿਆ, ਭਾਰੀ ਮੀਂਹ ਕਰਕੇ ਬੈਰੀਅਰ ਪੁਲ ਧਸਿਆ
ਡਾ. ਰੂਥ ਪਿਛਲੇ ਸਾਲ ਪ੍ਰਾਚੀ ਰਾਠੌੜ ਦੇ ਨਾਲ ਤੇਲੰਗਾਨਾ ਵਿੱਚ ਸਰਕਾਰੀ ਨੌਕਰੀ ਪ੍ਰਾਪਤ ਕਰਨ ਵਾਲੀ ਪਹਿਲੀ ਟਰਾਂਸਜੈਂਡਰ ਬਣੀ। ਦੋਵਾਂ ਨੂੰ ਓਜੀਐਚ ਵਿੱਚ ਮੈਡੀਕਲ ਅਫਸਰ ਵਜੋਂ ਨਿਯੁਕਤ ਕੀਤਾ ਗਿਆ ਸੀ। ਡਾ. ਰੂਥ ਨੂੰ ਹੈਦਰਾਬਾਦ ਦੇ 10 ਹਸਪਤਾਲਾਂ ਨੇ ਉਸਦੀ ਐਮਬੀਬੀਐਸ ਪੂਰੀ ਕਰਨ ਤੋਂ ਬਾਅਦ ਨਿਯੁਕਤੀ ਤੋਂ ਇਨਕਾਰ ਕਰ ਦਿੱਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
