ਅਸਮਾਨ ‘ਚ ਉੱਡਦੇ ਜਹਾਜ਼ ਦਾ ਖੁੱਲ੍ਹ ਗਿਆ ਦਰਵਾਜ਼ਾ, ਫਿਰ ਜੋ ਹੋਇਆ ਕਰ ਦੇਵੇਗਾ ਹੈਰਾਨ, ਵੇਖੋ ਵੀਡੀਓ

ਬ੍ਰਾਜ਼ੀਲ ਵਿੱਚ ਇੱਕ ਜਹਾਜ਼ ਦਾ ਕਾਰਗੋ ਦਰਵਾਜ਼ਾ ਵਿੱਚ ਅਸਮਾਨ ਦੇ ਖੁੱਲ੍ਹ ਗਿਆ। ਅੰਦਰ ਬੈਠੇ ਯਾਤਰੀ ਨੇ ਸਾਰੀ ਘਟਨਾ ਦੀ ਵੀਡੀਓ ਬਣਾ ਲਈ, ਜੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ। ਜਦੋਂ ਯਾਤਰੀ ਆਪਣੇ ਕੈਮਰੇ ਨੂੰ ਪੈਨ ਕਰਦਾ ਹੈ, ਤਾਂ ਇਹ ਸਾਫ ਦਿਖਾਈ ਦਿੰਦਾ ਹੈ ਕਿ ਫਲਾਈਟ ਦਾ ਦਰਵਾਜ਼ਾ ਖੁੱਲ੍ਹਾ ਹੈ ਅਤੇ ਬਾਹਰੋਂ ਬਹੁਤ ਜ਼ਿਆਦਾ ਹਵਾ ਆ ਰਹੀ ਹੈ।

ਖਬਰਾਂ ਮੁਤਾਬਕ ਬ੍ਰਾਜ਼ੀਲ ਦੇ ਗਾਇਕ-ਗੀਤਕਾਰ ਟਿਏਰੀ ਆਪਣੇ ਸਾਥੀਆਂ ਨਾਲ ਫਲਾਈਟ ‘ਚ ਸਵਾਰ ਸੀ। ਇਹ ਵੀਡੀਓ 12 ਜੂਨ ਨੂੰ ਸਾਓ ਲੁਈਸ ਤੋਂ ਸਾਲਵਾਡੋਰ ਜਾ ਰਹੇ ਬ੍ਰਾਜ਼ੀਲ ਦੇ ਜਹਾਜ਼ ‘ਤੇ ਰਿਕਾਰਡ ਕੀਤਾ ਗਿਆ ਸੀ।

ਵੀਡੀਓ ‘ਚ ਇਸ ਜਹਾਜ਼ ਦਾ ਆਕਾਰ ਬਹੁਤ ਛੋਟਾ ਦਿਖਾਈ ਦੇ ਰਿਹਾ ਹੈ। ਜਹਾਜ਼ ਦੇ ਅੰਦਰ ਦੋਵੇਂ ਪਾਸੇ ਲੋਕ ਬੈਠੇ ਹਨ। ਫਲਾਈਟ ਦੇ ਬਾਹਰ ਬੱਦਲ ਵੀ ਦਿਖਾਈ ਦੇ ਰਹੇ ਹਨ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਹੈ ਕਿ ਇਸ ਹਾਦਸੇ ‘ਚ ਕਿਸੇ ਯਾਤਰੀ ਦੀ ਜਾਨ ਨਹੀਂ ਗਈ। ਇੱਥੋਂ ਤੱਕ ਕਿ ਕੋਈ ਜ਼ਖਮੀ ਨਹੀਂ ਹੋਇਆ। ਜਹਾਜ਼ ਦੇ ਲੈਂਡ ਹੋਣ ਤੋਂ ਬਾਅਦ ਯਾਤਰੀਆਂ ਨੂੰ ਸੁਰੱਖਿਅਤ ਉਤਾਰ ਲਿਆ ਗਿਆ।

ਇਸ ਭਿਆਨਕ ਵੀਡੀਓ ਨੂੰ ਟਵਿੱਟਰ ‘ਤੇ ਸਾਂਝਾ ਕੀਤਾ ਗਿਆ। ਵੀਡੀਓ ਦੇ ਕੈਪਸ਼ਨ ‘ਚ ਲਿਖਿਆ ਗਿਆ ਹੈ, ”ਬ੍ਰਾਜ਼ੀਲ ਦੇ ਗਾਇਕ ਅਤੇ ਗੀਤਕਾਰ ਟਿਏਰੀ ਦਾ ਜਹਾਜ਼ ਇਨ-ਫਲਾਈਟ ਕਾਰਗੋ ਦਾ ਦਰਵਾਜ਼ਾ ਖੁੱਲ੍ਹਣ ਤੋਂ ਬਾਅਦ ਸਾਓ ਲੁਈਸ ਹਵਾਈ ਅੱਡੇ ‘ਤੇ ਸੁਰੱਖਿਅਤ ਉਤਰਿਆ।”

ਇਹ ਵੀ ਪੜ੍ਹੋ : ਦੁਨੀਆ ਦੀ ਟੈਨਸ਼ਨ ਵਧਾ ਰਹੇ ਪੁਤਿਨ, ਬੇਲਾਰੂਸ ਪਹੁੰਚਾਏ ਪਰਮਾਣੂ ਹਥਿਆਰ, ਯੂਕਰੇਨ ਬਾਰਡਰ ‘ਤੇ ਤਾਇਨਾਤੀ!

ਇਹ ਵੀਡੀਓ ਟਵਿਟਰ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਸਿਰਫ ਇਕ ਟਵੀਟ ‘ਤੇ ਇਸ ਦੇ ਵਿਊਜ਼ 1.5 ਲੱਖ ਤੱਕ ਪਹੁੰਚਣ ਵਾਲੇ ਹਨ। ਇਹ ਵੀਡੀਓ ਕੁੱਲ 27 ਸੈਕਿੰਡ ਦਾ ਹੈ, ਜਿਸ ਨੂੰ 177 ਯੂਜ਼ਰਸ ਨੇ ਰੀਟਵੀਟ ਕੀਤਾ ਹੈ ਜਦਕਿ 846 ਲੋਕਾਂ ਨੇ ਇਸ ਨੂੰ ਪਸੰਦ ਕੀਤਾ ਹੈ। ਇਸ ਦੇ ਨਾਲ ਹੀ 32 ਯੂਜ਼ਰਸ ਨੇ ਟਵੀਟ ਦਾ ਹਵਾਲਾ ਦੇ ਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਵੀਡੀਓ ‘ਤੇ ਸਾਰੇ ਯੂਜ਼ਰਸ ਨੇ ਆਪਣੀ-ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇਕ ਯੂਜ਼ਰ ਨੇ ਕਿਹਾ ਕਿ ਮੈਂ ਹੈਰਾਨ ਸੀ ਕਿ ਕੈਮਰਾਮੈਨ ਸਮੇਤ ਹਰ ਕੋਈ ਬਹੁਤ ਸ਼ਾਂਤੀ ਨਾਲ ਬੈਠਾ ਹੈ। ਇਕ ਹੋਰ ਨੇ ਕਿਹਾ ਕਿ ਜਹਾਜ਼ ਵਿਚ ਬਿਲਕੁਲ ਤਾਜ਼ੀ ਹਵਾ ਆਉਣੀ ਚਾਹੀਦੀ ਹੈ। ਦੂਜੇ ਨੇ ਕਿਹਾ, “ਵਾਹ, ਕੀ ਵਿਊ ਹੈ।”

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”