ਨੇਪਾਲ ‘ਚ ਭਚਾਲ ਆਉਂਦਾ ਹੈ ਤਾਂ ਭਾਰਤ ਦੀ ਧਰਤੀ ਵੀ ਕੰਬਦੀ ਹੈ, ਕਾਰਨ ਗੁਆਂਢ ਵਿੱਚ ਮੌਜੂਦ ਹਿਮਾਲਈ ਦੇਸ਼ ਹੈ ਅਤੇ ਏਸ਼ੀਅਨ ਟੈਕਟੋਨਿਕ ਪਲੇਟ ਵਿੱਚ ਹਲਚਲ। ਦਿੱਲੀ-ਐਨਸੀਆਰ ਮੰਗਲਵਾਰ ਦੇਰ ਰਾਤ ਭੂਚਾਲ ਦੇ ਤੇਜ਼ ਝਟਕਿਆਂ ਨਾਲ ਹਿੱਲ ਗਿਆ। ਭੂਚਾਲ ਦਾ ਕੇਂਦਰ ਨੇਪਾਲ ਵਿੱਚ ਸੀ, ਜਿੱਥੇ ਛੇ ਲੋਕਾਂ ਦੀ ਮੌਤ ਹੋਣ ਦੀ ਖਬਰ ਹੈ। ਸਥਾਨਕ ਪੁਲਿਸ ਮੁਤਾਬਕ ਨੇਪਾਲ ਦੇ ਡੋਟੀ ਜ਼ਿਲ੍ਹੇ ‘ਚ ਇਕ ਮਕਾਨ ਡਿੱਗਣ ਨਾਲ 6 ਲੋਕਾਂ ਦੀ ਮੌਤ ਹੋ ਗਈ। ਨੇਪਾਲ ਅਤੇ ਮਣੀਪੁਰ ਵਿੱਚ ਦੁਪਹਿਰ 1:57 ਵਜੇ 6.3 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਨੈਸ਼ਨਲ ਸੈਂਟਰ ਫਾਰ ਸਿਸਮੋਲੋਜੀ ਮੁਤਾਬਕ ਭੂਚਾਲ ਦੀ ਡੂੰਘਾਈ ਜ਼ਮੀਨ ਤੋਂ 10 ਕਿਲੋਮੀਟਰ ਹੇਠਾਂ ਸੀ।
ਦੇਰ ਰਾਤ ਆਏ ਇਸ ਭੂਚਾਲ ਦੇ ਝਟਕਿਆਂ ਤੋਂ ਬਾਅਦ ਲੋਕ ਦਹਿਸ਼ਤ ਵਿੱਚ ਆ ਗਏ ਅਤੇ ਘਰਾਂ ਤੋਂ ਬਾਹਰ ਆ ਕੇ ਖੜ੍ਹੇ ਹੋ ਗਏ। ਲੋਕ ਆਫਟਰ ਸ਼ੌਕ ਦੇ ਖਤਰੇ ਨੂੰ ਲੈ ਕੇ ਵੀ ਚਿੰਤਤ ਸਨ। ਲਖਨਊ ਅਤੇ ਦਿੱਲੀ ‘ਚ ਕਰੀਬ 5.7 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।
ਰਾਤ ਨੂੰ ਸੁੱਤੇ ਪਏ ਲੋਕਾਂ ਦੇ ਬੈੱਡ ਅਤੇ ਛੱਤ ਵਾਲੇ ਪੱਖੇ ਅਚਾਨਕ ਹਿੱਲਣ ਲੱਗੇ, ਜਿਸ ਤੋਂ ਬਾਅਦ ਦਹਿਸ਼ਤ ਫੈਲ ਗਈ। ਲੋਕ ਫੋਨ ਕਰਕੇ ਆਪਣੇ ਚਹੇਤਿਆਂ ਦਾ ਹਾਲ-ਚਾਲ ਪੁੱਛਣ ਲੱਗੇ। ਜਾਣਕਾਰੀ ਮੁਤਾਬਕ 6.3 ਤੀਬਰਤਾ ਦੇ ਇਸ ਭੂਚਾਲ ਦਾ ਸਭ ਤੋਂ ਵੱਧ ਅਸਰ ਨੇਪਾਲ ‘ਚ ਪੈਣ ਦਾ ਖਦਸ਼ਾ ਜਤਾਇਆ ਜਾ ਰਿਹਾ ਹੈ। ਨੇਪਾਲ, ਭਾਰਤ ਤੋਂ ਇਲਾਵਾ ਚੀਨ ‘ਚ ਵੀ ਲੋਕਾਂ ਨੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ।
ਨੇਪਾਲ ਵਿੱਚ ਧਰਤੀ ਲਗਾਤਾਰ ਕੰਬ ਰਹੀ ਹੈ। ਪਿਛਲੇ 5 ਘੰਟਿਆਂ ‘ਚ 3 ਭੂਚਾਲ ਦੇ ਝਟਕੇ ਆਏ ਹਨ। ਪਹਿਲਾ ਰਾਤ 8.52 ਵਜੇ ਆਇਆ, ਜਿਸ ਦੀ ਤੀਬਰਤਾ 4.9 ਸੀ। ਦੂਜਾ 3.5 ਤੀਬਰਤਾ ਦਾ ਭੂਚਾਲ ਰਾਤ 9:41 ਵਜੇ ਆਇਆ। ਇਸ ਤੋਂ ਬਾਅਦ ਦੇਰ ਰਾਤ 1:57 ਵਜੇ ਤੀਜੀ ਵਾਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।
ਇਹ ਵੀ ਪੜ੍ਹੋ : MLA ਗੁਰਦਿੱਤ ਸਿੰਘ ਦਾ ਲੁਧਿਆਣਾ ‘ਚ ਐਕਸੀਡੈਂਟ, ਧੁੰਦ ਕਰਕੇ ਬੱਦੋਵਾਲ ਫਾਟਕ ਨੇੜੇ ਵਾਪਰਿਆ ਹਾਦਸਾ
ਨੇਪਾਲ ਵਿੱਚ ਦੁਪਹਿਰ 2.12 ਵਜੇ ਇੱਕ ਹੋਰ ਭੂਚਾਲ ਆਇਆ, ਡੋਟੀ ਜ਼ਿਲ੍ਹੇ ਵਿੱਚ ਇੱਕ ਘਰ ਢਹਿ ਗਿਆ, 6 ਲੋਕਾਂ ਦੀ ਮੌਤ ਹੋ ਗਈ। ਇਸ ਤੋਂ ਪਹਿਲਾਂ ਪਿਛਲੇ 24 ਘੰਟਿਆਂ ‘ਚ 5 ਤੋਂ ਘੱਟ ਤੀਬਰਤਾ ਦੇ ਭੂਚਾਲ ਆ ਚੁੱਕੇ ਹਨ, ਜਿਨ੍ਹਾਂ ਦਾ ਕੇਂਦਰ ਨੇਪਾਲ ਅਤੇ ਮਿਜ਼ੋਰਮ ਰਿਹਾ ਹੈ।
ਦਿੱਲੀ ਭੂਚਾਲ ਜ਼ੋਨ 4 ਵਿੱਚ ਹੈ। ਇੱਥੇ 5 ਤੋਂ ਉੱਪਰ ਦਾ ਭੂਚਾਲ ਇਮਾਰਤਾਂ ਲਈ ਖ਼ਤਰਨਾਕ ਮੰਨਿਆ ਜਾਂਦਾ ਹੈ। ਦੇਰ ਰਾਤ ਆਏ ਭੂਚਾਲ ਦੀ ਤੀਬਰਤਾ 6.3 ਸੀ। ਇਸ ਲਈ ਇਹ ਭੂਚਾਲ ਦਿੱਲੀ ਲਈ ਇੱਕ ਵੱਡੀ ਖ਼ਤਰੇ ਦੀ ਘੰਟੀ ਵਾਂਗ ਸੀ।
ਇਸ ਸਾਲ ਨੇਪਾਲ ਵਿੱਚ ਕੁੱਲ 28 ਭੂਚਾਲ ਆਏ ਹਨ। ਜਿਸ ਵਿਚ ਇਹ ਭੂਚਾਲ ਰਿਕਟਰ ਪੈਮਾਨੇ ‘ਤੇ ਸਭ ਤੋਂ ਤੀਬਰ ਸੀ। ਮਾਮੂਲੀ ਭੂਚਾਲ ਤਾਂ ਨੇਪਾਲ ਵਿੱਚ ਆਉਂਦੇ ਰਹਿੰਦੇ ਹਨ। ਉਨ੍ਹਾਂ ਬਾਰੇ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਕਿਉਂਕਿ ਧਰਤੀ ਦੀਆਂ ਟੈਕਟੋਨਿਕ ਪਲੇਟਾਂ ਦੀ ਹਲਚਲ, ਟਕਰਾਅ ਅਤੇ ਰਗੜ ਕਾਰਨ ਪੈਦਾ ਹੋਇਆ ਦਬਾਅ ਇਨ੍ਹਾਂ ਛੋਟੇ ਭੂਚਾਲਾਂ ਰਾਹੀਂ ਬਾਹਰ ਆਉਂਦਾ ਰਹਿੰਦਾ ਹੈ। ਪਰ ਜੇ ਇਹ ਦਬਾਅ ਕਈ ਦਿਨਾਂ ਜਾਂ ਮਹੀਨਿਆਂ ਤੱਕ ਜਾਰੀ ਰਹੇ ਤਾਂ ਵੱਡਾ ਭੂਚਾਲ ਆਉਣ ਦੀ ਸੰਭਾਵਨਾ ਹੈ। ਜਿਵੇਂ ਕਿ ਇਸ ਵਾਰ ਭੂਚਾਲ ਦੀ ਤੀਬਰਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
