ਚੰਡੀਗੜ੍ਹ : ਹੁਣ ਕੋਈ ਹੋਰ ਵਿਅਕਤੀ ਪੰਜਾਬ ਵਿੱਚ ਕਿਸਾਨਾਂ ਦੇ ਨਾਮ ‘ਤੇ ਫਸਲਾਂ ਨੂੰ ਨਹੀਂ ਵੇਚ ਸਕੇਗਾ। ਹੁਣ ਰਾਜ ਦੇ ਕਿਸਾਨਾਂ ਨੂੰ ਆਪਣੀਆਂ ਸਾਰੀਆਂ ਫਸਲਾਂ ਨੂੰ ਵੇਚਣ ਤੋਂ ਬਾਅਦ ਆਨਲਾਈਨ ਜੇ. ਫਾਰਮ ਮਿਲੇਗਾ। ਇਹ ਕਦਮ ਚੁੱਕਣ ਵਾਲਾ ਪਹਿਲਾ ਸੂਬਾ ਬਣ ਗਿਆ ਹੈ। ਹਾਲਾਂਕਿ ਪਿਛਲੇ ਕਣਕ ਦੇ ਸੀਜ਼ਨ ਦੌਰਾਨ ਇਸ ਦਾ ਸਫਲ ਪ੍ਰਯੋਗ ਹੋ ਚੁੱਕਾ ਹੈ ਪਰ ਹੁਣ ਇਸ ਨੂੰ ਝੋਨੇ ਤੇ ਕਪਾਹ ਦੀਆਂ ਫਸਲਾਂ ‘ਤੇ ਵੀ ਲਾਗੂ ਕੀਤਾ ਜਾਵੇਗਾ।
ਮੰਡੀ ਬੋਰਡ ਦੇ ਅਧਿਕਾਰੀ ਐਚਐਸ ਬਰਾੜ ਨੇ ਦੱਸਿਆ ਕਿ ਕਣਕ ਦੀ ਫਸਲ ਦੌਰਾਨ ਅੱਠ ਲੱਖ ਕਿਸਾਨਾਂ ਨੂੰ 12 ਲੱਖ ਜੇ ਫਾਰਮ ਆਨਲਾਈਨ ਉਪਲਬਧ ਕਰਵਾਏ ਗਏ ਸਨ। ਉਨ੍ਹਾਂ ਦੱਸਿਆ ਕਿ ਜੇ.ਫਾਰਮ ਨੂੰ ਆਨਲਾਈਨ ਕਰਨ ਵਾਲਾ ਪੰਜਾਬ ਪਹਿਲਾ ਸੂਬਾ ਬਣ ਗਿਆ ਹੈ। ਹੁਣ ਉਨ੍ਹਾਂ ਨੂੰ ਬੈਂਕਾਂ ਤੋਂ ਲੋਨ ਆਦਿ ਲੈਣ ਜਾਂਦੇ ਸਮੇਂ ਜੇਫਾਰਮ ਲੈ ਕੇ ਜਾਣ ਦੀ ਜ਼ਰੂਰਤ ਨਹੀਂ ਹੈ, ਪਰ ਇਹ ਉਨ੍ਹਾਂ ਦੇ ਮੋਬਾਈਲ ‘ਤੇ ਇੱਕ ਸਿੰਗਲ ਮੈਸੇਜ ‘ਤੇ ਉਪਲਬਧ ਹੋ ਜਾਏਗਾ।
ਉਨ੍ਹਾਂ ਕਿਹਾ ਕਿ ਇਸ ਵੇਲੇ ਮੰਡੀ ਬੋਰਡ ਕੋਲ ਲਗਭਗ ਅੱਠ ਲੱਖ ਕਿਸਾਨਾਂ ਦੇ ਮੋਬਾਈਲ ਨੰਬਰ ਉਪਲਬਧ ਹਨ, ਜਿਸ ‘ਤੇ ਅਸੀਂ ਉਨ੍ਹਾਂ ਨੂੰ ਉਨ੍ਹਾਂ ਦੁਆਰਾ ਵੇਚੀ ਗਈ ਫਸਲ ਦਾ ਪੂਰਾ ਵੇਰਵਾ ਉਸੇ ਦਿਨ ਮੁਹੱਈਆ ਕਰਾਂਗੇ ਜਦੋਂ ਉਨ੍ਹਾਂ ਦੀ ਫਸਲ ਵੇਚੀ ਜਾਵੇਗੀ। ਇਸਦੇ ਨਾਲ ਉਨ੍ਹਾਂ ਦੇ ਖਾਤੇ ਵਿੱਚ ਕਿੰਨੇ ਦਿਨਾਂ ਵਿੱਚ ਪੈਸੇ ਆਏ ਨ, ਇਹ ਵੀ ਪਤਾ ਲੱਗ ਜਾਵੇਗਾ।
ਇਹ ਵੀ ਪੜ੍ਹੋ : ਹੌਂਸਲੇ ਦੀ ਮਿਸਾਲ- ਗਰਭਵਤੀ ਔਰਤ ਪਤੀ ਦੀ ਮੌਤ ਤੋਂ ਬਾਅਦ ਕੜੀ-ਚੌਲ ਵੇਚ ਕੇ ਪਾਲ ਰਹੀ ਪੂਰਾ ਪਰਿਵਾਰ, ਮਨੀਸ਼ਾ ਗੁਲਾਟੀ ਵੀ ਹੋਈ ਮੁਰੀਦ
ਉਨ੍ਹਾਂ ਦੱਸਿਆ ਕਿ ਪਹਿਲਾ ਪ੍ਰਯੋਗ ਜੋ ਅਸੀਂ ਕਣਕ ਦੇ ਸੀਜ਼ਨ ਦੌਰਾਨ ਕੀਤਾ ਸੀ, ਹੁਣ ਇਸਦੀ ਵਰਤੋਂ ਝੋਨੇ ਅਤੇ ਕਪਾਹ ਦੀਆਂ ਫਸਲਾਂ ‘ਤੇ ਵੀ ਕੀਤੀ ਜਾਏਗੀ ਅਤੇ ਕਿਸਾਨਾਂ ਦੁਆਰਾ ਵੇਚੇ ਗਏ ਝੋਨੇ ਅਤੇ ਕਪਾਹ ਆਦਿ ਦੀ ਜੇ ਫਾਰਮ ਉਨ੍ਹਾਂ ਦੇ ਮੋਬਾਈਲ ‘ਤੇ ਉਪਲਬਧ ਕਰਵਾਈ ਜਾਵੇਗੀ।
