ਭਾਰਤ ‘ਚ ਤੇਜ਼ੀ ਨਾਲ ਵਧ ਰਹੀ ਪਾਕਿਸਤਾਨੀ ਡਰੋਨ ਦੀ ਘੁਸਪੈਠ ਨੂੰ ਰੋਕਣ ਲਈ ਸੀਮਾ ਸੁਰੱਖਿਆ ਬਲ ਨੇ ਸਰਹੱਦ ‘ਤੇ ਇਕ ਕੁੱਤਾ ਤਾਇਨਾਤ ਕੀਤਾ ਹੈ, ਜੋ ਦੂਰੋਂ ਡਰੋਨ ਦੀ ਆਵਾਜ਼ ਨੂੰ ਪਛਾਣ ਲਵੇਗਾ। ਇਸ ਦੇ ਲਈ ਪੰਜਾਬ ‘ਚ ਭਾਰਤ-ਪਾਕਿ ‘ਤੇ ਜਰਮਨ ਸ਼ੈਫਰਡ ਪ੍ਰਜਾਤੀ ਦੇ ਫੀਮੇਲ ਡੌਗੀ ‘ਫਰੂਟੀ’ ਨੂੰ ਗਵਾਲੀਅਰ ਦੇ ਟੇਕਨਪੁਰ ਸਥਿਤ ਬੀ.ਐੱਸ.ਐੱਫ ਦੇ ਕੌਮੀ ਕੁੱਤਾ ਸਿਖਲਾਈ ਕੇਂਦਰ ‘ਚ ਟ੍ਰੇਨਿੰਗ ਤੋਂ ਬਾਅਦ ਤਿਆਰ ਕੀਤਾ ਗਿਆ ਹੈ।
ਇਸ ਦੀ ਤਾਇਨਾਤੀ ਨਾਲ ਭਾਰਤ ਆਪਣੇ ਗੁਆਂਢੀ ਦੇਸ਼ਾਂ ਦੀਆਂ ਡਰੋਨ ਗਤੀਵਿਧੀਆਂ ‘ਤੇ ਨਜ਼ਰ ਰੱਖਣ ਲਈ ਟ੍ਰੇਂਡ ਡੌਗ ਨੂੰ ਤਾਇਨਾਤ ਕਰਨ ਵਾਲਾ ਇਜ਼ਰਾਈਲ ਅਤੇ ਅਮਰੀਕਾ ਤੋਂ ਬਾਅਦ ਦੁਨੀਆ ਦਾ ਤੀਜਾ ਦੇਸ਼ ਬਣ ਗਿਆ ਹੈ। ਪਿਛਲੇ ਦੋ ਸਾਲਾਂ ਵਿੱਚ ਪਾਕਿਸਤਾਨ ਨਾਲ ਲੱਗਦੀ ਭਾਰਤੀ ਸਰਹੱਦ ਦੇ ਨਾਲ ਹੈਰੋਇਨ ਦੀ ਤਸਕਰੀ ਅਤੇ ਡਰੋਨ ਰਾਹੀਂ ਹਥਿਆਰ ਭੇਜਣ ਦੀਆਂ ਘਟਨਾਵਾਂ ਵਿੱਚ ਵਾਧਾ ਹੋਇਆ ਹੈ। ਸਿਖਲਾਈ ਪ੍ਰਾਪਤ ਕੁੱਤੇ ਦੀ ਮਦਦ ਨਾਲ ਇਨ੍ਹਾਂ ਘਟਨਾਵਾਂ ਨੂੰ ਰੋਕਣ ਵਿੱਚ ਮਦਦ ਮਿਲੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”
ਜਰਮਨ ਸ਼ੈਫਰਡ ਨਸਲ ਦੇ ਕੁੱਤੇ ਦੀ ਸੁਣਨ ਦੀ ਸਮਰੱਥਾ ਬਹੁਤ ਵਧੀਆ ਹੁੰਦੀ ਹੈ। ਉਹ ਆਸਾਨੀ ਨਾਲ ਧੁਨੀ ਤਰੰਗਾਂ ਨੂੰ ਫੜ ਸਕਦੇ ਹਨ। ਇਸ ਦੇ ਲਈ ਜਰਮਨ ਫਰੂਟੀ ਨੂੰ ਚੁਣਿਆ ਗਿਆ ਅਤੇ ਟੇਕਨਪੁਰ, ਗਵਾਲੀਅਰ ਸਥਿਤ ਬੀਐਸਐਫ ਦੇ ਕੌਮੀ ਕੁੱਤਾ ਸਿਖਲਾਈ ਕੇਂਦਰ ਵਿੱਚ ਭੇਜ ਕੇ ਆਵਾਜ਼ ਦੀਆਂ ਤਰੰਗਾਂ ਨੂੰ ਫੜਨ ਦੀ ਸਿਖਲਾਈ ਦਿੱਤੀ ਗਈ। ਦੋ ਮਹੀਨਿਆਂ ਦੀ ਸਿਖਲਾਈ ਦੌਰਾਨ ਕੁੱਤੇ ਨੂੰ ਡਰੋਨ ਦੀ ਆਵਾਜ਼ ਤੋਂ ਵੀ ਜਾਣੂ ਕਰਵਾਇਆ ਗਿਆ ਅਤੇ ਇਸ ਤਰ੍ਹਾਂ ਦੇਸ਼ ਦਾ ਪਹਿਲਾ ਡਰੋਨ ਡਿਟੈਕਟਰ ਕੁੱਤਾ ਤਿਆਰ ਕੀਤਾ ਗਿਆ। ਇਹ ਡਰੋਨ ਦੀ ਆਵਾਜ਼ ਕਾਫੀ ਦੂਰੋਂ ਪਛਾਣ ਕੇ ਜਵਾਨਾਂ ਨੂੰ ਅਲਰਟ ਕਰ ਦਿੰਦੀ ਹੈ। ਟ੍ਰੇਨਿੰਗ ਪੂਰੀ ਹੋਣ ਅਤੇ ਮਾਹਿਰਾਂ ਵੱਲੋਂ ਫੂਰਟੀ ਦਾ ਕੰਮ ਦੇਖਣ ਤੋਂ ਬਾਅਦ ਉਸ ਨੂੰ ਅਟਾਰੀ ਬਾਰਡਰ ‘ਤੇ ਤਾਇਨਾਤ ਕੀਤਾ ਗਿਆ।
