ਕੋਰੋਨਾ ਦੀ ਤੀਜੀ ਲਹਿਰ ਵਿਚਾਲੇ ਬਲੈਕ ਫੰਗਸ ਦੀ ਦਸਤਕ, ਯੂਪੀ ਤੋਂ ਮਿਲਿਆ ਪਹਿਲਾ ਮਰੀਜ਼

ਕੋਰੋਨਾ ਦੀ ਤੀਜੀ ਲਹਿਰ ਵਿਚਾਲੇ ਸੋਮਵਾਰ ਨੂੰ ਬਲੈਕ ਫੰਗਸ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਯੂਪੀ ਤੋਂ ਬਲੈਕ ਫੰਗਸ ਦਾ ਇੱਕ ਮਰੀਜ਼ ਨੂੰ ਹੈਲਟ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ। ਮਰੀਜ਼ ਦੀ ਇੱਕ ਅੱਖ ਤੇ ਨੱਕ ਵਿੱਚ ਇਨਫੈਕਸ਼ਨ ਫੈਲੀ ਹੋਈ ਹੈ।

ਦੱਸ ਦੇਈਏ ਕਿ ਯੂਪੀ ਵਿੱਚ ਬਲੈਕ ਫੰਗਸ ਦੇ ਇੱਕਾ-ਦੁੱਕਾ ਮਰੀਜ਼ ਹੀ ਪੂਰੇ ਸਾਲ ਹਸਪਤਾਲ ਵਿੱਚ ਆਏ ਹਨ। ਇਸ ਵੇਲੇ ਕੋਰੋਨਾ ਪੌਜ਼ੀਟਿਵ 6 ਮਰੀਜ਼ ਹੈਲਟ ਤੇ ਦੋ ਕਾਂਸ਼ੀਰਾਮ ਵਿੱਚ ਦਾਖ਼ਲ ਹਨ।

ਜੀਐਸਵੀਐਮ ਮੈਡੀਕਲ ਕਾਲਜ ਦੇ ਪ੍ਰਿੰਸੀਪਲ ਡਾਕਟਰ ਸੰਜੇ ਕਾਲਾ ਨੇ ਦੱਸਿਆ ਕਿ 45 ਸਾਲਾ ਮਰੀਜ਼ ਕੈਂਟ ਇਲਾਕੇ ਦਾ ਰਹਿਣ ਵਾਲਾ ਹੈ। ਉਸਨੂੰ ਸ਼ੂਗਰ ਵੀ ਹੈ। ਮਰੀਜ਼ ਦੀ ਅੱਖ ਵਿੱਚ ਤਕਲੀਫ ਹੈ। ਜਾਂਚ ਵਿੱਚ ਉਹ ਕੋਰੋਨਾ ਪੌਜ਼ੀਟਿਵ ਪਾਇਆ ਗਿਆ ਹੈ। ਮੰਨਿਆ ਜਾਂਦਾ ਹੈ ਕਿ ਸ਼ੂਗਰ ਕਾਰਨ ਉਹ ਬਲੈਕ ਫੰਗਸ ਦਾ ਮਰੀਜ਼ ਹੋ ਗਿਆ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

Mix Vegetables Recipe | Mix Veg Restaurant Style Mix Veg | Shorts Video

ਮਰੀਜ਼ ਨੂੰ ਬਲੈਕ ਫੰਗਸ ਵਾਲੇ ਵਾਰਡ ਵਿੱਚ ਦਾਖਲ ਕਰਵਾ ਕੇ ਇਲਾਜ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਫਿਲਹਾਲ ਹੈਲਟ ‘ਚ ਕੋਈ ਵੀ ਕੋਰੋਨਾ ਸੰਕਰਮਿਤ ਮਰੀਜ਼ ਵੈਂਟੀਲੇਟਰ ‘ਤੇ ਨਹੀਂ ਹੈ। ਦੋ ਮਰੀਜ਼ਾਂ ਨੂੰ ਆਕਸੀਜਨ ‘ਤੇ ਰੱਖਿਆ ਗਿਆ ਹੈ। ਇੱਕ ਮਰੀਜ਼ ਨੂੰ ਹੈਪੇਟਾਈਟਸ ਹੈ।

ਦੱਸ ਦੇਈਏ ਕਿ

ਦੇਸ਼ ਵਿੱਚ ਕੋਰੋਨਾ ਦੀ ਬੇਕਾਬੂ ਰਫ਼ਤਾਰ ਜਾਰੀ ਹੈ। ਹਾਲਾਂਕਿ ਹੁਣ ਇਸ ਦੇ ਨਵੇਂ ਮਾਮਲਿਆਂ ‘ਚ ਕੁਝ ਕਮੀ ਦੇਖਣ ਨੂੰ ਮਿਲ ਰਹੀ ਹੈ। ਸਿਹਤ ਮੰਤਰਾਲੇ ਦੇ ਮੁਤਾਬਕ ਦੇਸ਼ ‘ਚ ਪਿਛਲੇ 24 ਘੰਟਿਆਂ ਦੌਰਾਨ 2 ਲੱਖ 38 ਹਜ਼ਾਰ 18 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਦਕਿ 310 ਲੋਕਾਂ ਦੀ ਮੌਤ ਹੋ ਗਈ ਹੈ। ਹਾਲਾਂਕਿ ਇਸ ਸਮੇਂ ਦੌਰਾਨ 1 ਲੱਖ 57 ਹਜ਼ਾਰ 421 ਕੋਰੋਨਾ ਮਰੀਜ਼ ਠੀਕ ਹੋ ਚੁੱਕੇ ਹਨ। ਕੱਲ੍ਹ ਦੇ ਮੁਕਾਬਲੇ ਅੱਜ ਕੋਰੋਨਾ ਦੇ 20 ਹਜ਼ਾਰ 71 ਘੱਟ ਮਾਮਲੇ ਆਏ ਹਨ। ਸੋਮਵਾਰ ਨੂੰ ਕੋਰੋਨਾ ਦੇ 2 ਲੱਖ 58 ਹਜ਼ਾਰ 89 ਨਵੇਂ ਮਾਮਲੇ ਸਾਹਮਣੇ ਆਏ ਹਨ।