ਪਟਨਾ ਏਅਰਪੋਰਟ ‘ਤੇ ਸ਼ੁੱਕਰਵਾਰ ਸਵੇਰੇ ਇੰਡੀਗੋ ਫਲਾਈਟ ਦੇ ਉਡਾਨ ਭਰਦੇ ਹੀ ਇਸ ਦਾ ਇੰਜਣ ਬੰਦ ਗਿਆ। ਫਲਾਈਟ ਕਰੀਬ ਅੱਧਾ ਘੰਟਾ ਅਸਮਾਨ ਵਿੱਚ ਰਹੀ। ਪਟਨਾ ਹਵਾਈ ਅੱਡੇ ‘ਤੇ ਐਮਰਜੈਂਸੀ ਲੈਂਡਿੰਗ ਕਰਵਾਈ ਗਈ ਹੈ। ਫਲਾਈਟ ਨੇ ਸਵੇਰੇ 8:40 ‘ਤੇ ਪਟਨਾ ਤੋਂ ਦਿੱਲੀ ਲਈ ਉਡਾਨ ਭਰੀ ਸੀ। ਫਲਾਈਟ ‘ਚ 181 ਯਾਤਰੀ ਅਤੇ 8 ਚਾਲਕ ਦਲ ਦੇ ਮੈਂਬਰ ਸਵਾਰ ਸਨ। ਇਸ ਦੌਰਾਨ ਫਲਾਈਟ ਵਿੱਚ ਸਵਾਰ ਸਾਰੇ ਯਾਤਰੀ ਸਹਿਮੇ ਰਹੇ। ਉਥੇ ਹਫੜਾ-ਦਫੜੀ ਵਾਲਾ ਮਾਹੌਲ ਬਣ ਗਿਆ।
ਪਟਨਾ ਏਅਰਪੋਰਟ ਅਥਾਰਟੀ ਵੱਲੋਂ ਦੱਸਿਆ ਗਿਆ ਹੈ ਕਿ ਇੰਡੀਗੋ ਫਲਾਈਟ 2433 ਪਟਨਾ-ਦਿੱਲੀ ਦੇ ਟੇਕਆਫ ਦੇ 3 ਮਿੰਟ ਬਾਅਦ ਇੰਜਣ ਫੇਲ ਹੋਣ ਦੀ ਸੂਚਨਾ ਮਿਲੀ। ਫਲਾਈਟ ਦੀ ਸੈਲਫ ਲੈਂਡਿੰਗ 9.11 ਪਟਨਾ ਏਅਰਪੋਰਟ ‘ਤੇ ਕਰਾਈ ਗਈ। ਪਾਇਲਟ ਮੁਤਾਬਕ ਕਿਸੇ ਹੋਰ ਸਹਾਇਤਾ ਦੀ ਲੋੜ ਨਹੀਂ ਹੈ। ਹਵਾਈ ਅੱਡੇ ‘ਤੇ ਸਾਰੇ ਕੰਮਕਾਜ ਆਮ ਵਾਂਗ ਹਨ।
ਫਲਾਈਟ ‘ਚ ਪਟਨਾ ਦੇ ਸਿਮੇਜ ਕਾਲਜ ਦੇ ਮਾਲਕ ਨੀਰਜ ਅਗਰਵਾਲ ਵੀ ਸਵਾਰ ਸਨ। ਉਨ੍ਹਾਂ ਨੇ ਫੇਸਬੁੱਕ ‘ਤੇ ਇਸ ਗੱਲ ਦਾ ਜ਼ਿਕਰ ਕੀਤਾ ਹੈ। ਲਿਖਿਆ ਕਿ ਦਿੱਲੀ ਜਾ ਰਹੀ ਇੰਡੀਗੋ ਦੀ ਫਲਾਈਟ ‘ਚ ਅੱਧੇ ਘੰਟੇ ਬਾਅਦ ਪਾਇਲਟ ਨੇ ਕਿਹਾ ਕਿ ਉਸ ਨੂੰ ਪਟਨਾ ਪਰਤਣਾ ਹੋਵੇਗਾ। ਸਾਰੀਆਂ ਏਅਰ ਹੋਸਟੈਸਾਂ ਤੇਜ਼ੀ ਨਾਲ ਆਈਆਂ ਅਤੇ ਐਲਾਨ ਕੀਤਾ ਕਿ ਅੱਗੇ ਵਾਲੀ ਸੀਟ ਫੜ ਕੇ ਆਪਣਾ ਸਿਰ ਅੱਗੇ ਵਾਲੀ ਸੀਟ ‘ਤੇ ਹੱਥਾਂ ਵਿਚਾਲੇ ਟਿਕਾ ਲਓ। ਫਲਾਈਟ ਦੇ ਇੰਜਣ ਤੋਂ ਬਹੁਤ ਤੇਜ਼ ਆਵਾਜ਼ਾਂ ਆ ਰਹੀਆਂ ਸਨ। ਵਾਰ-ਵਾਰ ਮਹਿਸੂਸ ਹੋ ਰਿਹਾ ਸੀ।
ਜਹਾਜ਼ ਵਿੱਚ 15 ਮਿੰਟ ਤੱਕ ਤਣਾਅ ਰਿਹਾ, ਏਅਰ ਬ੍ਰੇਕਸ ਪੂਰੀ ਤਰ੍ਹਾਂ ਖੁੱਲ੍ਹੇ ਹੋਏ ਸਨ। ਲੈਂਡਿੰਗ ਸੌਖੀ ਨਹੀਂ ਸੀ, ਪਰ ਪਾਇਲਟ ਨੇ ਇੰਜਣ ਦੀ ਗੜਬੜੀ ਦਾ ਪਤਾ ਲੱਗਣ ‘ਤੇ ਵੀ ਸਮਝਦਾਰੀ ਨਾਲ ਫਲਾਈਟ ਨੂੰ ਸੰਭਾਲਿਆ। ਸੰਕਟ ਮੋਚਨ ਨੇ ਬਚਾਇਆ।
ਯਾਤਰੀ ਅਨਿਲ ਸਿਨਹਾ ਨੇ ਦੱਸਿਆ ਕਿ ਫਲਾਈਟ ਦੇ ਟੇਕ ਆਫ ਹੋਣ ਦੇ 10 ਤੋਂ 15 ਮਿੰਟ ਬਾਅਦ ਏਅਰ ਹੋਸਟੈੱਸ ਨੇ ਸਾਰੇ ਯਾਤਰੀਆਂ ਨੂੰ ਮੂਹਰਲੀ ਸੀਟ ‘ਤੇ ਬੈਠ ਕੇ ਝੁਕਣ ਲਈ ਕਿਹਾ। ਇੰਜਣ ਵਿੱਚੋਂ ਆਵਾਜ਼ ਆ ਰਹੀ ਸੀ। ਸਾਨੂੰ ਕੁਝ ਸਮਝ ਨਹੀਂ ਆਇਆ।
ਇਹ ਵੀ ਪੜ੍ਹੋ : 1984 ਸਿੱਖ ਵਿਰੋਧੀ ਦੰਗੇ : ਜਗਦੀਸ਼ ਟਾਈਟਲਰ ਨੂੰ ਮਿਲੀ ਜ਼ਮਾਨਤ, CBI ਨੂੰ ਗਵਾਹਾਂ ਨਾਲ ਛੇੜਖਾਨੀ ਦਾ ਡਰ
ਇੰਡੀਗੋ ਫਲਾਈਟ (6E 2433) ਨੇ ਉਡਾਣ ਭਰਨ ਤੋਂ ਤੁਰੰਤ ਬਾਅਦ ਇੰਜਣ ਫੇਲ੍ਹ ਹੋ ਗਿਆ। ਕੁਝ ਮਿੰਟਾਂ ਬਾਅਦ, ਫਲਾਈਟ ਨੂੰ ਪਟਨਾ ਹਵਾਈ ਅੱਡੇ ‘ਤੇ ਵਾਪਸ ਉਤਾਰਿਆ ਗਿਆ। ਪਟਨਾ ਏਅਰਪੋਰਟ ‘ਤੇ ਫਲਾਈਟ ਦੇ ਲੈਂਡ ਹੋਣ ਤੋਂ ਬਾਅਦ ਯਾਤਰੀ ਲਗਾਤਾਰ ਹੰਗਾਮਾ ਕਰ ਰਹੇ ਹਨ। ਹਾਲਾਂਕਿ ਬਾਅਦ ‘ਚ ਉਸ ਨੂੰ ਦੂਜੀ ਫਲਾਈਟ ‘ਚ ਦਿੱਲੀ ਭੇਜ ਦਿੱਤਾ ਗਿਆ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
