ਚਾਰ ਧਾਮ ਤੀਰਥ ਯਾਤਰੀਆਂ ਨਾਲ ਠੱਗੀ, ਕਈ ਟ੍ਰੈਵਲ ਏਜੰਸੀਆਂ ‘ਤੇ ਐਕਸ਼ਨ, ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

ਉੱਤਰਾਖੰਡ ਚਾਰਧਾਮ ਯਾਤਰਾ 2023 ‘ਤੇ ਜਾਣ ਵਾਲੇ ਸ਼ਰਧਾਲੂਆਂ ਲਈ ਵੱਡੀ ਖਬਰ ਹੈ। ਸ਼ਰਧਾਲੂਆਂ ਦੀ ਥੋੜੀ ਜਿਹੀ ਲਾਪਰਵਾਹੀ ਕਾਰਨ ਧਾਮਾਂ ਦੇ ਦਰਸ਼ਨਾਂ ਦਾ ਸਾਰਾ ਪਲਾਨ ਚੌਪਟ ਹੋ ਸਕਦਾ ਹੈ। ਕੇਦਾਰਨਾਥ-ਬਦਰੀਨਾਥ, ਗੰਗੋਤਰੀ ਸਮੇਤ ਚਾਰ ਧਾਮਾਂ ਦੇ ਦਰਸ਼ਨ ਕਰਵਾਉਣ ਦੇ ਨਾਂ ‘ਤੇ ਸ਼ਰਧਾਲੂਆਂ ਨਾਲ ਧੋਖਾਧੜੀ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ।

ਇੰਨਾ ਹੀ ਨਹੀਂ ਕੇਦਾਰਨਾਥ ਹੈਲੀ ਸਰਵਿਸ ਦੇ ਨਾਂ ‘ਤੇ ਸ਼ਰਧਾਲੂਆਂ ਨਾਲ ਠੱਗੀ ਮਾਰਨ ਦੇ ਕਈ ਮਾਮਲੇ ਵੀ ਸਾਹਮਣੇ ਆ ਚੁੱਕੇ ਹਨ। ਚਿੰਤਾ ਦੀ ਗੱਲ ਹੈ ਕਿ ਇਸ ਧੋਖਾਧੜੀ ਤੋਂ ਬਾਅਦ ਸ਼ਰਧਾਲੂ ਦਰਸ਼ਨ ਵੀ ਨਹੀਂ ਕਰ ਪਾ ਰਹੇ ਹਨ। ਅਜਿਹੇ ‘ਚ ਹੁਣ ਯੂ.ਪੀ., ਦਿੱਲੀ-ਐੱਨ.ਸੀ.ਆਰ., ਰਾਜਸਥਾਨ, ਗੁਜਰਾਤ ਸਣੇ ਦੇਸ਼ ਦੇ ਹੋਰ ਸੂਬਿਆਂ ਤੋਂ ਚਾਰਧਾਮ ਦਰਸ਼ਨਾਂ ਲਈ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਦਰਸ਼ਨ ਲਈ ਸਹੀ ਏਜੰਸੀ ਦੀ ਚੋਣ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਚਾਰਧਾਮ ਯਾਤਰਾ ਦੇ ਨਾਂ ‘ਤੇ ਬੰਗਾਲ ਅਤੇ ਮੱਧ ਪ੍ਰਦੇਸ਼ ਦੇ ਯਾਤਰੀਆਂ ਨਾਲ ਆਨਲਾਈਨ ਠੱਗੀ ਕੀਤੀ ਗਈ, ਜਿਸ ਦੀ ਸ਼ਿਕਾਇਤ ਸੀਐਮ ਪੋਰਟਲ ‘ਤੇ ਵੀ ਕੀਤੀ ਗਈ ਸੀ। ਸੀਐਮ ਪੋਰਟਲ ‘ਤੇ ਸ਼ਿਕਾਇਤ ਤੋਂ ਬਾਅਦ ਏਆਰਟੀਓ ਵਿਭਾਗ ਨੇ ਆਨਲਾਈਨ ਫਰਾਡ ਟਰੈਵਲ ਏਜੰਟ ਦੀ ਭਾਲ ‘ਚ ਛਾਪੇਮਾਰੀ ਕੀਤੀ। ਦੱਸਿਆ ਗਿਆ ਹੈ ਕਿ ਠੱਗਾਂ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇਗੀ।

ਏ.ਆਰ.ਟੀ.ਓ ਦੇ ਹੱਥ ਠੱਗੀ ਮਾਰਨ ਵਾਲਾ ਟਰੈਵਲ ਏਜੰਟ ਨਹੀਂ ਆਇਆ। ਪਰ ਇਸ ਦੌਰਾਨ ਹਰਿਦੁਆਰ ਵਿੱਚ ਗੈਰ-ਕਾਨੂੰਨੀ ਢੰਗ ਨਾਲ ਚੱਲ ਰਹੀਆਂ 30 ਟਰੈਵਲ ਏਜੰਸੀਆਂ ਨੂੰ ਨੋਟਿਸ ਜਾਰੀ ਕੀਤਾ ਗਿਆ। ਬੰਗਾਲ ਤੋਂ ਚਾਰਧਾਮ ਯਾਤਰਾ ਲਈ ਆਏ ਸ਼ਰਧਾਲੂਆਂ ਦੇ ਗਰੁੱਪ ਨੂੰ ਚਾਰਧਾਮ ਯਾਤਰਾ ਲਈ ਵਾਹਨ ਮੁਹੱਈਆ ਕਰਾਉਣ ਦੇ ਨਾਂ ‘ਤੇ ਉੱਜੈਨ ਦੇ ਰਹਿਣ ਵਾਲੇ ਸੰਜੇ ਨਾਂ ਦੇ ਯਾਤਰੀ ਤੋਂ ਇਕ ਲੱਖ ਚਾਲੀ ਹਜ਼ਾਰ ਦੀ ਆਨਲਾਈਨ ਧੋਖਾਧੜੀ ਕੀਤੀ ਗਈ।

ਇਹ ਵੀ ਪੜ੍ਹੋ : ਕਰਜ਼ਾ ਲੈਣ ਲਈ ਝੂਠ ਬੋਲਣ ਲੱਗਾ ਪਾਕਿਸਤਾਨ, IMF ਨੇ ਖੋਲ੍ਹ ਦਿੱਤੀ ਸਾਰੀ ਪੋਲ

ਏਆਰਟੀਓ ਰਸ਼ਮੀ ਪੰਤ ਨੇ ਦੱਸਿਆ ਕਿ ਹਰਿਦੁਆਰ ਦੇ ਪਤੇ ਦੀ ਇੱਕ ਟਰੈਵਲ ਏਜੰਸੀ ਨੇ ਉੱਜੈਨ ਦੇ ਰਹਿਣ ਵਾਲੇ ਸੰਜੇ ਨਾਂ ਦੇ ਵਿਅਕਤੀ ਤੋਂ ਚਾਲੀ ਹਜ਼ਾਰ ਦੀ ਰਕਮ ਆਨਲਾਈਨ ਲੈ ਲਈ। ਹੁਣ ਉਸਦਾ ਫ਼ੋਨ ਬੰਦ ਆ ਰਿਹਾ ਹੈ।

ਇੰਝ ਬਚੋ ਆਨਲਾਈਨ ਧੋਖਾਧੜੀ ਤੋਂ

• ਸੈਰ ਸਪਾਟਾ ਵਿਭਾਗ ਵਿੱਚ ਰਜਿਸਟਰਡ ਟੂਰ ਅਤੇ ਟਰੈਵਲ ਏਜੰਸੀ ਤੋਂ ਹੀ ਚਾਰਧਾਮ ਯਾਤਰਾ ਬੁੱਕ ਕਰੋ।
• ਬੁਕਿੰਗ ਦੇ ਸਾਰੇ ਪੈਸੇ ਇੱਕ ਵਾਰ ਵਿੱਚ ਆਨਲਾਈਨ ਅਦਾ ਨਾ ਕਰੋ। ਸ਼ੁਰੂ ਵਿੱਚ ਏਜੰਸੀ ਦੇ ਖਾਤੇ ਵਿੱਚ ਸਿਰਫ਼ ਪੰਜ ਤੋਂ ਦਸ ਫ਼ੀਸਦੀ ਰਕਮ ਪਾਓ। ਭੌਤਿਕ ਤਸਦੀਕ ਤੋਂ ਬਾਅਦ ਹੀ ਰਕਮ ਦਾ ਭੁਗਤਾਨ ਪੂਰਾ ਕਰੋ। ਆਨਲਾਈਨ ਧੋਖਾਧੜੀ ਦੇ ਮਾਮਲੇ ਵਿੱਚ ਸਾਈਬਰ ਕ੍ਰਾਈਮ ਨੰਬਰ 1930 ਡਾਇਲ ਕਰਕੇ ਸ਼ਿਕਾਇਤ ਦਰਜ ਕਰੋ।

ਚਾਰਧਾਮ ਯਾਤਰਾ ਲਈ ਹੈਲੀ ਬੁਕਿੰਗ ਦੇ ਬਹਾਨੇ ਸਾਈਬਰ ਠੱਗ ਸਰਗਰਮ ਹੋ ਗਏ ਹਨ। ਉਹ ਕੇਦਾਰਨਾਥ ਅਤੇ ਚਾਰਧਾਮ ਯਾਤਰਾ ਲਈ ਲਗਾਤਾਰ ਫਰਜ਼ੀ ਹੈਲੀਕਾਪਟਰ ਬੁਕਿੰਗ ਸਾਈਟਸ ਬਣਾਈਆਂ ਜਾ ਰਹੀਆਂ ਹਨ। ਅਜਿਹੀ ਸਥਿਤੀ ਵਿੱਚ ਸ਼ਰਧਾਲੂਆਂ ਨੂੰ ਸੁਚੇਤ ਰਹਿਣ ਦੀ ਲੋੜ ਹੈ।

ਇਹ ਪ੍ਰਤੀ ਯਾਤਰੀ ਕਿਰਾਇਆ ਹੈ

• ਗੁਪਤਕਾਸ਼ੀ 3870 ਰੁ
• ਸਿਰਸੀ 2749 ਰੁਪਏ
• ਫਾਟਾ 2750 ਰੁਪਏ (ਇਕ ਤਰਫਾ ਕਿਰਾਇਆ)
  ਵੈੱਬਸਾਈਟ: https://heliyatra.irctc.co.in/

ਇਨ੍ਹਾਂ ਫਰਜ਼ੀ ਸਾਈਟਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ
https://www.helicopterticketbooking.in/
https://radheliservices.online
https://kedarnathticketbooking.co.in/
https://heliyatrairtc.co.in/
https://kedarnathtravel.in/
https://instanthelibooking.in
https://kedarnathticketbooking.in/
https://kedarnathheliticketbooking.in/
https://helicopterticketbooking.co.in/
https://indiavisittravels.in/
https://tourpackage.info
https://heliticketbooking.online
http://vaisnoheliservice.com/
https://helichardham.in/
https://irtcyatraheli.in/

ਵੀਡੀਓ ਲਈ ਕਲਿੱਕ ਕਰੋ -:

“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “