ਜਲੰਧਰ ਦੇ ਮਸ਼ਹੂਰ ਕੰਪਨੀ ਬਾਗ ਚੌਕ ਨੇੜੇ ਸਥਿਤ ਕ੍ਰੀਮਕਾ ਆਈਸ ਕਰੀਮ ਪਾਰਲਰ ‘ਤੇ ਜੀ.ਐੱਸ.ਟੀ. ਵਿਭਾਗ ਨੇ ਛਾਪਾ ਮਾਰਿਆ। ਹਾਲਾਂਕਿ ਛਾਪੇਮਾਰੀ ਵਿੱਚ ਕੀ ਨਿਕਲਿਆ ਤੇ ਕੀ ਨਹੀਂ ਤੇ ਰੇਡ ਕਿਉਂ ਕੀਤਾ ਗਿਆ, ਇਹ ਤਾਂ ਵਿਭਾਗ ਨੇ ਕੁਝ ਸਪੱਸ਼ਟ ਨਹੀਂ ਕੀਤਾ, ਪਰ ਦੇਰ ਰਾਤ ਤੱਕ ਅਧਿਕਾਰੀ ਕ੍ਰੀਮਿਕਾ ਆਈਸਕਰੀਮ ਦਾ ਰਿਕਾਰਡ ਜ਼ਰੂਰ ਖੰਗਾਲਦੇ ਰਹੇ।
ਰਾਤ ਨੂੰ ਕੁਝ ਸਮਾਂ ਤਾਂ ਛਾਪੇਮਾਰੀ ਦੌਰਾਨ ਵੀ ਦੁਕਾਨ ਅੰਦਰ ਗਾਹਕਾਂ ਦੀ ਭੀੜ ਰਹੀ ਪਰ ਫਿਰ ਬੰਦ ਕਰ ਦਿੱਤੀ ਗਈ। ਇਹ ਵੀ ਪਤਾ ਲੱਗਾ ਹੈ ਕਿ ਜੀ.ਐੱਸ.ਟੀ. ਨੂੰ ਲੈ ਕੇ ਕ੍ਰੀਮਿਕਾ ਆਈਸਕਰੀਮ ਪਾਰਲਰ ਵਿੱਚ ਕਿਸੇ ਤਰ੍ਹਾਂ ਦੀ ਹੇਰਾਫੇਰੀ ਹੋ ਸਕਦੀ ਹੈ, ਜਿਸ ਸਬੰਧੀ ਵਿਭਾਗ ਦੀ ਟੀਮ ਨੇ ਦੇਰ ਰਾਤ ਛਾਪੇਮਾਰੀ ਕੀਤੀ।
ਇਹ ਅਫਵਾਹ ਵੀ ਫੈਲ ਰਹੀ ਹੈ ਕਿ ਵਿਭਾਗ ਦੇ ਕੋਲ ਕ੍ਰੀਮਿਕਾ ਆਈਸਕਰੀਮ ਵਿੱਚ ਜੀਐਸਟੀ ਦੀ ਚੋਰੀ ਦੀ ਸ਼ਿਕਾਇਤ ਮਿਲੀ ਸੀ। ਉਸ ਦੇ ਆਧਾਰ ‘ਤੇ ਵਿਭਾਗ ਦੀ ਟੀਮ ਛਾਪੇਮਾਰੀ ਕਰਨ ਆਈ. ਹਾਲਾਂਕਿ ਕੁਝ ਵਿਭਾਗੀ ਸੂਤਰਾਂ ਦਾ ਕਹਿਣਾ ਹੈ ਕਿ ਇਹ ਛਾਪੇਮਾਰੀ ਨਹੀਂ ਸਗੋਂ ਰੁਟੀਨ ਚੈਕਿੰਗ ਸੀ। ਜਿੱਥੇ ਵੀ ਕੋਈ ਸ਼ੱਕ ਹੁੰਦਾ ਹੈ, ਵਿਭਾਗ ਉੱਥੇ ਚੈਕਿੰਗ ਲਈ ਜਾਂਦਾ ਹੈ। ਉੱਥੇ ਜਾ ਕੇ ਜਾਂਚ ਕੀਤੀ ਜਾਂਦੀ ਹੈ ਕਿ ਜੀਐਸਟੀ ਸਹੀ ਢੰਗ ਨਾਲ ਕੱਟਿਆ ਜਾ ਰਿਹਾ ਹੈ ਜਾਂ ਨਹੀਂ।
ਵੀਡੀਓ ਲਈ ਕਲਿੱਕ ਕਰੋ -:
“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”
