ਬ੍ਰਿਟੇਨ ਵਿਚ ਮਹਿੰਗਾਈ ਕਾਰਨ ਹਾਲਾਤ ਅਜਿਹੇ ਬਣ ਗਏ ਹਨ ਕਿ ਹੁਣ ਆਮ ਲੋਕਾਂ ਦੇ ਨਾਲ-ਨਾਲ ਅਧਿਆਪਕਾਂ, ਸਿਹਤ ਕਰਮਚਾਰੀਆਂ ਅਤੇ ਪੈਨਸ਼ਨਰਾਂ ਨੂੰ ਵੀ ਫੂਡ ਬੈਂਕਾਂ ‘ਤੇ ਨਿਰਭਰ ਰਹਿਣਾ ਪੈ ਰਿਹਾ ਹੈ। ਦਸੰਬਰ 2022 ਅਤੇ ਜਨਵਰੀ 2023 ਵਿੱਚ, ਲੋਕਾਂ ਨੇ ਫੂਡ ਬੈਂਕ ਤੋਂ ਵੱਧ ਤੋਂ ਵੱਧ ਮਦਦ ਮੰਗੀ। ਯੂਕੇ ਵਿੱਚ ਲਗਭਗ 154 ਸੰਸਥਾਵਾਂ ਫੂਡ ਬੈਂਕ ਚਲਾਉਂਦੀਆਂ ਹਨ, ਜੋ ਲੋਕਾਂ ਨੂੰ ਮੁਫਤ ਭੋਜਨ ਵੰਡਦੀਆਂ ਹਨ।
ਇੰਡੀਪੈਂਡੈਂਟ ਫੂਡ ਏਡ ਨੈੱਟਵਰਕ (IFAN) ਨੇ ਇਹ ਰਿਪੋਰਟ 90 ਫੀਸਦੀ ਫੂਡ ਬੈਂਕਾਂ ਦੇ ਅੰਕੜਿਆਂ ਦੇ ਆਧਾਰ ‘ਤੇ ਤਿਆਰ ਕੀਤੀ ਹੈ। ਫੂਡ ਬੈਂਕਾਂ ਦਾ ਸੰਚਾਲਨ ਕਰਨ ਵਾਲੀਆਂ 85 ਸੰਸਥਾਵਾਂ ਨੇ ਦੱਸਿਆ ਕਿ ਜਦੋਂ ਭੋਜਨ ਮੰਗਣ ਵਾਲਿਆਂ ਦੀ ਗਿਣਤੀ ਵਧੀ ਤਾਂ ਉਨ੍ਹਾਂ ਨੇ ਕਈ ਵਾਰ ਭੋਜਨ ‘ਤੇ ਕਟੌਤੀ ਕੀਤੀ ਅਤੇ ਖਾਣਾ ਮੰਗਣ ਆਏ ਕਈ ਲੋਕਾਂ ਨੂੰ ਵੀ ਮੋੜ ਦਿੱਤਾ।
ਬ੍ਰਿਟੇਨ ਵਿੱਚ ਸਭ ਤੋਂ ਵੱਡਾ ਫੂਡ ਬੈਂਕ ਦ ਟਰਸੇਲ ਟਰੱਸਟ ਨਾਮ ਦੀ ਇੱਕ ਸੰਸਥਾ ਵੱਲੋਂ ਚਲਾਇਆ ਜਾ ਰਿਹਾ ਹੈ। ਇਸ ਵਿੱਚ 1300 ਤੋਂ ਵੱਧ ਫੂਡ ਬੈਂਕ ਹਨ। ਟਰੱਸਟ ਮੁਤਾਬਕ ਉਸਨੇ ਪਿਛਲੇ ਸਾਲ ਅਪ੍ਰੈਲ ਅਤੇ ਸਤੰਬਰ ਦੇ ਵਿਚਕਾਰ 1.3 ਮਿਲੀਅਨ ਐਮਰਜੈਂਸੀ ਫੂਡ ਪੈਕੇਟ ਵੰਡੇ ਸਨ। ਅੰਕੜਿਆਂ ਮੁਤਾਬਕ ਹੁਣ ਤੱਕ 3 ਲੱਖ 20 ਹਜ਼ਾਰ ਤੋਂ ਵੱਧ ਲੋਕ ਭੋਜਨ ਲਈ ਫੂਡ ਬੈਂਕ ਜਾ ਚੁੱਕੇ ਹਨ।
ਇਹ ਗਿਣਤੀ 2021 ਦੇ ਮੁਕਾਬਲੇ ਇੱਕ ਤਿਹਾਈ ਵੱਧ ਹੈ, ਜਦੋਂਕਿ ਇਹ ਮਹਾਂਮਾਰੀ ਤੋਂ ਪਹਿਲਾਂ ਨਾਲੋਂ 50 ਫੀਸਦੀ ਵੱਧ ਹੈ। ਮਹਿੰਗਾਈ ਕਾਰਨ ਲੋਕਾਂ ਦੀ ਖਰੀਦ ਸ਼ਕਤੀ ਵੀ ਪ੍ਰਭਾਵਿਤ ਹੋਈ ਹੈ। ਇਸ ਨਾਲ ਬ੍ਰਿਟੇਨ ਵਿੱਚ ਹਾਲ ਹੀ ਦੇ ਮਹੀਨਿਆਂ ਵਿੱਚ ਲੜੀਵਾਰ ਹੜਤਾਲਾਂ ਵੀ ਹੋਈਆਂ ਹਨ। ਜੂਨੀਅਰ ਡਾਕਟਰਾਂ ਦੇ ਹੜਤਾਲ ‘ਤੇ ਜਾਣ ਦੀ ਵੀ ਸੰਭਾਵਨਾ ਹੈ, ਜਿਸ ਕਾਰਨ ਆਮ ਲੋਕ ਅਨਾਜ ਖਰੀਦਣ ਤੋਂ ਅਸਮਰੱਥ ਹੋ ਰਹੇ ਹਨ। ਅਜਿਹੇ ਲੋਕਾਂ ਦੀ ਫੂਡ ਬੈਂਕਾਂ ‘ਤੇ ਨਿਰਭਰਤਾ ਵਧ ਗਈ ਹੈ।
IFAN ਦੇ ਅਧਿਐਨ ਤੋਂ ਪਤਾ ਲੱਗਾ ਹੈ ਕਿ ਅਜਿਹੇ ਬਹੁਤ ਸਾਰੇ ਲੋਕ ਜੋ ਭੋਜਨ ਲਈ ਫੂਡ ਬੈਂਕਾਂ ਵਿੱਚ ਗਏ ਹਨ, ਇਸ ਵੇਲੇ ਨੌਕਰੀ ਕਰ ਰਹੇ ਹਨ। ਫੂਡ ਬੈਂਕਾਂ ‘ਚ ਜਾਣ ਵਾਲੇ ਲੋਕਾਂ ‘ਚੋਂ 80 ਫੀਸਦੀ ਤੋਂ ਵੱਧ ਅਜਿਹੇ ਹਨ, ਜਿਨ੍ਹਾਂ ਨੇ ਪਹਿਲਾਂ ਕਦੇ ਅਜਿਹੀ ਮਦਦ ਨਹੀਂ ਲਈ।
ਬ੍ਰਿਟੇਨ ਦੇ ਡੇਲੀ ਅਖਬਾਰ ਨੂੰ ਦਿੱਤੇ ਇੰਟਰਵਿਊ ‘ਚ ਲੀਜ਼ਾ ਕਲਾਰਕ ਨਾਂ ਦੀ ਔਰਤ ਦੱਸਦੀ ਹੈ ਕਿ ਖਾਣ-ਪੀਣ ਦੀਆਂ ਵਧਦੀਆਂ ਕੀਮਤਾਂ ਕਾਰਨ ਉਹ ਖੁਦ ਭੁੱਖੇ ਮਰ ਰਹੀ ਹੈ। ਉਹ ਬੱਚਿਆਂ ਦੇ ਸਕੂਲ ਤੋਂ ਘਰ ਆਉਣ ਦਾ ਇੰਤਜ਼ਾਰ ਕਰਦੀ ਹੈ, ਤਾਂ ਜੋ ਉਹ ਬੱਚਿਆਂ ਵੱਲੋਂ ਛੱਡਿਆ ਭੋਜਨ ਖਾ ਕੇ ਆਪਣੀ ਭੁੱਖ ਮਿਟਾ ਸਕੇ। ਫੂਡ ਫਾਊਂਡੇਸ਼ਨ ਦੀ ਖੋਜ ਮੁਤਾਬਕ ਸਤੰਬਰ ਮਹੀਨੇ ਤੱਕ 40 ਲੱਖ ਬੱਚੇ ਸਹੀ ਭੋਜਨ ਤੋਂ ਬਿਨਾਂ ਰਹਿਣ ਲਈ ਮਜਬੂਰ ਸਨ।
ਇਹ ਵੀ ਪੜ੍ਹੋ : ਕੋਰੋਨਾ ਦੇ ਖੌਫ! 3 ਸਾਲ ਪੁੱਤਰ ਨਾਲ ਘਰ ‘ਚ ਕੈਦ ਰਹੀ ਔਰਤ, ਪਤੀ ਨੂੰ ਵੀ ਅੰਦਰ ਵੜਨ ਨਹੀਂ ਦਿੱਤਾ
ਬ੍ਰਿਟਿਸ਼ ਰਿਟੇਲ ਕੰਸੋਰਟੀਅਮ ਦੀ ਤਾਜ਼ਾ ਮਹਿੰਗਾਈ ਰਿਪੋਰਟ ਮੁਤਾਬਕ ਸਤੰਬਰ ਮਹੀਨੇ ਵਿੱਚ ਸਾਲਾਨਾ ਖੁਰਾਕ ਮਹਿੰਗਾਈ 10.06 ਪ੍ਰਤੀਸ਼ਤ ਵਧੀ ਹੈ। ਦੂਜੇ ਪਾਸੇ ਜੇ ਰੋਜ਼ਾਨਾ ਵਰਤੇ ਜਾਣ ਵਾਲੇ ਖਾਣ-ਪੀਣ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਦੀਆਂ ਕੀਮਤਾਂ ‘ਚ ਵੀ ਭਾਰੀ ਉਛਾਲ ਦੇਖਣ ਨੂੰ ਮਿਲਿਆ। ਤਾਜ਼ੇ ਭੋਜਨ ਅਰਥਾਤ ਵਰਤੋਂ ਲਈ ਤਿਆਰ ਭੋਜਨ ਦੀ ਮਹਿੰਗਾਈ ਇਕੱਲੇ ਸਤੰਬਰ ਮਹੀਨੇ ਵਿਚ 12.1 ਫੀਸਦੀ ਵਧੀ ਹੈ। ਜਦੋਂਕਿ ਇਨ੍ਹਾਂ ਉਤਪਾਦਾਂ ਦੀ ਸਾਲਾਨਾ ਮਹਿੰਗਾਈ ਦਰ 13.3 ਫੀਸਦੀ ਤੱਕ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
