ਯੂਕਰੇਨ ‘ਤੇ ਭਾਵੁਕ ਹੋਈ ਪ੍ਰਿਯੰਕਾ, ਕਿਹਾ- ‘ਇਸ ਜੰਗ ‘ਚ ਤੁਹਾਡੇ ਤੇ ਮੇਰੇ ਵਰਗੇ ਬੇਗੁਨਾਹ ਮਰ ਰਹੇ’

ਰੂਸ ਤੇ ਯੂਕਰੇਨ ਵਿਚ ਵਿਗੜੇ ਹਾਲਾਤਾਂ ‘ਤੇ ਗਲੋਬਲ ਗਰਲ ਪ੍ਰਿਯੰਕਾ ਚੋਪੜਾ ਨੇ ਚਿੰਤਾ ਪ੍ਰਗਟਾਈ ਹੈ। ਪ੍ਰਿਯੰਕਾ ਨੂੰ ਯੂਕਰੇਨ ਦੇ ਬੇਗੁਨਾਹ ਲੋਕਾਂ ਨਾਲ ਹਮਦਰਦੀ ਹੈ। ਪ੍ਰਿਯੰਕਾ ਨੇ ਯੂਕਰੇਨ ਵਾਸੀਆਂ ਦੇ ਦਰਦ ਨੂੰ ਬਿਆਂ ਕਰਦਾ ਇੱਕ ਵੀਡੀਓ ਪੋਸਟ ਕੀਤਾ ਹੈ। ਨਾਲ ਹੀ ਉਨ੍ਹਾਂ ਦੀ ਸਲਾਮਤੀ ਦੀ ਦੁਆ ਵੀ ਕੀਤੀ ਹੈ।

ਪ੍ਰਿਯੰਕਾ ਨੇ ਲਿਖਿਆ ਕਿ ਇਸ ਵਾਰ ਜ਼ੋਨ ਵਿਚ ਬੇਗੁਨਾਹ ਤੇ ਨਿਰਦੋਸ਼ ਲੋਕ ਰਹਿ ਰਹੇ ਹਨ। ਉਹ ਤੁਹਾਡੇ ਤੇ ਮੇਰੀ ਤਰ੍ਹਾਂ ਹਨ। ਉਨ੍ਹਾਂ ਲਿਖਿਆ ਕਿ ਯੂਕਰੇਨ ਵਿਚ ਨਜ਼ਰ ਆ ਰਹੇ ਹਾਲਾਤ ਡਰਾਉਣੇ ਹਨ। ਨਿਰਦੋਸ਼ ਲੋਕ ਆਪਣੇ ਅਤੇ ਆਪਣੇ ਚਾਹੁਣ ਵਾਲਿਆਂ ਦੀ ਜ਼ਿੰਦਗੀ ਲਈ ਡਰ ਵਿਚ ਜੀਅ ਰਹੇ ਹਨ।

ਪ੍ਰਿਯੰਕਾ ਨੇ ਜੋ ਵੀਡੀਓ ਸ਼ੇਅਰ ਕੀਤਾ ਹੈ ਉਸ ਵਿਚ ਦਿਖਾਇਆ ਗਿਆ ਕਿ ਕਿਵੇਂ ਉਥੋਂ ਦੇ ਲੋਕਾਂ ਵਿਚ ਹਫੜਾ-ਦਫੜੀ ਮਚੀ ਹੋਈ ਹੈ। ਹੁਣ ਸਟੇਸ਼ਨ ਅੰਡਰਗਰਾਊਂਡ ਬੰਕਰਸ ਵਿਚ ਤਬਦੀਲ ਹੋ ਚੁੱਕੇ ਹਨ। ਰੂਸ ਦੇ ਹਮਲੇ ਤੋਂ ਖੁਦ ਨੂੰ ਬਚਾਉਣ ਲਈ ਲੋਕ ਸੁਰੱਖਿਅਤ ਥਾਵਾਂ ‘ਤੇ ਭੱਜਣ ਨੂੰ ਮਜਬੂਰ ਹੋ ਗਏ ਹਨ। ਲੋਕ ਹੈਰਾਨ ਪ੍ਰੇਸ਼ਾਨ ਹਨ, ਉਨ੍ਹਾਂ ਨੂੰ ਪਤਾ ਨਹੀਂ ਕੀ ਕਲ ਕੀ ਹੋਵੇਗਾ। ਆਪਣਾ ਘਰ ਛੱਡ ਕੇ ਨਿਕਲੇ ਇਨ੍ਹਾਂ ਲੋਕਾਂ ਦਾ ਹਾਲ ਦੇਖ ਕੇ ਕਿਸੇ ਦੀਆਂ ਵੀ ਅੱਖਾਂ ਨਮ ਹੋ ਜਾਣਗੀਆਂ।

ਵੀਡੀਓ ਲਈ ਕਲਿੱਕ ਕਰੋ -:

“Deep Sidhu ਦੀ ਮੌਤ ਦਾ ‘ਇਲੈਕਸ਼ਨ ਨਾਲ ਕੁਨੈਕਸ਼ਨ’, Rupinder Handa ਨੇ ਖੜ੍ਹੇ ਕੀਤੇ ਵੱਡੇ ਸਵਾਲ, ਜਦੋਂ ਸਾਰੇ ਗਾਇਕ ਇੱਕ ਪਾਸੇ ਤੇ ਉਹ ਕੱਲਾ ਪਾਸੇ ….”

ਗਲੋਬਲ ਆਈਕਾਨ ਪ੍ਰਿਯੰਕਾ ਸਮਾਜਿਕ ਤੇ ਵੈਸ਼ਵਿਕ ਮੁੱਦਿਆਂ ‘ਤੇ ਆਪਣੀ ਰਾਏ ਰੱਖਣ ਤੋਂ ਕਤਰਾਉਂਦੀ ਨਹੀਂ ਹੈ। ਉਹ ਹਰ ਮੁੱਦੇ ‘ਤੇ ਬੇਬਾਕੀ ਨਾਲ ਆਪਣੇ ਵਿਚਾਰ ਰੱਖਦੀ ਹੈ। ਪ੍ਰਿਯੰਕਾ ਦੀ ਤਰ੍ਹਾਂ ਬਾਕੀ ਬਾਲੀਵੁੱਡ, ਹਾਲੀਵੁੱਡ ਸੈਲੀਬ੍ਰਿਟੀਜ਼ ਨੇ ਵੀ ਯੂਕਰੇਨ-ਰੂਸ ਵਾਰ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।