ਜਲੰਧਰ : ਇੱਕ ਹੋਰ ਮੀਲ ਪੱਥਰ ਸਥਾਪਤ ਕਰਦੇ ਹੋਏ, ਜਲੰਧਰ ਪਿਛਲੇ ਸਾਲ ਦੇ ਸਾਉਣੀ ਸੀਜ਼ਨ ਦੀਆਂ ਫਸਲਾਂ ਦੀ ਈ-ਗਿਰਦਾਵਰੀ ਵਿੱਚ ਮੋਹਰੀ ਜ਼ਿਲੇ ਵਜੋਂ ਉੱਭਰਿਆ ਹੈ, ਜਿਸ ਵਿੱਚ 56.26 ਫੀਸਦੀ ਖਸਰਾ-ਗਿਰਦਾਵਰੀ ਆਨਲਾਈਨ ਕੀਤੀ ਗਈ ਹੈ, ਜੋ ਕਿ ਰਾਜ ਵਿੱਚ ਸਭ ਤੋਂ ਵੱਧ ਹੈ। ਵੇਰਵੇ ਦਿੰਦਿਆਂ ਡਿਪਟੀ ਕਮਿਸ਼ਨਰ ਘਣਸ਼ਿਆਮ ਥੋਰੀ ਨੇ ਦੱਸਿਆ ਕਿ ਈ-ਗਿਰਦਾਵਰੀ ਲਈ ਇੱਕ ਵਿਸ਼ਾਲ ਅਭਿਆਸ ਆਰੰਭ ਕੀਤਾ ਗਿਆ ਸੀ ਜਿਸ ਦੇ ਤਹਿਤ ਜ਼ਿਲ੍ਹੇ ਵਿੱਚ ਖਸਰਾ-ਗਿਰਦਾਵਰੀ ਦੇ ਸਾਰੇ ਰਿਕਾਰਡ ਆਨਲਾਈਨ ਕੀਤੇ ਜਾਣੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਕੁੱਲ 1353542 ਵਿੱਚੋਂ 761550 ਖਸਰਾ ਨੰਬਰਾਂ ਦੀਆਂ ਐਂਟਰੀਆਂ ਆਨਲਾਈਨ ਕੀਤੀਆਂ ਜਾ ਚੁੱਕੀਆਂ ਹਨ।
ਡੀਸੀ ਨੇ ਕਿਹਾ ਕਿ ਡਿਜੀਟਲੀਜੇਸ਼ਨ ਦੀ ਦਿਸ਼ਾ ਵਿੱਚ ਇੱਕ ਕਦਮ ਹੋਰ ਅੱਗੇ ਵਧਾਉਂਦੇ ਹੋਏ, ਰਾਜ ਸਰਕਾਰ ਨੇ 2020 ਦੇ ਸਾਉਣੀ ਸੀਜ਼ਨ ਲਈ ਫਸਲਾਂ ਦੀ ਈ-ਗਿਰਦਾਵਰੀ ਦੇ ਆਦੇਸ਼ ਦਿੱਤੇ ਸਨ। ਉਨ੍ਹਾਂ ਅੱਗੇ ਕਿਹਾ ਕਿ ਗਿਰਦਾਵਰੀ ਇੱਕ ਦਸਤਾਵੇਜ਼ ਹੈ, ਜਿਸ ਵਿੱਚ ਪਟਵਾਰੀ ਮਾਲਕ ਦੇ ਨਾਂ, ਕਾਸ਼ਤਕਾਰ ਦਾ ਨਾਂ, ਜ਼ਮੀਨ/ਖਸਰਾ ਨੰਬਰ, ਖੇਤਰ, ਜ਼ਮੀਨ ਦੀ ਕਿਸਮ, ਕਾਸ਼ਤ ਅਤੇ ਗੈਰ-ਕਾਸ਼ਤ ਖੇਤਰ, ਸਿੰਚਾਈ ਦੇ ਸਰੋਤ, ਫਸਲ ਦਾ ਨਾਂ ਅਤੇ ਇਸ ਦੀਆਂ ਸ਼ਰਤਾਂ, ਮਾਲੀਆ ਅਤੇ ਮਾਲੀਏ ਦੀ ਦਰ, ਸਾਲ ਵਿੱਚ ਘੱਟੋ ਘੱਟ ਦੋ ਵਾਰ ਹੋਣੀ ਜ਼ਰੂਰੀ ਹੈ।
ਡਿਪਟੀ ਕਮਿਸ਼ਨਰ ਘਣਸ਼ਿਆਮ ਥੋਰੀ ਨੇ ਕਿਹਾ, “ਵੱਡੀ ਗਿਣਤੀ ਵਿੱਚ ਲੋਕਾਂ ਨੂੰ ਆਨਲਾਈਨ ਗਿਰਦਾਵਰੀ ਕਰਨ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ ਅਤੇ ਰਿਕਾਰਡ ਦਾ 56.26 ਪ੍ਰਤੀਸ਼ਤ ਅਪਡੇਟ ਕੀਤਾ ਗਿਆ ਹੈ ਜਦੋਂ ਕਿ ਬਾਕੀ ਦਾ ਰਿਕਾਰਡ ਨਿਰਧਾਰਤ ਸਮੇਂ ਦੇ ਅੰਦਰ ਆਨਲਾਈਨ ਕੀਤਾ ਜਾਵੇਗਾ।” ਥੋਰੀ ਨੇ ਦੱਸਿਆ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਇਸ ਕੰਮ ਨੂੰ ਨਿਰਧਾਰਤ ਸਮਾਂ ਸੀਮਾ ਵਿੱਚ ਮੁਕੰਮਲ ਕਰਨ ਨੂੰ ਯਕੀਨੀ ਬਣਾਉਣ ਲਈ ਦਿਨ ਰਾਤ ਕੰਮ ਕਰ ਰਿਹਾ ਹੈ ਤਾਂ ਜੋ ਕਿਸਾਨ ਭਾਈਚਾਰੇ ਨੂੰ ਮਾਲੀਆ ਰਿਕਾਰਡਾਂ ਦੇ ਡਿਜੀਟਾਈਜੇਸ਼ਨ ਦਾ ਲਾਭ ਮਿਲ ਸਕੇ।
ਉਨ੍ਹਾਂ ਅਧਿਕਾਰੀਆਂ ਨੂੰ ਕਿਹਾ ਕਿ ਇਸ ਕਾਰਜ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਢਿੱਲ ਬਹੁਤ ਹੀ ਗੈਰ ਵਾਜਬ ਹੈ ਅਤੇ ਇਸ ਨਾਲ ਭਾਰੀ ਹੱਥਾਂ ਨਾਲ ਨਜਿੱਠਿਆ ਜਾਵੇਗਾ। ਖਾਸ ਤੌਰ ‘ਤੇ, ਗਿਰਦਾਵਰੀ ਇੱਕ ਪ੍ਰਕਿਰਿਆ ਹੈ ਜਿਸ ਦੇ ਤਹਿਤ ਪਟਵਾਰੀਆਂ ਨੇ ਖੇਤਾਂ ਵਿੱਚ ਜਾਣ ਤੋਂ ਬਾਅਦ ਸ਼ਿਜਰਾ ਲਾਠਾ (ਕੱਪੜੇ ਦੇ ਇੱਕ ਟੁਕੜੇ ਤੇ ਖਿੱਚਿਆ ਨਕਸ਼ਾ) ਦੇ ਅਧਾਰ ‘ਤੇ ਫਸਲਾਂ ਦੇ ਰਿਕਾਰਡ ਤਿਆਰ ਕੀਤੇ।
