ਅਸਮਾਨੋਂ ਆਈ ਮੌਤ, 2 ਨੌਜਵਾਨਾਂ ‘ਤੇ ਡਿੱਗੀ ਬਿਜਲੀ, ਮੀਂਹ ਆਉਣ ‘ਤੇ ਖੜ੍ਹੇ ਸਨ ਰੁੱਖ ਹੇਠਾਂ

ਹਰਿਆਣਾ ਦੇ ਨਾਰਨੌਲ ਨੇੜਲੇ ਪਿੰਡ ਕਾਂਵੀ ਵਿੱਚ ਖੇਤਾਂ ਵਿੱਚ ਕੰਮ ਕਰਨ ਆਏ ਮਜ਼ਦੂਰਾਂ ’ਤੇ ਅਸਮਾਨੀ ਬਿਜਲੀ ਡਿੱਗ ਗਈ। ਇਸ ਵਿੱਚ ਉੱਤਰ ਪ੍ਰਦੇਸ਼ ਦੇ ਦੋ ਮਜ਼ਦੂਰਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਦੇ ਨਾਲ ਮੌਜੂਦ 2 ਸਾਲ ਦਾ ਬੱਚਾ ਝੁਲਸ ਗਿਆ ਪਰ ਉਸ ਦੀ ਜਾਨ ਬਚ ਗਈ। ਮ੍ਰਿਤਕਾਂ ਦੀ ਉਮਰ 20 ਅਤੇ 21 ਸਾਲ ਹੈ। ਮੀਂਹ ਪੈਣ ਤੋਂ ਬਾਅਦ ਉਹ ਦਰੱਖਤ ਹੇਠਾਂ ਖੜ੍ਹੇ ਸਨ।

ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਜ਼ਿਲ੍ਹੇ ਦੇ ਸਿਕੰਦਰਾਬਾਦ ਤੋਂ ਕਰੀਬ 12 ਤੋਂ 15 ਮਜ਼ਦੂਰ ਵਾਢੀ ਲਈ ਨੇੜਲੇ ਪਿੰਡ ਢਾਣੀ ਬਠੋਟਾ ਵਿਖੇ ਆਏ ਹੋਏ ਸਨ। ਇਹ ਲੋਕ ਨਾਲ ਲੱਗਦੀ ਕਾਂਵੀ ਵਿੱਚ ਕਣਕ ਦੀ ਫ਼ਸਲ ਦੀ ਕਟਾਈ ਕਰ ਰਹੇ ਸਨ। ਵਾਢੀ ਕਰਦੇ ਸਮੇਂ ਅਚਾਨਕ ਮੌਸਮ ਬਦਲ ਗਿਆ ਅਤੇ ਗਰਜ ਨਾਲ ਮੀਂਹ ਪੈਣਾ ਸ਼ੁਰੂ ਹੋ ਗਿਆ।

ਇਸ ਦੌਰਾਨ ਵਾਢੀ ਕਰਾਉਣ ਵਾਲਾ ਮਾਲਕ ਚਾਹ ਲੈ ਕੇ ਖੇਤ ਵਿੱਚ ਆਇਆ ਤਾਂ ਖੇਤ ਵਿੱਚ ਕੰਮ ਕਰ ਰਹੇ ਅਮਰਪਾਲ ਅਤੇ ਕਲਿਆਣ ਦੋਵੇਂ ਮੀਂਹ ਤੋਂ ਬਚਣ ਲਈ ਖੇਤ ਵਿੱਚ ਖੜ੍ਹੇ ਜਾਟੀ ਦੇ ਦਰੱਖਤ ਹੇਠਾਂ ਜਾ ਬੈਠੇ। ਦੀਪਾਂਸ਼ੂ ਨਾਂ ਦਾ 2 ਸਾਲ ਦਾ ਬੱਚਾ ਵੀ ਉਨ੍ਹਾਂ ਦੇ ਨਾਲ ਸੀ। ਇਸ ਦੌਰਾਨ ਦਰੱਖਤ ‘ਤੇ ਬਿਜਲੀ ਡਿੱਗ ਗਈ।

ਇਹ ਵੀ ਪੜ੍ਹੋ : ਸਿਰਸਾ : ਓਵਰਸਪੀਡ ਕਰਕੇ ਵਾਪਰਿਆ ਦਰਦਨਾਕ ਹਾਦਸਾ, ਪੰਜਾਬ ਦੇ 2 ਬੱਚਿਆਂ ਦੀ ਮਾਪਿਆਂ ਦੀ ਮੌਤ

ਇਸ ਦੀ ਲਪੇਟ ‘ਚ ਆਉਣ ਕਾਰਨ 20 ਸਾਲਾਂ ਅਮਰਪਾਲ ਅਤੇ 21 ਸਾਲਾ ਕਲਿਆਣ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। 2 ਸਾਲਾਂ ਦੀਪਾਂਸ਼ੂ ਨੂੰ ਵੀ ਮਾਮੂਲੀ ਝਰੀਟਾਂ ਆਈਆਂ। ਬਿਜਲੀ ਡਿੱਗਣ ਨਾਲ ਚੀਕ-ਚਿਹਾੜਾ ਪੈ ਗਿਆ। ਖੇਤ ਵਿੱਚ ਕੰਮ ਕਰਦੇ ਹੋਰ ਮਜ਼ਦੂਰਾਂ ਨੇ ਤੁਰੰਤ ਪਿੰਡ ਵਾਸੀਆਂ ਦੀ ਮਦਦ ਨਾਲ ਉਸ ਨੂੰ ਸਿਵਲ ਹਸਪਤਾਲ ਪਹੁੰਚਾਇਆ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “