ਮਹਾਰਾਸ਼ਟਰ ਦੇ ਛਤਰਪਤੀ ਸੰਭਾਜੀ ਨਗਰ (ਔਰੰਗਾਬਾਦ) ਜ਼ਿਲੇ ‘ਚ ਸੈਲਫੀ ਲੈਂਦੇ ਸਮੇਂ ਇਕ ਨੌਜਵਾਨ 2000 ਫੁੱਟ ਡੂੰਘੀ ਖੱਡ ‘ਚ ਡਿੱਗ ਗਿਆ। ਇਹ ਹਾਦਸਾ ਉਦੋਂ ਵਾਪਰਿਆ ਜਦੋਂ ਉਹ ਅਜੰਤਾ ਗੁਫਾਵਾਂ ਦੇ ਸਾਹਮਣੇ ਵਿਊ ਪੁਆਇੰਟ ‘ਤੇ ਪਹੁੰਚਿਆ, ਜਿੱਥੇ ਉਸਦਾ ਪੈਰ ਫਿਸਲ ਗਿਆ।
ਇਹ ਘਟਨਾ ਐਤਵਾਰ ਦੁਪਹਿਰ ਦੀ ਹੈ। ਘਟਨਾ ਤੋਂ ਬਾਅਦ ਪੁਲਿਸ ਅਤੇ ਪੁਰਾਤੱਤਵ ਵਿਭਾਗ ਦੇ ਕਰਮਚਾਰੀਆਂ ਨੇ ਨੌਜਵਾਨ ਦੀ ਜਾਨ ਬਚਾਈ। ਖਾਈ ਵਿੱਚ ਡਿੱਗਣ ਵਾਲੇ ਨੌਜਵਾਨ ਦੀ ਪਛਾਣ ਗੋਪਾਲ ਪੁੰਡਲਿਕ ਚਵਾਨ ਵਾਸੀ ਸੋਇਗਾਓਂ ਵਜੋਂ ਹੋਈ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਇਹ ਨੌਜਵਾਨ ਜਲਗਾਓਂ ਜ਼ਿਲ੍ਹੇ ਤੋਂ ਆਪਣੇ ਚਾਰ ਦੋਸਤਾਂ ਨਾਲ ਗੁਫਾਵਾਂ ਦੇ ਦਰਸ਼ਨਾਂ ਲਈ ਆਇਆ ਸੀ। ਸਵੇਰੇ ਅਜੰਤਾ ਗੁਫਾਵਾਂ ਵੇਖਣ ਮਗਰੋਂ ਉਹ ਇੱਕ ਦੋਸਤ ਨਾਲ ਸੈਲਫੀ ਲੈਣ ਲਈ ਸਪਤ ਕੁੰਡ ਝਰਨੇ ‘ਤੇ ਗਿਆ।
ਇਸ ਵਾਰ ਸੈਲਫੀ ਲੈਂਦੇ ਸਮੇਂ ਉਹ ਦੋ ਹਜ਼ਾਰ ਫੁੱਟ ਡੂੰਘੇ ਸਪਤ ਕੁੰਡ ਵਿੱਚ ਡਿੱਗ ਗਿਆ, ਕਿਉਂਕਿ ਉਹ ਤੈਰ ਸਕਦਾ ਸੀ, ਉਸ ਨੇ ਕਿਸੇ ਤਰ੍ਹਾਂ ਇੱਕ ਕੰਢੇ ਨੂੰ ਫੜ ਲਿਆ ਅਤੇ ਪੱਥਰ ਨੂੰ ਫੜ ਕੇ ਆਪਣੀ ਜਾਨ ਬਚਾਈ।
ਇਹ ਵੀ ਪੜ੍ਹੋ : ਮਾਨ ਸਰਕਾਰ ਦੀ ਵੱਡੀ ਪ੍ਰਾਪਤੀ, ਸਰਕਾਰੀ ਸਕੂਲਾਂ ‘ਚ ਪ੍ਰੀ-ਪ੍ਰਾਇਮਰੀ ਤੇ ਪ੍ਰਾਇਮਰੀ ਵਿੱਚ 1.70 ਲੱਖ ਬੱਚੇ ਹੋਏ ਦਾਖ਼ਲ
ਖਾਈ ਵਿੱਚ ਡਿੱਗਣ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਬਚਾਅ ਟੀਮ ਨੂੰ ਘਟਨਾ ਦੀ ਸੂਚਨਾ ਦਿੱਤੀ। ਟੀਮ ਨੇ ਨੌਜਵਾਨ ਨੂੰ ਰੱਸੀ ਦੀ ਮਦਦ ਨਾਲ ਸੁਰੱਖਿਅਤ ਬਾਹਰ ਕੱਢ ਲਿਆ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
