ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ ਵਿੱਚ ਨੱਚਦੇ ਸਮੇਂ ਇੱਕ ਬੰਦੇ ਦੀ ਅਚਾਨਕ ਮੌਤ ਹੋ ਗਈ। ਇਸ ਘਟਨਾ ਦੀ ਵੀਡੀਓ ਹੁਣ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਦੂਜੇ ਪਾਸੇ ਇਸ ਵੀਡੀਓ ‘ਚ ਵਿਅਕਤੀ ਦੀ ਅਚਾਨਕ ਹੋਈ ਮੌਤ ਨੂੰ ਦੇਖ ਕੇ ਯੂਜ਼ਰਸ ਡਰ ਗਏ ਹਨ।
ਰਾਮਨਗਰੀ ਵਿੱਚ ਦਿਲਸ਼ਾਦ ਦੇ ਦਿਲ ਨੇ ਉਸਨੂੰ ਧੋਖਾ ਦਿੱਤਾ। ਚਾਰੇ ਪਾਸੇ ਖੁਸ਼ੀ ਦਾ ਮਾਹੌਲ ਸੀ। ਹਰ ਕੋਈ ਗਾ ਰਿਹਾ ਸੀ ਅਤੇ ਨੱਚ ਰਿਹਾ ਸੀ। ਫਿਰ ਅਚਾਨਕ 45 ਸਾਲਾ ਦਿਲਸ਼ਾਦ ਦੇ ਦਿਲ ਦੀ ਧੜਕਣ ਬੰਦ ਹੋ ਗਈ। ਜਦੋਂ ਤੱਕ ਕੋਈ ਸਮਝ ਕੇ ਕੁਝ ਕਰ ਸਕਦਾ ਸੀ, ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ ਅਤੇ ਦਿਲਸ਼ਾਦ ਦਾ ਸਾਹ ਰੁਕ ਚੁੱਕਾ ਸੀ।
ਮਾਮਲਾ ਅਯੁੱਧਿਆ ਜ਼ਿਲੇ ਦੇ ਪਤਰੰਗ ਥਾਣਾ ਖੇਤਰ ਦੇ ਪਿੰਡ ਪੈਗੰਬਰ ਨਗਰ ਦਾ ਹੈ। ਜਿੱਥੇ ਦਿਲਸ਼ਾਦ ਵੀ ਗੁਆਂਢ ਵਿੱਚ ਇੱਕ ਵਿਆਹ ਸਮਾਗਮ ਤੋਂ ਪਹਿਲਾਂ ਜਸ਼ਨ ਵਿੱਚ ਗੁਆਂਢੀ ਵਜੋਂ ਸ਼ਾਮਲ ਹੋਇਆ। ਗਾਣਾ-ਵਜਾਣਾ ਚੱਲ ਰਿਹਾ ਸੀ। ਵੀਡੀਓ ‘ਚ ਦਿਲਸ਼ਾਦ ‘ਖਾਈ ਕੇ ਪਾਨ ਬਨਾਰਸ ਵਾਲਾ’ ਗੀਤ ‘ਤੇ ਡਾਂਸ ਕਰ ਰਿਹਾ ਸੀ ਪਰ ਅਗਲੇ ਹੀ ਪਲ ਦਿਲਸ਼ਾਦ ਬੇਹੋਸ਼ੀ ਦੀ ਹਾਲਤ ‘ਚ ਜ਼ਮੀਨ ‘ਤੇ ਡਿੱਗ ਪਿਆ।
ਜਿਵੇਂ ਹੀ ਦਿਲਸ਼ਾਦ ਡਿੱਗਿਆ, ਲੋਕਾਂ ਨੂੰ ਕੁਝ ਸਮਝ ਨਾ ਆਇਆ, ਜਿਸ ਤੋਂ ਬਾਅਦ ਕੁਝ ਲੋਕ ਦਿਲਸ਼ਾਦ ਵੱਲ ਭੱਜੇ ਅਤੇ ਉਸ ਨੂੰ ਚੁੱਕਣ ਦੀ ਕੋਸ਼ਿਸ਼ ਕੀਤੀ। ਉਸ ‘ਤੇ ਪਾਣੀ ਦਾ ਛਿੜਕਿਆ ਪਰ ਦਿਲਸ਼ਾਦ ਨੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ। ਇਸ ਤੋਂ ਬਾਅਦ ਹਰ ਕੋਈ ਦਿਲਸ਼ਾਦ ਨੂੰ ਲੈ ਕੇ ਕਾਹਲੀ ਨਾਲ ਸੀਐਚਸੀ ਪਹੁੰਚ ਗਿਆ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਇਹ ਵੀ ਪੜ੍ਹੋ : ਟਮਾਟਰਾਂ ਨੇ ਬੰਦੇ ਦੀ ਹੱਸਦੀ-ਖੇਡਦੀ ਜ਼ਿੰਦਗੀ ‘ਚ ਪਾਇਆ ‘ਭੜਥੂ’, ਘਰੋਂ ਤੁਰ ਗਈ ਪਤਨੀ, ਜਾਣੋ ਮਾਮਲਾ
ਦਿਲਸ਼ਾਦ ਦੇ ਬੇਟੇ ਦਾ ਵੀ 14 ਜੁਲਾਈ ਨੂੰ ਵਿਆਹ ਹੋ ਰਿਹਾ ਹੈ ਪਰ ਦਿਲਸ਼ਾਦ ਆਪਣੇ ਗੁਆਂਢੀ ਦੇ ਘਰ ਵਿਆਹ ਸਮਾਗਮ ‘ਚ ਸ਼ਾਮਲ ਹੋਇਆ ਸੀ ਅਤੇ ‘ਖਾਈ ਕੇ ਪਾਨ ਬਨਾਰਸ ਵਾਲੇ’ ਗੀਤ ‘ਤੇ ਡਾਂਸ ਕਰ ਰਿਹਾ ਸੀ ਜਦੋਂ ਉਹ ਅਚਾਨਕ ਬੇਹੋਸ਼ ਹੋ ਗਿਆ ਅਤੇ ਉਸ ਦੀ ਮੌਤ ਹੋ ਗਈ। ਦਿਲਸ਼ਾਦ ਅਤੇ ਉਸਦੇ ਗੁਆਂਢੀ ਤੋਂ ਲੈ ਕੇ ਪੂਰਾ ਪਿੰਡ ਇਸ ਮੌਤ ਨਾਲ ਸਦਮੇ ਵਿੱਚ ਹੈ। ਤਰ੍ਹਾਂ-ਤਰ੍ਹਾਂ ਦੀਆਂ ਚਰਚਾਵਾਂ ਹੋ ਰਹੀਆਂ ਹਨ, ਖੁਸ਼ੀ ਦਾ ਮਾਹੌਲ ਇਕਦਮ ਸੋਗ ਵਿਚ ਬਦਲ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
