ਜਿਊਂਦੇ ਚੀਤਿਆਂ ਅੱਗੇ ਦੁਸ਼ਮਣਾਂ ਨੂੰ ਸੁੱਟਦਾ ਸੀ ਮੈਕਸੀਕਨ ਮਾਫੀਆ, ਦਿੰਦਾ ਸੀ ਰੂਹ ਕੰਬਾਊ ਤਸੀਹੇ

ਐਲ ਚਾਪੋ ਦਾ ਪੁੱਤ ਜਿਸ ਨੂੰ ਮੈਕਸੀਕੋ ਦਾ ਡਰੱਗ ਲਾਰਡ ਕਿਹਾ ਜਾਂਦਾ ਹੈ, ਆਪਣੇ ਦੁਸ਼ਮਣਾਂ ਨੂੰ ਬੇਰਹਿਮੀ ਨਾਲ ਤਸੀਹੇ ਦਿੰਦਾ ਸੀ। ਇੰਨਾ ਹੀ ਨਹੀਂ ਦੁਸ਼ਮਣ ਜ਼ਿੰਦਾ ਹੋਵੇ ਜਾਂ ਮਰਿਆ ਹੋਵੇ, ਉਨ੍ਹਾਂ ਨੂੰ ਚੀਤਿਆਂ ਸਾਹਮਣੇ ਛੱਡ ਦਿੰਦਾ ਸੀ। ਇਹ ਖੁਲਾਸਾ ਅਮਰੀਕੀ ਨਿਆਂ ਵਿਭਾਗ ਨੇ ਕੀਤਾ ਹੈ।

ਅਮਰੀਕੀ ਨਿਆਂ ਵਿਭਾਗ ਦੀ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ – ਓਵੀਡਿਓ ਗੁਜ਼ਮੈਨ-ਲੋਪੇਜ਼, ਜੀਸਸ ਅਲਫਰੇਡੋ ਗੁਜ਼ਮੈਨ ਸਲਾਜ਼ਾਰ ਅਤੇ ਇਵਾਨ ਆਰਚੀਵਾਲਡੋ ਗੁਜ਼ਮੈਨ ਸਲਾਜ਼ਾਰ ਆਪਣੇ ਦੁਸ਼ਮਣਾਂ ਨੂੰ ਕਈ ਦਿਨਾਂ ਤੱਕ ਬੰਧਕ ਬਣਾ ਕੇ ਰੱਖਦੇ ਸਨ। ਉਨ੍ਹਾਂ ਨੂੰ ਬਿਜਲੀ ਦੇ ਝਟਕੇ ਦੇ ਕੇ ਟਾਰਚਰ ਕਰਦੇ ਸਨ।

ਰਿਪੋਰਟ ‘ਚ ਦੋਸ਼ ਲਾਇਆ ਗਿਆ ਹੈ ਕਿ ਇਵਾਨ ਆਰਚੀਵਾਲਡੋ ਨੇ ਦੁਸ਼ਮਣ ਦੇ ਹੱਥ ‘ਚ ਸਕ੍ਰਿਊਡ੍ਰਾਈਵਰ ਪਾ ਕੇ ਉਸ ‘ਤੇ ਦੋ ਘੰਟੇ ਟਾਰਚਰ ਕੀਤਾ ਸੀ। ਇਸ ਤੋਂ ਬਾਅਦ ਉਸ ਦੀਆਂ ਮਾਸਪੇਸ਼ੀਆਂ ਕੱਢ ਦਿੱਤੀਆਂ ਗਈਆਂ। ਫਿਰ ਇਸ ਜ਼ਖ਼ਮ ਵਿਚ ਮਿਰਚ ਭਰੀਆਂ। ਅੰਤ ਵਿੱਚ ਉਸ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ.

ਓਵੀਡੀਓ ਨੂੰ 5 ਜਨਵਰੀ ਨੂੰ ਸਿਨਾਲੋਆ ਰਾਜ ਦੇ ਕੁਲਿਆਕਨ ਸ਼ਹਿਰ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ। ਰਿਪੋਰਟ ਮੁਤਾਬਕ ਪਿਛਲੇ ਹਫ਼ਤੇ, ਉਸ ‘ਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦਾ ਦੋਸ਼ ਲਗਾਇਆ ਗਿਆ ਸੀ। ਇਸ ਤੋਂ ਬਾਅਦ ਹੀ ਅਮਰੀਕੀ ਨਿਆਂ ਵਿਭਾਗ ਦੀ ਰਿਪੋਰਟ ਸਾਹਮਣੇ ਆਈ ਹੈ।

ਓਵੀਡੀਓ ਨੂੰ ਵੀ 2019 ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ, ਪਰ ਗਿਰੋਹ ਦੇ ਮੈਂਬਰਾਂ ਨੇ ਹਿੰਸਾ ਭੜਕਾਉਣ ਦੀ ਧਮਕੀ ਦੇਣ ਤੋਂ ਬਾਅਦ ਰਿਹਾਅ ਕੀਤਾ ਗਿਆ ਸੀ। ਉਸੇ ਵੇਲੇ 5 ਜਨਵਰੀ ਤੋਂ ਬਾਅਦ ਸਿਨਾਲੋਆ ਰਾਜ ਵਿੱਚ ਦੰਗੇ ਭੜਕ ਗਏ। 19 ਦੰਗਾਕਾਰੀ ਅਤੇ 10 ਸੁਰੱਖਿਆ ਕਰਮਚਾਰੀ ਮਾਰੇ ਗਏ ਸਨ। 21 ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।

ਦਸੰਬਰ 2022 ਵਿੱਚ ਅਮਰੀਕਾ ਨੇ ਓਵੀਡੀਓ ਅਤੇ ਉਸਦੇ ਭਰਾਵਾਂ ਬਾਰੇ ਜਾਣਕਾਰੀ ਦੇਣ ਵਾਲੇ ਵਿਅਕਤੀ ਨੂੰ 5 ਮਿਲੀਅਨ ਡਾਲਰ ਜਾਂ 41.3 ਕਰੋੜ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਸੀ। ਅਮਰੀਕੀ ਵਿਦੇਸ਼ ਵਿਭਾਗ ਮੁਤਾਬਕ ਓਵੀਡੀਓ ਅਤੇ ਉਸਦੇ ਭਰਾ ਸਿਨਾਲੋਆ ਵਿੱਚ 11 ਮੇਥਾਮਫੇਟਾਮਾਈਨ ਲੈਬ ਚਲਾਉਂਦੇ ਹਨ, ਜਿੱਥੇ ਹਰ ਮਹੀਨੇ 1,300 ਤੋਂ 2,200 ਕਿਲੋ ਨਸ਼ੇ ਪੈਦਾ ਹੁੰਦੇ ਹਨ।

32 ਸਾਲਾਂ ਓਵੀਡਿਓ ਡਰੱਗ ਤਸਕਰੀ ਦੀ ਦੁਨੀਆ ‘ਚ ‘ਦ ਮਾਊਸ’ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਆਪਣੇ ਭਰਾਵਾਂ ਨਾਲ ਮਿਲ ਕੇ, ਉਹ ਪਿਤਾ ਐਲ ਚਾਪੋ ਦੇ ਡਰੱਗ ਨੈਟਵਰਕ ਨੂੰ ਚਲਾਉਂਦਾ ਹੈ। ਇਹ ਦੁਨੀਆ ਦੇ ਸਭ ਤੋਂ ਵੱਡੇ ਡਰੱਗ ਨੈੱਟਵਰਕਾਂ ਵਿੱਚ ਗਿਣਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ : ‘ਭੁੱਖੇ ਰਹਿ ਕੇ ਦਫ਼ਨ ਹੋਣ ਨਾਲ ਸਵਰਗ ਮਿਲੇਗਾ’- ਪਾਦਰੀ ਦੇ ਕਹਿਣ ‘ਤੇ 29 ਲੋਕਾਂ ਨੇ ਦਿੱਤੀ ਜਾਨ

ਐਲ ਚਾਪੋ ਮੈਕਸੀਕੋ ਵਿੱਚ ਡਰੱਗ ਕਾਰਟੈਲ ਚਲਾਉਂਦਾ ਸੀ। ਉਹ ਅਮਰੀਕਾ ਵਿੱਚ ਸੈਂਕੜੇ ਟਨ ਕੋਕੀਨ ਦੀ ਸਪਲਾਈ ਕਰਦਾ ਸੀ। ਉਹ ਆਪਣੇ ਨੈੱਟਵਰਕ ਰਾਹੀਂ ਹੈਰੋਇਨ, ਗਾਂਜਾ ਅਤੇ ਮੇਥਾਮਫੇਟਾਮਾਈਨ ਲੋਕਾਂ ਤੱਕ ਪਹੁੰਚਾਉਂਦਾ ਸੀ। ਏਲ ਚਾਪੋ ਨੇ ਨਸ਼ੀਲੇ ਪਦਾਰਥਾਂ ਦੇ ਵਪਾਰ ਤੋਂ ਬੇਸ਼ੁਮਾਰ ਦੌਲਤ ਕਮਾਈ। 2009 ਵਿੱਚ, ਉਹ ਦੁਨੀਆ ਦੇ 1000 ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ। ਉਸ ਕੋਲ 8,277 ਕਰੋੜ ਰੁਪਏ ($ 1 ਬਿਲੀਅਨ) ਦੀ ਜਾਇਦਾਦ ਹੋਣ ਦਾ ਅਨੁਮਾਨ ਸੀ।

65 ਸਾਲਾ ਐਲ ਚਾਪੋ ਇਸ ਸਮੇਂ ਅਮਰੀਕਾ ਦੀ ਜੇਲ੍ਹ ਵਿੱਚ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਹੈ। ਉਸ ਨੂੰ 2019 ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਅਤੇ ਮਨੀ ਲਾਂਡਰਿੰਗ ਸਮੇਤ 10 ਮਾਮਲਿਆਂ ਵਿੱਚ ਦੋਸ਼ੀ ਠਹਿਰਾਇਆ ਗਿਆ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “