ਉੱਤਰ ਪ੍ਰਦੇਸ਼ ਦੇ ਲਲਿਤਪੁਰ ਜ਼ਿਲ੍ਹੇ ਵਿੱਚ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਹਰ ਰੋਜ਼ ਪਿੰਡ ਦੇ ਇੱਕ ਘਰ ‘ਚ ਅੱਗ ਲੱਗ ਰਹੀ ਹੈ। ਕਈ ਵਾਰ ਘਰ ਦੇ ਕੱਪੜੇ ਸੜਨ ਲੱਗਦੇ ਹਨ ਅਤੇ ਕਦੇ ਅਚਾਨਕ ਧੂੰਏਂ ਨਾਲ ਘਰ ਵਿੱਚ ਰੱਖੀਆਂ ਹੋਰ ਚੀਜ਼ਾਂ ਸੜਨ ਲੱਗਦੀਆਂ ਹਨ। ਹੁਣ ਤੱਕ ਟੀ.ਵੀ., ਫਰਿੱਜ਼ ਸਣੇ ਬਹੁਤ ਸਾਰਾ ਸਾਮਾਨ ਸੜ ਚੁੱਕਾ ਹੈ। ਇਹ ਸਿਲਸਿਲਾ ਕਰੀਬ 15 ਦਿਨਾਂ ਤੋਂ ਘਰ ਦੇ ਅੰਦਰ ਚੱਲ ਰਿਹਾ ਹੈ। ਅੱਗ ਕਿਵੇਂ ਲੱਗਦੀ ਹੈ, ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਇਸ ਕਾਰਨ ਜਿੱਥੇ ਪਰਿਵਾਰ ਦਾ ਮਾਲੀ ਨੁਕਸਾਨ ਹੋ ਰਿਹਾ ਹੈ, ਉੱਥੇ ਹੀ ਘਰ ਦੇ ਲੋਕ ਵੀ ਦਹਿਸ਼ਤ ਵਿੱਚ ਹਨ।
ਇਹ ਕੋਈ ਅਦਿੱਖ ਸ਼ਕਤੀ ਹੈ, ਜਾਂ ਭੂਤ ਦਾ ਪਰਛਾਵਾਂ ਹੈ! ਇਹ ਕੋਈ ਨਹੀਂ ਜਾਣਦਾ। ਬਸ ਇਸ ਘਰ ‘ਚ ਰਹਿਣ ਵਾਲੇ ਲੋਕ ਡਰ ਵਿ4ਚ ਜੀਅ ਰਹੇ ਹਨ। ਇਹ ਅੱਗ ਦਾ ਡਰ ਹੈ। ਦੋ ਮੰਜ਼ਿਲਾ ਘਰ ਦੇ ਅੰਦਰ ਕਿਤੇ ਵੀ ਅੱਗ ਲੱਗ ਜਾਂਦੀ ਹੈ। ਪਰਿਵਾਰ ਦੇ ਹਰੇਕ ਮੈਂਬਰ ਦੇ ਕੱਪੜੇ ਸੜ ਚੁੱਕੇ ਹਨ। ਟੀਵੀ, ਫਰਿੱਜ ਸਭ ਸੜ ਚੁੱਕਾ ਹੈ।
ਇਹ ਵੀ ਪੜ੍ਹੋ : ‘ਵਿਰੋਧੀਆਂ ਨੂੰ ਸੀਕ੍ਰੇਟ ਵਰਦਾਨ ਮਿਲਿਐ…’ PM ਮੋਦੀ ਦੀ ਇਸ ਗੱਲ ‘ਤੇ ਸੰਸਦ ‘ਚ ਖਿੜ-ਖਿੜ ਹੱਸ ਪਏ ਸਾਰੇ
ਮਦਾਵਾੜਾ ਖੇਤਰ ਅਧੀਨ ਪੈਂਦੇ ਪਿੰਡ ਪਰੌਲ ਦੇ ਰਹਿਣ ਵਾਲੇ ਰਾਜਪਾਲ ਲੋਧੀ ਦਾ ਘਰ ਪੂਰੇ ਪਿੰਡ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਹ ਕੋਈ ਹੈਰਾਨੀ ਦੀ ਗੱਲ ਨਹੀਂ ਸੀ ਜੇ ਇਹ ਇੱਕ ਦਿਨ ਹੁੰਦਾ। ਪਰ ਰਾਜਪਾਲ ਦੇ ਘਰ ਹਰ ਰੋਜ਼ ਅੱਗ ਲੱਗ ਰਹੀ ਹੈ। 15 ਦਿਨਾਂ ਤੋਂ ਪਰਿਵਾਰਕ ਮੈਂਬਰ ਇਸ ਗੱਲ ਦੀ ਜਾਂਚ ਕਰ ਰਹੇ ਹਨ ਕਿ ਅੱਗ ਕਿਸ ਨੇ ਲਗਾਈ, ਕਿਵੇਂ ਲੱਗੀ। ਪਰ ਇਹ ਅੱਗ ਅਜਿਹੀ ਅਣਸੁਲਝੀ ਬੁਝਾਰਤ ਬਣ ਗਈ ਹੈ, ਜਿਸ ਕਾਰਨ ਪਰਿਵਾਰ ਦੀਆਂ ਮੁਸ਼ਕਿਲਾਂ ਵਧ ਗਈਆਂ ਹਨ।
ਇਸ ਘਰ ਦੇ ਲੋਕ ਰਾਤ ਨੂੰ ਸੌਂ ਨਹੀਂ ਸਕਦੇ। ਪਾਉਣ ਲਈ ਸਾਰੇ ਕੱਪੜੇ ਸੜ ਗਏ ਹਨ। ਘਰ ਦੀ ਤੂੜੀ ਸੜ ਗਈ ਹੈ। ਟੀ.ਵੀ., ਫਰਿੱਜ ਅਤੇ ਹੋਰ ਸਮਾਨ ਸੜ ਗਿਆ। ਪਰਿਵਾਰ ਦੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਹੈ। ਇਸ ਦੇ ਨਾਲ ਹੀ ਅੱਗ ਲਾਉਣ ਵਾਲਾ ਵੀ ਨਜ਼ਰ ਨਹੀਂ ਆ ਰਿਹਾ ਹੈ। ਇਸ ਕਰਕੇ ਘਰ ਦੇ ਲੋਕ ਪੁਲਿਸ ਕੋਲ ਵੀ ਨਹੀਂ ਜਾ ਸਕਦੇ। ਇਸ ਵੇਲੇ ਦੁਖੀ ਪਰਿਵਾਰਕ ਮੈਂਬਰ ਪੂਜਾ-ਪਾਠ ਨਾਲ ਅੱਗ ਲੱਗਣ ਦੀਆਂ ਘਟਨਾਵਾਂ ਨੂੰ ਰੋਕਣ ਬਾਰੇ ਸੋਚ ਰਹੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
