ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਏਲੀਅਨਾਂ ਸਣੇ ਬ੍ਰਹਿਮੰਡ ਦੇ ਰਹੱਸਾਂ ਨੂੰ ਜਾਣਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਦੇ ਲਈ ਨਾਸਾ ਨੇ ਹਾਲ ਹੀ ‘ਚ ਜੇਮਸ ਵੈੱਬ ਸਪੇਸ ਟੈਲੀਸਕੋਪ ਲਾਂਚ ਕੀਤਾ ਹੈ, ਜੋ ਬ੍ਰਹਿਮੰਡ ਦੇ ਰਹੱਸਾਂ ਤੋਂ ਪਰਦਾ ਚੁੱਕੇਗਾ। ਨਾਸਾ ਕਈ ਸਾਲਾਂ ਤੋਂ ਏਲੀਅਨਾਂ ਦੇ ਰਹੱਸਾਂ ਨੂੰ ਜਾਣਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਪਰ ਅਜੇ ਤੱਕ ਇਸ ਨੂੰ ਸਫਲਤਾ ਨਹੀਂ ਮਿਲੀ ਹੈ। ਹੁਣ ਇਸ ਦੌਰਾਨ ਅਮਰੀਕੀ ਪੁਲਾੜ ਏਜੰਸੀ ਨੇ ਵੱਡਾ ਫੈਸਲਾ ਲਿਆ ਹੈ।
ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਹੁਣ ਏਲੀਅਨਾਂ ਦੇ ਰਹੱਸਾਂ ਨੂੰ ਜਾਣਨ ਲਈ ਪੁਜਾਰੀਆਂ ਦੀ ਭਰਤੀ ਕਰਨ ਜਾ ਰਹੀ ਹੈ। ਨਾਸਾ ਹੁਣ ਏਲੀਅਨਾਂ ਨਾਲ ਸੰਪਰਕ ਕਰਨ ਲਈ ਪੁਜਾਰੀਆਂ ਦੀ ਮਦਦ ਲਵੇਗਾ। ਪੁਜਾਰੀ ਮਨੁੱਖਤਾ ਨੂੰ ਏਲੀਅਨ ਨਾਲ ਸੰਪਰਕ ਕਰਨ ਵਿੱਚ ਮਦਦ ਕਰਨਗੇ। ਦੁਨੀਆ ਭਰ ਵਿੱਚ ਏਲੀਅਨਜ਼ ਬਾਰੇ ਵੱਖ-ਵੱਖ ਦਾਅਵੇ ਕੀਤੇ ਜਾਂਦੇ ਹਨ। ਕਈ ਵਾਰ ਲੋਕਾਂ ਨੇ ਏਲੀਅਨ ਅਤੇ ਯੂਐੱਫਓ ਦੇਖਣ ਦਾ ਦਾਅਵਾ ਕੀਤਾ ਹੈ। ਪਰ ਕਿਸੇ ਕੋਲ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਕੀ ਬ੍ਰਹਿਮੰਡ ਵਿੱਚ ਅਸਲ ‘ਚ ਏਲੀਅਨ ਹਨ ਜਾਂ ਨਹੀਂ। ਇਸ ਲਈ ਏਲੀਅਨਸ ਦੀ ਹੋਂਦ ਨੂੰ ਲੈ ਕੇ ਅਜੇ ਵੀ ਰਹੱਸ ਬਣਿਆ ਹੋਇਆ ਹੈ।
ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਬ੍ਰਹਿਮੰਡ ਵਿੱਚ ਯਕੀਨੀ ਤੌਰ ‘ਤੇ ਏਲੀਅਨ ਹਨ। ਇਸੇ ਲਈ ਉਹ ਇਸ ਮਾਮਲੇ ਲਈ ਗੰਭੀਰ ਹੈ ਅਤੇ ਨਾਸਾ ਵੀ ਏਲੀਅਨਾਂ ਦੇ ਭੇਤ ਜਾਣਨ ਲਈ ਗੰਭੀਰ ਹੈ। ਨਾਸਾ ਦੇ ਵੱਡੇ ਵਿਗਿਆਨੀ ਏਲੀਅਨ ਅਤੇ ਯੂਐੱਫਓ ਦੇ ਰਹੱਸ ਖੋਲ੍ਹਣ ਵਿੱਚ ਲੱਗੇ ਹੋਏ ਹਨ। ਹੁਣ ਪੁਜਾਰੀ ਅਰਥਾਤ ਧਰਮ ਸ਼ਾਸਤਰੀ ਇਨ੍ਹਾਂ ਰਹੱਸਾਂ ਨੂੰ ਖੋਲ੍ਹਣ ਵਿਚ ਵਿਗਿਆਨੀਆਂ ਦੀ ਮਦਦ ਕਰਨਗੇ।
ਹੁਣ ਤੁਹਾਡੇ ਮਨ ਵਿੱਚ ਇਹ ਸਵਾਲ ਜ਼ਰੂਰ ਉੱਠ ਰਿਹਾ ਹੋਵੇਗਾ ਕਿ ਕੀ ਇਨ੍ਹਾਂ ਪੁਜਾਰੀਆਂ ਨੂੰ ਪੁਲਾੜ ਵਿੱਚ ਭੇਜਿਆ ਜਾਵੇਗਾ, ਤਾਂ ਅਜਿਹਾ ਬਿਲਕੁਲ ਨਹੀਂ ਹੈ। ਏਲੀਅਨਜ਼ ਦੇ ਰਹੱਸ ਖੋਲ੍ਹਣ ਲਈ ਨਾਸਾ 24 ਪੁਜਾਰੀਆਂ ਦੀ ਮਦਦ ਲਵੇਗਾ। ਅਮਰੀਕੀ ਪੁਲਾੜ ਏਜੰਸੀ ਜਾਣਨਾ ਚਾਹੁੰਦੀ ਹੈ ਕਿ ਕਿਸੇ ਹੋਰ ਗ੍ਰਹਿ ‘ਤੇ ਜੀਵਨ ਮਿਲਣ ਤੋਂ ਬਾਅਦ ਵੱਖ-ਵੱਖ ਧਰਮਾਂ ਦੇ ਲੋਕਾਂ ਦੀ ਪ੍ਰਤੀਕਿਰਿਆ ਕੀ ਹੋਵੇਗੀ?
ਮੀਡੀਆ ਰਿਪੋਰਟਾਂ ਮੁਤਾਬਕ ਏਲੀਅਨ ਹੰਟਿੰਗ ਮਿਸ਼ਨ ‘ਚ 24 ਧਰਮ ਸ਼ਾਸਤਰੀ ਸ਼ਾਮਲ ਹੋਣਗੇ। ਬ੍ਰਿਟੇਨ ਦੇ ਮਸ਼ਹੂਰ ਪਾਦਰੀ ਡਾਕਟਰ ਐਂਡਰਿਊ ਡੇਵਿਸਨ ਇਸ ਮਿਸ਼ਨ ਦਾ ਹਿੱਸਾ ਹਨ। ਕਿਸੇ ਹੋਰ ਗ੍ਰਹਿ ‘ਤੇ ਜੀਵਨ ਦੀ ਖੋਜ ਭਗਵਾਨ ਤੇ ਜੀਵਨ ਦੀ ਉਤਪੱਤੀ ਬਾਰੇ ਲੋਕਾਂ ਦੀ ਸੋਚ ਨੂੰ ਕਿਵੇਂ ਪ੍ਰਭਾਵਤ ਕਰੇਗੀ? ਨਾਸਾ ਇਸ ਸਵਾਲ ਦਾ ਜਵਾਬ ਜਾਣਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”
ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਧਰਤੀ ਤੋਂ ਇਲਾਵਾ ਕਿਸੇ ਹੋਰ ਗ੍ਰਹਿ ‘ਤੇ ਜੀਵਨ ਕਿਉਂ ਨਹੀਂ ਹੋ ਸਕਦਾ। ਇਸੇ ਲਈ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਏਲੀਅਨਾਂ ਨੂੰ ਲੱਭਣ ਅਤੇ ਉਨ੍ਹਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਨਾਸਾ ਨੂੰ ਇਸ ਕੰਮ ‘ਚ ਕਿੰਨੀ ਸਫਲਤਾ ਮਿਲਦੀ ਹੈ।
