ਬ੍ਰਿਟੇਨ ਦੇ ਮੈਨਚੈਸਟਰ ਕਰਾਊਨ ਕੋਰਟ ਨੇ 7 ਬੱਚਿਆਂ ਦੀ ਜਾਨ ਲੈਣ ਵਾਲੀ ਨਰਸ ਨੂੰ ਉਮਰਕੈਦ ਸੁਣਾਈ ਹੈ।ਇਸ ਨਰਸ ਦਾ ਨਾਂ ਲੂਸੀ ਲੇਟਬੀ ਹੈ। ਕੋਰਟ ਦੀ ਕਾਰਵਾਈ ਸ਼ੁਰੂ ਹੋਣ ‘ਤੇ ਜੱਜ ਜਸਟਿਸ ਗਾਸ ਨੇ ਕਿਹਾ ਕਿ ਲੇਟਬੀ ਨੇ ਅਦਾਲਤ ਆਉਣ ਤੋਂ ਇਨਕਾਰ ਕਰ ਦਿੱਤਾ ਹੈ ਲਿਹਾਜ਼ਾ ਉਸ ਦੀ ਗੈਰ-ਮੌਜੂਦਗੀ ਵਿਚ ਹੀ ਸਜ਼ਾ ਦਾ ਐਲਾਨ ਕੀਤਾ ਗਿਆ।
ਲੇਟਬੀ ਨੂੰ ਕਾਊਟੈਂਸ ਆਫ ਚੈਸਟਰ ਹਸਪਤਾਲ ਵਿਚ 7 ਬੱਚਿਆਂ ਦੇ ਕਤਲ ਦਾ ਦੋਸ਼ੀ ਪਾਇਆ ਗਿਆ ਹੈ। 7 ਬੱਚਿਆਂ ਨੂੰ ਉਸ ਨੇ ਵੱਖ-ਵੱਖ ਤਰੀਕੇ ਨਾਲ ਮਾਰਿਆ ਸੀ। ਇਸ ਤੋਂ ਇਲਾਵਾ 6 ਬੱਚਿਆਂ ਨੂੰ ਜਾਨ ਤੋਂ ਮਾਰਨ ਦੀ ਕੋਸ਼ਿਸ਼ ਦਾ ਦੋਸ਼ ਵੀ ਸਾਬਤ ਹੋਇਆ। ਸਾਰੀਆਂ ਘਟਨਾਵਾਂ ਜੂਨ 2015 ਤੋਂ ਜੂਨ 2016 ਵਿਚ ਅੰਜਾਮ ਦਿੱਤੀ ਗਈ। ਲੇਟਬੀ ਖਿਲਾਫ ਭਾਰਤੀ ਮੂਲ ਦੇ ਡਾਕਟਰ ਰਵੀ ਜੈਰਾਮ ਵੀ ਗਵਾਹ ਸਨ।
ਇਸ ਮਾਮਲੇ ਵਿਚ ਹੈਰਾਨੀ ਦੀ ਗੱਲ ਇਹ ਹੈ ਕਿ ਸਰਕਾਰੀ ਵਕੀਲ 9 ਮਹੀਨੇ ਚੱਲੀ ਸੁਣਵਾਈ ਵਿਚ ਪੁਖਤਾ ਤੌਰ ‘ਤੇ ਇਹ ਨਹੀਂ ਦੱਸ ਸਕੇ ਕਿ ਲੂਸੀ ਨੇ ਬੱਚਿਆਂ ਦੀ ਹੱਤਿਆ ਕਿਉਂ ਕੀਤੀ। ਹਾਲਾਂਕਿ ਕੁਝ ਦਾਅਵੇ ਜ਼ਰੂਰ ਕੀਤੇ ਗਏ ਪਰ ਕੋਰਟ ਦੇ ਫੈਸਲੇ ਵਿਚ ਇਨ੍ਹਾਂ ਦਾ ਜ਼ਿਕਰ ਨਹੀਂ ਹੈ।
ਜਸਟਿਸ ਨੇ ਕਿਹਾ ਕਿ ਤੁਸੀਂ ਜਿਸ ਤਰ੍ਹਾਂ ਤੋਂ ਕੰਮ ਕੀਤਾ ਉਹ ਬੱਚਿਆਂਦੇ ਪਾਲਣ-ਪੋਸ਼ਣ ਤੇ ਦੇਖਭਾਲ ਦੀ ਸਾਧਾਰਨ ਮਨੁੱਖੀ ਪ੍ਰਕਿਰਤੀ ਦੇ ਬਿਲਕੁਲ ਉਲਟ ਸੀ ਤੇ ਇਹ ਸਾਰੇ ਨਾਗਰਿਕਾਂ ਵੱਲੋਂ ਚਕਿਤਸਾ ਤੇ ਦੇਖਭਾਲ ਵਪਾਰ ਵਿਚ ਕੰਮ ਕਰਨ ਵਾਲੇ ਲੋਕਾਂ ‘ਤੇ ਰੱਖਣ ਵਾਲੇ ਵਿਸ਼ਵਾਸ ਦਾ ਉਲੰਘਣਾ ਸੀ।ਉਨ੍ਹਾਂ ਨੇ ਕਿਹਾ ਕਿ ਜਿਹੜੇ ਬੱਚਿਆਂ ਨੂੰ ਤੁਸੀਂ ਨੁਕਸਾਨ ਪਹੁੰਚਾਇਆ, ਉਹ ਸਮੇਂ ਤੋਂ ਪਹਿਲਾਂ ਪੈਦਾ ਹੋਏ ਸਨ ਤੇ ਕੁਝ ਦੇ ਜੀਵਨ ਨਾ ਰਹਿ ਸਕਣ ਦਾ ਖਤਰਾ ਸੀ ਪਰ ਹਰੇਕ ਮਾਮਲੇ ਵਿਚ ਤੁਸੀਂ ਜਾਣਬੁਝ ਕੇ ਉਨ੍ਹਾਂ ਨੂੰ ਨੁਕਸਾਨ ਪਹੁੰਚਾਇਆ, ਉਨ੍ਹਾਂ ਨੂੰ ਮਾਰਨ ਦਾ ਇਰਾਦਾ ਸੀ।
ਇਹ ਵੀ ਪੜ੍ਹੋ : ਹੁਮਸ ਖਤਮ ਕਰਨ ਲਈ AC ਨੂੰ ਵੀ ਮਾਤ ਦਿੰਦਾ ਹੈ ਇਹ ਛੋਟਾ ਜਿਹਾ ਡਿਵਾਈਸ, ਥੋੜ੍ਹੀ ਦੇਰ ‘ਚ ਕਮਰਾ ਹੋ ਜਾਵੇਗਾ ‘ਠੰਡਾ’
ਅਦਾਲਤ ਨੇ 10 ਮਹੀਨੇ ਦੀ ਸੁਣਵਾਈ ਦੇ ਬਾਅਦ ਨਰਸ ਨੂੰ 7 ਬੱਚਿਆਂ ਦੀ ਹੱਤਿਆ ਤੇ 6 ਦੀ ਹੱਤਿਆ ਦੀ ਕੋਸ਼ਿਸ਼ ਵਿਚ ਦੋਸ਼ੀ ਠਹਿਰਾਇਆ ਸੀ। ਬ੍ਰਿਟੇਨ ਵਿਚ ਪੈਦਾ ਹੋਏ ਭਾਰਤੀ ਮੂਲ ਦੇ ਡਾਕਟਰ ਰਵੀ ਜੈਰਾਮ ਨੇ ਹਤਿਆਰੀ ਨਰਸ ਨੂੰ ਫੜਵਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
