ਪਾਕਿਸਤਾਨ ਅੱਜਕਲ੍ਹ ਅਜੀਬ ਤ੍ਰਾਸਦੀ ਵਿੱਚੋਂ ਲੰਘ ਰਿਹਾ ਹੈ। ਇੱਕ ਪਾਸੇ ਇਹ ਆਪਣੇ ਲੋਕਾਂ ਲਈ ਲੋੜੀਂਦਾ ਅਨਾਜ ਪੈਦਾ ਨਹੀਂ ਕਰ ਪਾ ਰਹੇ ਹਨ, ਦੂਜੇ ਪਾਸੇ ਪਾਕਿਸਤਾਨ ਵਿੱਚ ਗਧਿਆਂ ਦੀ ਵਧਦੀ ਆਬਾਦੀ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ। ਹੁਣ ਪਾਕਿਸਤਾਨ ਆਪਣੀ ਆਰਥਿਕ ਹਾਲਤ ਸੁਧਾਰਨ ਲਈ ਇਨ੍ਹਾਂ ਗਧਿਆਂ ਦੀ ਮਦਦ ਲੈਣ ਜਾ ਰਿਹਾ ਹੈ।
ਪਾਕਿਸਤਾਨ ਇਨ੍ਹਾਂ ਗਧਿਆਂ ਨੂੰ ਚੀਨ ਨੂੰ ਵੇਚਣ ਦੀ ਯੋਜਨਾ ਬਣਾ ਰਿਹਾ ਹੈ। ਪਾਕਿਸਤਾਨ ਆਰਥਿਕ ਸਰਵੇਖਣ (ਪੀਈਐਸ) ਮੁਤਾਬਕ ਪਿਛਲੇ ਸਾਲ ਦੇ ਮੁਕਾਬਲੇ ਸਾਲ 2022-23 ਵਿੱਚ ਦੇਸ਼ ਵਿੱਚ ਗਧਿਆਂ ਦੀ ਗਿਣਤੀ 5.7 ਮਿਲੀਅਨ ਤੋਂ ਵੱਧ ਕੇ 5.8 ਮਿਲੀਅਨ ਹੋ ਗਈ ਹੈ। ਸਰਵੇਖਣ ਮੁਤਾਬਕ ਪਾਕਿਸਤਾਨ ਵਿੱਚ ਸਾਲ 2019-20 ਵਿੱਚ 5.5 ਮਿਲੀਅਨ ਗਧੇ ਸਨ, ਜਦੋਂ ਕਿ 2020-21 ਵਿੱਚ 5.6 ਮਿਲੀਅਨ ਗਧੇ ਸਨ।
ਦੁਨੀਆ ‘ਚ ਗਧਿਆਂ ਦੀ ਆਬਾਦੀ ਦੇ ਮਾਮਲੇ ‘ਚ ਪਾਕਿਸਤਾਨ ਤੀਜੇ ਨੰਬਰ ‘ਤੇ ਹੈ, ਜਦਕਿ ਚੀਨ ਪਹਿਲੇ ਨੰਬਰ ‘ਤੇ ਹੈ। ਪਿਛਲੇ ਦਿਨੀਂ ਚੀਨ ਨੇ ਗਧਿਆਂ ਦੀ ਦਰਾਮਦ ਲਈ ਪਾਕਿਸਤਾਨ ਨਾਲ ਸੰਪਰਕ ਕੀਤਾ ਸੀ। ਇਸ ਦਾ ਕਾਰਨ ਇਹ ਸੀ ਕਿ ਪਾਕਿਸਤਾਨ ‘ਚ ਮੰਗ ਬਹੁਤ ਜ਼ਿਆਦਾ ਹੈ। ਸਾਲ 2022 ‘ਚ ਪਾਕਿਸਤਾਨੀ ਅਖਬਾਰ ‘ਚ ਛਪੀ ਖਬਰ ਮੁਤਾਬਕ ਦੇਸ਼ ‘ਚ ਸਥਾਨਕ ਮੰਗ ਵਧਣ ਅਤੇ ਉਤਪਾਦਨ ਦੀ ਕਮੀ ਕਾਰਨ ਚੀਨ ਦੂਜੇ ਦੇਸ਼ਾਂ ਤੋਂ ਗਧੇ ਅਤੇ ਕੁੱਤਿਆਂ ਦੀ ਦਰਾਮਦ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਦਰਅਸਲ ਚੀਨ ਨੂੰ ਗਧਿਆਂ ਦੀ ਖੱਲ ਤੋਂ ਜੈਲੇਟਿਨ ਦੀ ਲੋੜ ਹੁੰਦੀ ਹੈ। ਉੱਥੇ ਇਹ ਰਵਾਇਤੀ ਚੀਨੀ ਦਵਾਈ ਦੇ ਨਿਰਮਾਣ ਲਈ ਵਰਤਿਆ ਜਾਂਦਾ ਹੈ। ਇਸ ਦੇ ਲਈ ਗਧਿਆਂ ਨੂੰ ਮਾਰਨ ਤੋਂ ਬਾਅਦ ਉਨ੍ਹਾਂ ਦੀ ਖੱਲ ਉਬਾਲੀ ਜਾਂਦੀ ਹੈ। 2019 ਵਿੱਚ ਗਾਰਡੀਅਨ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਜੈਲੇਟਿਨ ਵਿੱਚ ਅਜਿਹੇ ਗੁਣ ਹੁੰਦੇ ਹਨ ਜੋ ਇਮਿਊਨ ਸਿਸਟਮ ਨੂੰ ਵਧਾਉਂਦੇ ਹਨ। ਅਧਿਕਾਰੀਆਂ ਮੁਤਾਬਕ 2022 ‘ਚ ਚੀਨ ਨੇ ਪਾਕਿਸਤਾਨ ਤੋਂ ਗਧੇ ਅਤੇ ਕੁੱਤਿਆਂ ਦੀ ਦਰਾਮਦ ‘ਚ ਆਪਣੀ ਦਿਲਚਸਪੀ ਜ਼ਾਹਰ ਕੀਤੀ ਸੀ।
ਇਹ ਵੀ ਪੜ੍ਹੋ : ‘130 ਫੁੱਟ ਲੰਮੀ ਹੁੰਦੀ ਏ ਜੰਨਤ ਦੀ ਹੂਰ’, ਪਾਕਿਸਤਾਨੀ ਮੌਲਾਨਾ ਦਾ ਵੀਡੀਓ ਹੋ ਰਿਹਾ ਵਾਇਰਲ
ਪਾਕਿਸਤਾਨ ਦੇ ਵਣਜ ਮੰਤਰਾਲੇ ਅਤੇ ਸੈਨੇਟ ਦੀ ਸਥਾਈ ਕਮੇਟੀ ਦੇ ਅਧਿਕਾਰੀਆਂ ਵਿਚਕਾਰ 2022 ਵਿੱਚ ਆਯਾਤ ਅਤੇ ਨਿਰਯਾਤ ‘ਤੇ ਇੱਕ ਬ੍ਰੀਫਿੰਗ ਹੋਈ। ਇਸ ਵਿਚ ਚੀਨ ਨੇ ਪਾਕਿਸਤਾਨ ਤੋਂ ਗਧਿਆਂ ਦੇ ਨਾਲ-ਨਾਲ ਕੁੱਤਿਆਂ ਦੀ ਦਰਾਮਦ ਕਰਨ ਵਿਚ ਦਿਲਚਸਪੀ ਜ਼ਾਹਰ ਕੀਤੀ ਸੀ। ਇਸ ਦੇ ਲਈ ਪਾਕਿਸਤਾਨ ਸਰਕਾਰ ਨੇ ਪੰਜਾਬ ਸੂਬੇ ਦੇ ਓਕਾਰਾ ਜ਼ਿਲ੍ਹੇ ਵਿੱਚ 300 ਏਕੜ ਦਾ ਫਾਰਮ ਵੀ ਬਣਾਇਆ ਸੀ। ਇਸ ਰਾਹੀਂ ਉਹ ਗਧਿਆਂ ਦਾ ਨਿਰਯਾਤ ਕਰਕੇ ਦੇਸ਼ ਦੀ ਆਰਥਿਕ ਹਾਲਤ ਸੁਧਾਰਨਾ ਚਾਹੁੰਦਾ ਸੀ। ਚੀਨ ਨੇ ਪਹਿਲਾਂ ਨਾਈਜਰ ਅਤੇ ਬੁਰਕੀਨਾ ਫਾਸੋ ਤੋਂ ਗਧਿਆਂ ਦਾ ਸਟਾਕ ਆਯਾਤ ਕੀਤਾ ਸੀ। ਪਰ ਦੋ ਪੱਛਮੀ ਅਫਰੀਕੀ ਦੇਸ਼ਾਂ ਨੇ ਉਨ੍ਹਾਂ ਦੇ ਨਿਰਯਾਤ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
