ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਬਿਲਾਵਲ ਭੁੱਟੋ ਜ਼ਰਦਾਰੀ ਦੇ PM ਮੋਦੀ ਖਿਲਾਫ਼ ਦਿੱਤੇ ਬਿਆਨ ਦੇ ਭਾਰਤ ਵਿੱਚ ਵਿਰੋਧ ਵਿਚਾਲੇ ਪਾਕਿਸਤਾਨ ਦੀ ਸ਼ਾਹਬਾਜ਼ ਸਰਕਾਰ ਦੀ ਮੰਤਰੀ ਸ਼ਾਜ਼ੀਆ ਮਰੀ ਨੇ ਭਾਰਤ ਨੂੰ ਪ੍ਰਮਾਣੂ ਹਮਲੇ ਦੀ ਧਮਕੀ ਦਿੱਤੀ ਹੈ। ਸ਼ਾਜ਼ੀਆ ਨੇ ਕਿਹਾ ਕਿ ਅਸੀਂ ਚੁੱਪ ਬੈਠਣ ਲਈ ਐਟਮ ਬੰਬ ਨਹੀਂ ਬਣਾਇਆ ਹੈ।
ਬਿਲਾਵਲ ਦੇ ਸਮਰਥਨ ‘ਚ ਆਯੋਜਿਤ ਪ੍ਰੈੱਸ ਕਾਨਫਰੰਸ ‘ਚ ਸ਼ਾਜ਼ੀਆ ਨੇ ਕਿਹਾ, ‘ਪਾਕਿਸਤਾਨ ਜਾਣਦਾ ਹੈ ਕਿ ਕਿਵੇਂ ਜਵਾਬ ਦੇਣਾ ਹੈ। ਪਾਕਿਸਤਾਨ ਅਜਿਹਾ ਦੇਸ਼ ਨਹੀਂ ਹੈ ਜੋ ਇੱਕ ਥੱਪੜ ਮਾਰਨ ‘ਤੇ ਦੂਜੀ ਗੱਲ ਨੂੰ ਮੋੜ ਅੱਗੇ ਕਰੇਗਾ। ਸ਼ਾਜ਼ੀਆ ਨੇ ਕਿਹਾ ਕਿ ਜੇ ਭਾਰਤ ਵੱਲੋਂ ਕੋਈ ਕਾਰਵਾਈ ਹੁੰਦੀ ਹੈ ਤਾਂ ਉਸ ਦਾ ਜਵਾਬ ਦਿੱਤਾ ਜਾਵੇਗਾ। ਸ਼ਾਜ਼ੀਆ ਨੇ ਅੱਗੇ ਕਿਹਾ, ‘ਮੈਂ ਮੋਦੀ ਸਰਕਾਰ ਵੱਲੋਂ ਭੇਜੇ ਗਏ ਡੈਲੀਗੇਟਾਂ ਦਾ ਕਈ ਮੰਚਾਂ ‘ਤੇ ਮੁਕਾਬਲਾ ਕੀਤਾ ਹੈ।’
ਉਸ ਨੇ ਕਿਹਾ ਕਿ ਭਾਰਤ ਨੂੰ ਇਹ ਨਹੀਂ ਭੁੱਲਣਾ ਚਾਹੀਦਾ ਕਿ ਪਾਕਿਸਤਾਨ ਕੋਲ ਪਰਮਾਣੂ ਬੰਬ ਹੈ। ਸਾਡੀ ਪਰਮਾਣੂ ਸਥਿਤੀ ਚੁੱਪ ਰਹਿਣ ਲਈ ਨਹੀਂ ਹੈ। ਲੋੜ ਪੈਣ ‘ਤੇ ਅਸੀਂ ਪਿੱਛੇ ਨਹੀਂ ਹਟਾਂਗੇ।
ਸ਼ਾਜ਼ੀਆ ਨੇ ਕਿਹਾ ਕਿ ਭਾਰਤੀ ਮੰਤਰੀ ਨੇ ਸੰਯੁਕਤ ਰਾਸ਼ਟਰ ‘ਚ ਕਿਹਾ ਹੈ ਕਿ ਪਾਕਿਸਤਾਨ ਅੱਤਵਾਦ ਦਾ ਕੇਂਦਰ ਹੈ। ਇਹ ਸਭ ਉਨ੍ਹਾਂ ਦਾ ਪ੍ਰਚਾਰ ਹੈ। ਇਹ ਸਿਰਫ਼ ਅੱਜ ਹੀ ਨਹੀਂ ਹੈ। ਅਸੀਂ ਵਿਰੋਧੀ ਧਿਰ ਵਿੱਚ ਹੁੰਦੇ ਹਾਂ ਤਾਂ ਵੀ ਲੜਦੇ ਹਾਂ। ਅਸੀਂ ਆਪਣੇ ਦੇਸ਼ ਦੀ ਰਾਖੀ ਵੀ ਕਰਨੀ ਹੈ ਅਤੇ ਦੇਸ਼ ਵਿਰੁੱਧ ਹੋ ਰਹੇ ਗਲਤ ਪ੍ਰਚਾਰ ਦੀ ਸਾਜ਼ਿਸ਼ ਨੂੰ ਬੇਨਕਾਬ ਕਰਨਾ ਹੈ। ਜੇ ਤੁਸੀਂ ਵਾਰ-ਵਾਰ ਪਾਕਿਸਤਾਨ ‘ਤੇ ਇਲਜ਼ਾਮ ਲਗਾਉਂਦੇ ਰਹੋਗੇ ਤਾਂ ਪਾਕਿਸਤਾਨ ਚੁੱਪ-ਚਾਪ ਸੁਣਦਾ ਨਹੀਂ ਰਹਿ ਸਕਦਾ। ਇੱਦਾਂ ਨਹੀਂ ਹੋਵੇਗਾ।
ਇਹ ਵੀ ਪੜ੍ਹੋ : ਕੈਨੇਡਾ : ਕਤਲ ਕੇਸ ‘ਚ 3 ਪੰਜਾਬੀ ਗ੍ਰਿਫ਼ਤਾਰ, ਮਈ ‘ਚ ਹੋਇਆ ਸੀ ਬਜ਼ੁਰਗ ਜੋੜੇ ਦਾ ਮਰਡਰ
ਸ਼ਾਜ਼ੀਆ ਨੇ ਕਿਹਾ ਕਿ ਭਾਵੇਂ ਅਸੀਂ ਸ਼ਾਂਤੀ ਪਸੰਦ ਲੋਕ ਹਾਂ ਪਰ ਅਸੀਂ ਨੇਕ ਲੋਕ ਹਾਂ। ਜ਼ਿਕਰਯੋਗ ਹੈ ਕਿ ਬਿਲਾਵਲ ਭੁੱਟੋ ਵੱਲੋਂ ਭਾਰਤ ਦੇ ਪੀਐਮ ਮੋਦੀ ਨੂੰ ‘ਗੁਜਰਾਤ ਦਾ ਕਸਾਈ’ ਕਹਿਣ ਤੋਂ ਬਾਅਦ ਦੋਵਾਂ ਦੇਸ਼ਾਂ ਵਿਚਾਲੇ ਤਣਾਅ ਉਵੇਂ ਹੀ ਵਧ ਗਿਆ ਹੈ। ਅਜਿਹੇ ‘ਚ ਸ਼ਾਜ਼ੀਆ ਦਾ ਬਿਆਨ ਭੜਕਾਉਣ ਵਾਲਾ ਹੈ। ਬਿਲਾਵਲ ਭੁੱਟੋ ਨੇ ਵੀਰਵਾਰ ਨੂੰ ਕਿਹਾ ਸੀ ਕਿ ਓਸਾਮਾ ਬਿਨ ਲਾਦੇਨ ਮਰ ਗਿਆ ਹੈ, ਪਰ ਗੁਜਰਾਤ ਦਾ ਕਸਾਈ ਅਜੇ ਵੀ ਜ਼ਿੰਦਾ ਹੈ ਅਤੇ ਉਹ ਭਾਰਤ ਦਾ ਪ੍ਰਧਾਨ ਮੰਤਰੀ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
