ਸੀਮਾ ਗੁਲਾਮ ਹੈਦਰ ਨਾਂ ਦੀ ਪਾਕਿਸਤਾਨੀ ਔਰਤ ਆਪਣੇ 4 ਬੱਚਿਆਂ ਨਾਲ ਇਕ ਹਿੰਦੂ ਬੰਦੇ ਨਾਲ ਰਹਿਣ ਲਈ ਭਾਰਤ ਵਿੱਚ ਲੁਕ ਕੇ ਆਈ ਸੀ। ਸੀਮਾ ਦੀ ਦੋਸਤੀ ਸਾਲ 2019 ਵਿੱਚ ਭਾਰਤ ਵਿੱਚ ਰਹਿਣ ਵਾਲੇ ਸਚਿਨ ਮੀਣਾ ਨਾਲ ਆਨਲਾਈਨ ਗੇਮ PUBG ਖੇਡਦੇ ਹੋਏ ਹੋਈ ਸੀ। ਸੀਮਾ ਦਾ ਰੂੜ੍ਹੀਵਾਦੀ ਮੁਸਲਿਮ ਦੇਸ਼ ਵਿੱਚ ਸਮਾਜਿਕ ਮਾਣਦੰਡਾਂ ਨੂੰ ਤੋੜਨ ਦੀ ਹਿੰਮਤ ਕਰਨ ਲਈ ਪਰਿਵਾਰ ਦੇ ਗੁਆਂਢੀਆਂ ਨੇ ਉਸ ਦਾ ਬਾਈਕਾਟ ਕਰ ਦਿੱਤਾ ਹੈ।
ਸੀਮਾ ਦੇ ਗੁਆਂਢੀਆਂ ਤੇ ਇੱਕ ਰਿਸ਼ਤੇਦਾਰ ਨੇ ਸਾਫ ਕਰ ਦਿੱਤਾ ਹੈ ਕਿ ਉਹ ਉਸ ਨੂੰ ਪਾਕਿਸਤਾਨ ਵਿੱਚ ਨਹੀਂ ਚਾਹੁੰਦੇ। ਅਜੇ ਫਿਲਹਾਲ 30 ਸਾਲਾਂ ਸੀਮਾ ਆਪਣੇ 22 ਸਾਲਾਂ ਪ੍ਰੇਮੀ ਸਚਿਨ ਦੇ ਨਾਲ ਦਿੱਲੀ ਦੇ ਕੋਲ ਗ੍ਰੇਟਰ ਨੋਇਡਾ ਦੇ ਰਬੂਪੁਰਾ ਇਲਾਕੇ ਵਿੱਚ ਰਹਿੰਦੀ ਹੈ। ਸਚਿਨ ਗ੍ਰੇਟਰ ਨੋਇਡਾ ਵਿੱਚ ਇੱਖ ਪ੍ਰੋਵਿਜ਼ਨ ਸਟੋਰ ਚਲਾਉਂਦਾ ਹੈ।
ਸੀਮਾ ਆਪਣੇ ਚਾਰ ਬੱਚਿਆਂ ਸਮੇਤ ਨੇਪਾਲ ਦੇ ਰਸਤੇ ਬਿਨਾਂ ਵੀਜ਼ਾ ਗੈਰ-ਕਾਨੂੰਨੀ ਢੰਗ ਨਾਲ ਭਾਰਤ ਆਈ ਸੀ। ਇਸ ਤੋਂ ਬਾਅਦ ਸੀਮਾ ਨੂੰ 4 ਜੁਲਾਈ ਨੂੰ ਗੈਰ-ਕਾਨੂੰਨੀ ਤਰੀਕੇ ਨਾਲ ਭਾਰਤ ਵਿਚ ਦਾਖਲ ਹੋਣ ਦੇ ਦੋਸ਼ ਵਿਚ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਸਚਿਨ ਨੂੰ ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਪਨਾਹ ਦੇਣ ਲਈ ਸਲਾਖਾਂ ਪਿੱਛੇ ਸੁੱਟ ਦਿੱਤਾ ਗਿਆ ਸੀ। ਹਾਲਾਂਕਿ ਉਹ ਹਾਲ ਹੀ ਵਿੱਚ ਜੇਲ੍ਹ ਤੋਂ ਰਿਹਾਅ ਹੋਇਆ ਹੈ, ਪਰ ਸਰਹੱਦ ਪਾਰ ਤੋਂ ਆਈਆਂ ਖ਼ਬਰਾਂ ਇੰਨੀਆਂ ਸਕਾਰਾਤਮਕ ਨਹੀਂ ਹਨ।
ਸੀਮਾ ਦੇ ਗੁਆਂਢੀਆਂ ਅਤੇ ਰਿਸ਼ਤੇਦਾਰਾਂ ਨੇ ਸਪੱਸ਼ਟ ਕੀਤਾ ਕਿ ਉਹ ਨਹੀਂ ਚਾਹੁੰਦੇ ਕਿ ਉਹ ਪਾਕਿਸਤਾਨ ਪਰਤੇ। ਪਾਕਿਸਤਾਨ ਵਿਚ ਜਿਸ ਘਰ ਵਿਚ ਸੀਮਾ ਰਹਿੰਦੀ ਸੀ, ਉਸ ਮਕਾਨ ਦੇ ਮਾਲਕ ਦੇ ਬੇਟੇ ਨੇ ਕਿਹਾ ਕਿ ਉਹ ਆਪਣੇ ਬੱਚਿਆਂ ਨੂੰ ਪਾਕਿਸਤਾਨ ਵਾਪਸ ਭੇਜ ਦੇਵੇ, ਪਰ ਉਹ ਭਾਰਤ ਵਿਚ ਹੀ ਰਹੇ ਕਿਉਂਕਿ ਹੁਣ ਉਹ ਮੁਸਲਮਾਨ ਵੀ ਨਹੀਂ ਹੈ। ਮਕਾਨ ਮਾਲਕ ਦੇ ਮੁੰਡੇ ਨੂਰ ਮੁਹੰਮਦ ਨੇ ਦੱਸਿਆ ਕਿ ਸੀਮਾ ਆਪਣੇ ਬੱਚਿਆਂ ਸਮੇਤ ਤਿੰਨ ਸਾਲਾਂ ਤੋਂ ਸਾਡੇ ਘਰ ਕਿਰਾਏਦਾਰ ਸੀ। ਉਹ ਆਪਣੇ ਬੱਚਿਆਂ ਨਾਲ ਇਕੱਲੀ ਰਹਿੰਦੀ ਸੀ। ਇੱਥੋਂ ਕੁਝ ਦੂਰੀ ’ਤੇ ਉਸ ਦਾ ਸਹੁਰਾ ਰਹਿੰਦਾ ਹੈ।
ਇਹ ਵੀ ਪੜ੍ਹੋ : ਕਿਸਾਨਾਂ ਲਈ ਚੰਗੀ ਖ਼ਬਰ, ਇਸ ਦਿਨ ਖਾਤੇ ‘ਚ ਆਏਗੀ PM ਕਿਸਾਨ ਯੋਜਨਾ ਦੀ 14ਵੀਂ ਕਿਸ਼ਤ
ਨੂਰ ਮੁਹੰਮਦ ਨੇ ਦੱਸਿਆ ਕਿ ਸੀਮਾ ਅਤੇ ਉਸ ਦਾ ਪਹਿਲਾ ਪਤੀ ਗੁਲਾਮ ਹੈਦਰ ਫਰਾਰ ਹੋ ਕੇ ਕਰਾਚੀ ਚਲੇ ਗਏ ਸਨ ਅਤੇ 10 ਸਾਲ ਪਹਿਲਾਂ ਉਨ੍ਹਾਂ ਨੇ ਆਪਣੇ ਮਾਤਾ-ਪਿਤਾ ਦੀ ਇੱਛਾ ਦੇ ਖਿਲਾਫ ਵਿਆਹ ਕਰਵਾ ਲਿਆ ਸੀ। ਅਸੀਂ ਉਸ ਨੂੰ ਇੱਕ ਦਿਨ ਟੈਕਸੀ ਬੁਲਾਉਣ ਤੋਂ ਬਾਅਦ ਆਪਣੇ ਬੱਚਿਆਂ ਅਤੇ ਕੁਝ ਬੈਗਾਂ ਨਾਲ ਜਾਂਦੇ ਹੋਏ ਦੇਖਿਆ ਅਤੇ ਅਸੀਂ ਸੋਚਿਆ ਕਿ ਉਹ ਜੈਕੋਬਾਬਾਦ ਵਿੱਚ ਆਪਣੇ ਪਿੰਡ ਜਾ ਰਹੀ ਹੈ, ਪਰ ਲਗਭਗ ਇੱਕ ਮਹੀਨੇ ਬਾਅਦ ਜਦੋਂ ਅਸੀਂ ਟੀਵੀ ਚੈਨਲਾਂ ‘ਤੇ ਉਸ ਦੇ ਭੱਜਣ ਬਾਰੇ ਸੁਣਿਆ ਤਾਂ ਅਸੀਂ ਸਾਰੇ ਹੈਰਾਨ ਰਹਿ ਗਏ। ਦਿਹਾਤੀ ਸਿੰਧ ਵਿੱਚ, ਇੱਕ ਹਾਈ-ਪ੍ਰੋਫਾਈਲ ਧਾਰਮਿਕ ਨੇਤਾ, ਮੀਆਂ ਮਿੱਠੂ, ਨੇ ਸੀਮਾ ਨੂੰ ਵਾਪਸ ਆਉਣ ‘ਤੇ ਸਜ਼ਾ ਦੇਣ ਦੀ ਖੁੱਲ੍ਹੀ ਧਮਕੀ ਦਿੱਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
