ਪਾਕਿਸਤਾਨੀ ਨੂੰਹ ਸੀਮਾ ਨੇ ਬਦਲੀ ਸਚਿਨ ਦੇ ਘਰ ਦੀ ਕਿਸਮਤ, ਧੜਾਧੜ ਮਿਲੇ ਗਿਫਟ, ਕੈਸ਼ ਦੀ ਵੀ ਭਰਮਾਰ

ਪਾਕਿਸਤਾਨੀ ਔਰਤ ਸੀਮਾ ਹੈਦਰ ਅਤੇ ਸਚਿਨ ਮੀਨਾ ਦੀ ਲਵ ਸਟੋਰੀ ਦੇਸ਼-ਵਿਦੇਸ਼ ‘ਚ ਮਸ਼ਹੂਰ ਹੋ ਚੁੱਕੀ ਹੈ। ਸੀਮਾ ਹੈਦਰ ‘ਤੇ ਪਾਕਿਸਤਾਨ ਦਾ ਜਾਸੂਸ ਹੋਣ ਦਾ ਇਲਜ਼ਾਮ ਲੱਗਾ ਸੀ, ਜਿਸ ਤੋਂ ਬਾਅਦ ਯੂਪੀ ਏਟੀਐਸ ਨੇ ਮਾਮਲਾ ਦਰਜ ਕੀਤਾ ਸੀ। ਏਟੀਐਸ ਨੇ ਸੀਮਾ ਹੈਦਰ, ਸਚਿਨ ਮੀਨਾ ਅਤੇ ਉਸ ਦੇ ਪਿਤਾ ਨੇਤਰਪਾਲ ਤੋਂ ਲਗਾਤਾਰ ਤਿੰਨ ਦਿਨ ਪੁੱਛਗਿੱਛ ਕੀਤੀ। ਏਟੀਐਸ ਟੀਮ ਨੇ ਆਪਣੀ ਜਾਂਚ ਰਿਪੋਰਟ ਯੂਪੀ ਸਰਕਾਰ ਨੂੰ ਸੌਂਪ ਦਿੱਤੀ ਹੈ। ਸਰਕਾਰ ਕਾਨੂੰਨੀ ਕਾਰਵਾਈ ਤੋਂ ਬਾਅਦ ਸੀਮਾ ਹੈਦਰ ਨੂੰ ਪਾਕਿਸਤਾਨ ਵਾਪਸ ਭੇਜਣ ਦੀ ਤਿਆਰੀ ਕਰ ਸਕਦੀ ਹੈ।

ਸੀਮਾ ਹੈਦਰ ਪਾਕਿਸਤਾਨ ਤੋਂ ਨੇਪਾਲ ਦੇ ਰਸਤੇ ਭਾਰਤ ਆਈ ਸੀ।ਉਹ ਪਹਿਲਾਂ ਸਚਿਨ ਮੀਨਾ ਦੇ ਨਾਲ ਰਾਬੂਪੁਰਾ, ਗ੍ਰੇਟਰ ਨੋਇਡਾ ਦੇ ਅੰਬੇਡਕਰ ਨਗਰ ਇਲਾਕੇ ‘ਚ ਡੇਢ ਮਹੀਨੇ ਕਿਰਾਏ ‘ਤੇ ਰਹਿੰਦੀ ਸੀ। ਇਸ ਦੌਰਾਨ ਸਚਿਨ ਨੇ ਸੀਮਾ ਨਾਲ ਵਿਆਹ ਕਰਨ ਲਈ ਕਾਨੂੰਨੀ ਸਲਾਹ ਲਈ। ਉਹ ਬੁਲੰਦਸ਼ਹਿਰ ‘ਚ ਇਕ ਵਕੀਲ ਕੋਲ ਗਿਆ, ਜਿਸ ਤੋਂ ਬਾਅਦ ਵਕੀਲ ਨੇ ਪੁਲਸ ਨੂੰ ਸਚਿਨ ਅਤੇ ਸੀਮਾ ਬਾਰੇ ਜਾਣਕਾਰੀ ਦਿੱਤੀ। ਬਾਅਦ ਵਿਚ ਦੋਵੇਂ ਫਰਾਰ ਹੋ ਗਏ। ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ 4 ਜੁਲਾਈ ਨੂੰ ਸਚਿਨ ਅਤੇ ਸੀਮਾ ਨੂੰ ਗ੍ਰਿਫਤਾਰ ਕਰ ਕੇ ਜੇਲ ਭੇਜ ਦਿੱਤਾ ਸੀ। ਬਾਅਦ ਵਿਚ ਉਸ ਨੂੰ ਜ਼ਮਾਨਤ ਮਿਲ ਗਈ।

ਸਚਿਨ ਅਤੇ ਸੀਮਾ ਦੀ ਲਵ ਸਟੋਰੀ ਖਬਰਾਂ ਦੀ ਸੁਰਖੀ ਬਣੀ। ਰਾਬੂਪੁਰਾ ਸਥਿਤ ਸਚਿਨ ਦੇ ਘਰ ਮੀਡੀਆ ਦਾ ਇਕੱਠ ਸੀ। ਦੋਹਾਂ ਨੂੰ ਦੇਖਣ ਲਈ ਦੂਰ-ਦੂਰ ਤੋਂ ਲੋਕ ਆਉਂਦੇ ਸਨ। ਰਾਬੂਪੁਰਾ ਵਿੱਚ ਪਿਛਲੇ 7 ਦਿਨਾਂ ਤੋਂ ਮੀਡੀਆ ਦਾ ਇਕੱਠ ਜਾਰੀ ਸੀ। ਬਿਹਾਰ, ਪੰਜਾਬ, ਹਰਿਆਣਾ, ਦਿੱਲੀ ਦੇ ਲੋਕਾਂ ਨੇ ਸੀਮਾ ਅਤੇ ਸਚਿਨ ਦੀ ਆਰਥਿਕ ਮਦਦ ਕੀਤੀ। ਕਿਸੇ ਨੇ 2001 ਰੁਪਏ ਦੀ ਮਦਦ ਕੀਤੀ ਅਤੇ ਕੁਝ ਨੇ 5001 ਰੁਪਏ ਦੀ ਮਦਦ ਕੀਤੀ। ਮਦਦ ਦਾ ਇਹ ਸਿਲਸਿਲਾ ਲਗਾਤਾਰ ਵਧਦਾ ਗਿਆ।

ਸੂਤਰਾਂ ਮੁਤਾਬਕ ਜੋ ਵੀ ਸੀਮਾ ਅਤੇ ਸਚਿਨ ਨੂੰ ਮਿਲਣ ਆਉਂਦਾ ਸੀ, ਉਹ ਆਪਣੇ ਹੱਥਾਂ ‘ਚ ਫੁੱਲਾਂ ਦੇ ਗੁੱਛੇ ਲੈ ਕੇ ਤੋਹਫੇ ਵਜੋਂ ਕੁਝ ਨਾ ਕੁਝ ਲੈ ਕੇ ਆਉਂਦਾ ਸੀ। ਇਲਾਕਾ ਨਿਵਾਸੀਆਂ ਮੁਤਾਬਕ ਸਚਿਨ ਦੇ ਘਰ ਇਕ ਕਮਰੇ ‘ਚ ਪੱਖਾ ਲੱਗਾ ਹੋਇਆ ਸੀ ਪਰ ਸੀਮਾ ਹੈਦਰ ਦੇ ਆਉਣ ਤੋਂ ਬਾਅਦ ਮਿਲਣ ਵਾਲਿਆਂ ਦੀ ਗਿਣਤੀ ਵਧ ਗਈ ਅਤੇ ਲੋਕਾਂ ਨੇ ਸਚਿਨ ਦੇ ਘਰ ਨੂੰ ਛੱਤ ਵਾਲੇ ਪੱਖੇ ਅਤੇ ਕੂਲਰ ਤੋਹਫੇ ਵਜੋਂ ਦਿੱਤੇ।

ਇਹ ਵੀ ਪੜ੍ਹੋ : ਬੱਚੀ ਨੂੰ ਕੁੱਟਣ-ਟਾਰਚਰ ਕਰਨ ‘ਤੇ Airlines ਦਾ ਐਕਸ਼ਨ, ਪਤੀ-ਪਤਨੀ ਨੂੰ ਨੌਕਰੀ ਤੋ ਕੱਢਿਆ

ਸਚਿਨ ਅਤੇ ਸੀਮਾ ਹੈਦਰ ਦੀ ਵਧਦੀ ਲੋਕਪ੍ਰਿਅਤਾ ਤੋਂ ਬਾਅਦ ਮੀਡੀਆ ਟ੍ਰਾਇਲ ਦੌਰਾਨ ਸਚਿਨ ਦੇ ਆਪਣੇ ਕੁਝ ਜਾਣਕਾਰ ਦਲਾਲ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣ ਲੱਗੇ। ਸੀਮਾ ਅਤੇ ਸਚਿਨ ਨੂੰ ਮਿਲਾਉਣ ਲਈ ਇੱਕ ਰਜਿਸਟਰ ਵੀ ਬਣਾਇਆ ਗਿਆ ਸੀ, ਜਿਸ ਵਿੱਚ ਮਿਲਣ ਵਾਲੇ ਸਾਰੇ ਲੋਕਾਂ ਦੇ ਨਾਮ ਅਤੇ ਮੀਡੀਆ ਕਰਮੀਆਂ ਦੇ ਨਾਮ ਵੀ ਦਰਜ ਸਨ।

ਸੀਮਾ ਅਤੇ ਸਚਿਨ ਨੂੰ ਮਿਲਣ ਜਾਂ ਉਨ੍ਹਾਂ ਦਾ ਇੰਤਜ਼ਾਮ ਕਰਨ ਲਈ ਪੈਸਿਆਂ ਦੀ ਮੰਗ ਰੱਖੀ ਗਈ। ਨਾਮ ਨਾ ਛਾਪਣ ਦੀ ਸ਼ਰਤ ‘ਤੇ ਇਕ ਸਥਾਨਕ ਦੁਕਾਨਦਾਰ ਨੇ ਦੱਸਿਆ ਕਿ ਵਿਚੋਲਿਆਂ ਨੇ ਲੋਕਾਂ ਨੂੰ ਸਚਿਨ ਅਤੇ ਸੀਮਾ ਵਿਚਕਾਰ ਮੁਲਾਕਾਤ ਦਾ ਪ੍ਰਬੰਧ ਕਰਨ ਲਈ ਪੇਟੀਐਮ ਤੋਂ 10,000 ਰੁਪਏ ਤੱਕ ਲੈਣ ਲਈ ਕਿਹਾ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “