ਪੰਜਾਬ ‘ਚ ਰਾਮ ਲੀਲਾ ਦੇ ਕਲਾਕਾਰਾਂ ਨੇ ਮੰਚ ‘ਤੇ ਹੀ ਕਰ ਦਿੱਤੀਆਂ ਘਟੀਆ ਹਰਕਤਾਂ, ਹਿੰਦੂ ਤਖਤ ਨੇ ਸੁਣਾਈ ਸਜ਼ਾ

ਪੰਜਾਬ ‘ਚ ਰਾਮਲੀਲਾ ਦਾ ਮੰਚਨ ਕਰਨ ਦੇ ਨਾਂ ‘ਤੇ ਮਖੌਲ ਕੀਤਾ ਜਾ ਰਿਹਾ ਹੈ। ਪਟਿਆਲਾ ਵਿੱਚ ਇੱਕ ਕਲਾਕਾਰ ਨੇ ਸ਼ਰਾਬ ਦੀ ਬੋਤਲ ਲੈ ਕੇ ਸਟੇਜ ਉੱਤੇ ਨੱਚਣਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਨਾਲ ਹੀ ਰੋਪੜ ਵਿੱਚ ਰਾਵਣ ਸਟੇਜ ਉੱਤੇ ਬੰਦੂਕ ਨਾਲ ਨੱਚਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।

ਜਦੋਂ ਇਹ ਦੋਵੇਂ ਵੀਡੀਓ ਵਾਇਰਲ ਹੋਏ ਤਾਂ ਸੋਸ਼ਲ ਮੀਡੀਆ ‘ਤੇ ਸਖਤ ਵਿਰੋਧ ਹੋਇਆ। ਪਟਿਆਲਾ ਵਾਲੇ ਵੀਡੀਓ ਤੋਂ ਬਾਅਦ ਹਿੰਦੂ ਤਖਤ ਨੇ ਕਲਾਕਾਰ ਅਤੇ ਰਾਮਲੀਲਾ ਦੇ ਆਯੋਜਕਾਂ ਨੂੰ ਜੂਠੇ ਭਾਂਡੇ ਮਾਂਜਣ ਦੀ ਸਜ਼ਾ ਸੁਣਾਈ। ਉਥੇ ਹੀ ਰੋਪੜ ਦਾ ਇਹ ਵੀਡੀਓ ਕਦੋਂ ਦਾ ਹੈ, ਇਸ ਦੀ ਪੁਸ਼ਟੀ ਨਹੀਂ ਹੋ ਸਕੀ। ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਮੱਦੇਨਜ਼ਰ, ਹਿੰਦੂ ਸੰਗਠਨ ਅਜਿਹੇ ਮਾਮਲਿਆਂ ਦਾਸਖਤ ਵਿਰੋਧ ਕਰ ਰਹੇ ਹਨ।

ਪਟਿਆਲਾ ਤੋਂ ਸਾਹਮਣੇ ਆਏ ਵੀਡੀਓ ਬਾਰੇ ਪਤਾ ਲੱਗਾ ਹੈ ਕਿ ਸ਼੍ਰੀ ਸਨਾਤਨ ਧਰਮ ਕਲੱਬ ਜ਼ੀਰਕਪੁਰ ਪ੍ਰਭਾਤ ਖੇਤਰ ਵਿੱਚ ਰਾਮਲੀਲਾ ਦਾ ਮੰਚਨ ਕਰਵਾ ਰਿਹਾ ਹੈ। 5 ਅਕਤੂਬਰ ਨੂੰ ਇੱਕ ਕਲਾਕਾਰ ਸ਼ਰਾਬ ਦੀ ਬੋਤਲ ਲੈ ਕੇ ਸਟੇਜ ‘ਤੇ ਚੜ੍ਹਿਆ। ਇਸ ਤੋਂ ਬਾਅਦ ਉਸ ਨੇ ‘ਸਬ ਤੋ ਮਿਲ ਕੇ ਪੀਤੇ ਹੈ …’ ਗੀਤ ‘ਤੇ ਡਾਂਸ ਕਰਨਾ ਸ਼ੁਰੂ ਕਰ ਦਿੱਤਾ। ਫਿਰ ਦਰਸ਼ਕਾਂ ਵਿੱਚ ਇਸ ਬਾਰੇ ਘੁਸਰ ਮੁਸਰ ਸ਼ੁਰੂ ਹੋ ਗਈ।

ਅਸਲ ਵਿਵਾਦ ਉਦੋਂ ਵਧਿਆ ਜਦੋਂ ਇਸਦਾ ਵੀਡੀਓ ਸਾਹਮਣੇ ਆਇਆ। ਫਿਰ ਹਿੰਦੂ ਤਖਤ ਦੇ ਧਾਰਮਿਕ ਪੁਜਾਰੀ ਜਗਦਗੁਰੂ ਪੰਚਾਨੰਦ ਗਿਰੀ ਜੀ ਮਹਾਰਾਜ ਨੇ ਆਯੋਜਕ ਅਤੇ ਦੋਸ਼ੀ ਕਲਾਕਾਰ ਨੂੰ ਬੁਲਾਇਆ ਜੋ ਰਾਮਲੀਲਾ ਦਾ ਮੰਚਨ ਕਰ ਰਹੇ ਸਨ।

ਦੋਵਾਂ ਨੂੰ ਜੂਠੇ ਭਾਂਡੇ ਧੋਣ ਦੀ ਸਜ਼ਾ ਸੁਣਾਈ ਗਈ। ਕਲੱਬ ਦੇ ਚੇਅਰਮੈਨ, ਮੁਖੀ, ਜਨਰਲ ਸਕੱਤਰ, ਸਕੱਤਰ ਅਤੇ ਕਲਾਕਾਰ ਨੇ ਲੰਗਰ ਵਿੱਚ 4 ਘੰਟੇ ਜੂਠੇ ਭਾਂਡੇ ਧੋਤੇ। ਤਖਤ ਨੇ ਉਨ੍ਹਾਂ ਨੂੰ ਅਗਲੇ 5 ਸ਼ਨੀਵਾਰਾਂ ਲਈ ਸ਼੍ਰੀ ਕਾਲੀ ਮਾਤਾ ਮੰਦਰ ਵਿੱਚ ਸ਼ਰਧਾਲੂਆਂ ਦੇ ਜੂਠੇ ਭਾਂਡੇ ਸਾਫ਼ ਕਰਨ ਲਈ ਕਿਹਾ ਹੈ।

ਇਹ ਵੀ ਵੇਖੋ :

Chana Chaat Recipe | ਮੁੰਬਈ ਦੀ ਮਸ਼ਹੂਰ ਚਨਾ ਚਾਟ | Chatpati Chaat | Indian Street Food

ਰੋਪੜ ਤੋਂ ਸਾਹਮਣੇ ਆਈ ਵੀਡੀਓ ਵਿੱਚ ਰਾਵਣ ਸਟੇਜ ‘ਤੇ ਬੰਦੂਕ ਨਾਲ ਨੱਚ ਰਿਹਾ ਹੈ। ਉਸ ਦੇ ਪਿੱਛੇ ਪੰਜਾਬੀ ਗਾਇਕ ਹਰਜੀਤ ਹਰਮਨ ਦਾ ਗੀਤ ‘ਮਿੱਤਰਾਂ ਦਾ ਨਾਂ ਚਲਦਾ ਹੈ’ ਲੱਗਾ ਹੋਇਆ ਹੈ, ਇਸ ਦੌਰਾਨ ਦਰਸ਼ਕ ਕਾਫੀ ਰੌਲਾ ਵੀ ਪਾ ਰਹੇ ਹਨ। ਰਾਮਲੀਲਾ ਦੇ ਇਤਿਹਾਸਕ ਮਹੱਤਵ ਦੇ ਉਲਟ, ਇਸ ਨੂੰ ਸਿਰਫ ਮਨੋਰੰਜਨ ਦੇ ਸਾਧਨ ਵਜੋਂ ਬਣਾ ਕੇ ਰੱਖ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ : ਇਕ ਹੋਰ ਮਾਮਲੇ ‘ਚ ਸਜ਼ਾ ‘ਤੇ ਫ਼ੈਸਲਾ ਆਉਣ ਤੋਂ ਪਹਿਲਾਂ ਰਾਮ ਰਹੀਮ ਹਨੀਪ੍ਰੀਤ ਤੇ ਮਾਂ ਨੂੰ ਚਾਹੁੰਦੈ ਮਿਲਣਾ