ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸੋਨੇ ਦੀ ਮੂਰਤੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਬੰਬਈ ਗੋਲਡ ਐਗਜ਼ੀਬਿਸ਼ਨ ਵਿੱਚ ਇੱਕ ਕਲਾਕਾਰ ਨੇ 156 ਗ੍ਰਾਮ ਸੋਨੇ ਦੀ ਮੂਰਤੀ ਬਣਾਈ ਹੈ। ਇਸ ਸੋਨੇ ਦੀ ਮੂਰਤੀ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਨੇ ਕਿਹਾ- ਪ੍ਰਧਾਨ ਮੰਤਰੀ ਮੋਦੀ ਦੀ ਲੋਕਪ੍ਰਿਯਤਾ ਮੈਗਾ ਸਟਾਰ ਅਮਿਤਾਭ ਬੱਚਨ ਅਤੇ ਰਜਨੀਕਾਂਤ ਤੋਂ ਵੀ ਵੱਧ ਹੈ।
ਪੀ.ਐੱਮ. ਮੋਦੀ ਦੀ ਸੋਨੇ ਦੀ ਮੂਰਤੀ ਦਾ ਵੀਡੀਓ ਦੋ ਦਿਨ ਪਹਿਲਾਂ ਆਯੋਜਿਤ ਬੰਬਈ ਗੋਲਡ ਪ੍ਰਦਰਸ਼ਨੀ ਦਾ ਹੈ। ਪੀ.ਐੱਮ. ਮੋਦੀ ਦੀ ਸੋਨੇ ਦੀ ਮੂਰਤੀ ਹਿਲਦੀ ਨਜ਼ਰ ਆ ਰਹੀ ਹੈ। ਇਸ ਦੇ ਹੇਠਾਂ ਮੂਰਤੀ ਦਾ ਭਾਰ 156 ਗ੍ਰਾਮ ਲਿਖਿਆ ਗਿਆ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇੰਨੇ ਘੱਟ ਸੋਨੇ ਵਿੱਚ ਇੰਨੀ ਸੁੰਦਰ ਮੂਰਤੀ ਬਣਾਉਣਾ ਕਲਾਕਾਰ ਦੀ ਕਲਾ ਹੈ। ਹਾਲਾਂਕਿ ਵਾਇਰਲ ਵੀਡੀਓ ‘ਚ ਕਲਾਕਾਰ ਦਾ ਨਾਂ ਨਹੀਂ ਦੱਸਿਆ ਗਿਆ ਹੈ।
ਟਵਿੱਟਰ ‘ਤੇ ਪੀ.ਐੱਮ. ਮੋਦੀ ਦੀ ਸੋਨੇ ਦੀ ਮੂਰਤੀ ਨੂੰ ਸ਼ੇਅਰ ਕਰਦੇ ਹੋਏ ਯੂਜ਼ਰਸ ਨੇ ਲਿਖਿਆ ਕਿ ਅਮਿਤਾਭ ਬੱਚਨ ਅਤੇ ਰਜਨੀਕਾਂਤ ਵਰਗੇ ਦੁਨੀਆ ਭਰ ਦੇ ਮਸ਼ਹੂਰ ਲੋਕਾਂ ਦੇ ਮੋਮ ਦੇ ਬੁੱਤ ਬਣਾਏ ਗਏ ਹਨ। ਮੋਦੀ ਨੇ ਉਨ੍ਹਾਂ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ, ਇਸੇ ਲਈ ਉਨ੍ਹਾਂ ਦਾ ਸੋਨੇ ਦਾ ਬੁੱਤ ਬਣਾਇਆ ਗਿਆ ਹੈ।
ਦੱਸ ਦੇਈਏ ਕਿ ਧਨਤੇਰਸ ‘ਤੇ ਇੰਦੌਰ ‘ਚ ਇਕ ਸਰਾਫਾ ਦੁਕਾਨ ‘ਤੇ ਮੋਦੀ ਦੀ ਚਾਂਦੀ ਦੀ ਮੂਰਤੀ ਵੇਚੀ ਗਈ। 150 ਗ੍ਰਾਮ ਚਾਂਦੀ ਦੀਆਂ ਬਣੀਆਂ ਇਹ ਮੂਰਤੀਆਂ 11 ਹਜ਼ਾਰ ਰੁਪਏ ਵਿੱਚ ਵਿਕੀਆਂ। ਸਰਾਫਾ ਵਪਾਰੀ ਨੇ ਮੁੰਬਈ ਤੋਂ ਆਰਡਰ ਦੇ ਕੇ ਇਸ ਨੂੰ ਬਣਾਇਆ ਸੀ। ਮੂਰਤੀਆਂ ਵੱਖ-ਵੱਖ ਮੁਦਰਾਵਾਂ ਅਤੇ ਕੁਰਤਿਆਂ ਵਾਲੀਆਂ ਸਨ।
ਇੰਦੌਰ ਦੇ ਛੋਟਾ ਸਰਾਫਾ ਦਾ ਕਾਰੋਬਾਰੀ ਨਿਰਮਲ ਵਰਮਾ ਪੁਰਾਣੇ ਰਾਜਮੁਹੱਲੇ ਦਾ ਰਹਿਣ ਵਾਲੇ ਹਨ। ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਆਈਕਨ ਮੰਨਦੇ ਹਨ। ਨਿਰਮਲ ਭਾਜਪਾ ਵਪਾਰੀ ਸੈੱਲ ਦੇ ਪ੍ਰਧਾਨ ਵੀ ਹਨ। ਉਹ ਪਿਛਲੇ ਲੰਮੇ ਸਮੇਂ ਤੋਂ ਹਰ ਹਰ ਮੋਦੀ, ਘਰ ਘਰ ਮੋਦੀ ਦੀ ਮੁਹਿੰਮ ਨੂੰ ਅੱਗੇ ਵਧਾ ਰਹੇ ਹਨ।
ਇੰਦੌਰ ਦੇ ਨਿਰਮਲ ਵਰਮਾ ਲੰਬੇ ਸਮੇਂ ਤੋਂ ਇੱਕ ਦੁਕਾਨ ਤੋਂ ਪੀ.ਐੱਮ. ਮੋਦੀ ਦੇ ਚਾਂਦੀ ਦੇ ਸਿੱਕੇ ਅਤੇ ਨੋਟ ਵੇਚ ਰਹੇ ਹਨ, ਪਰ ਉਨ੍ਹਾਂ ਨੇ ਮੁੰਬਈ ਵਿੱਚ ਗਹਿਣਿਆਂ ਦੇ ਇੱਕ ਸਮੂਹ ਵਿੱਚ ਪੀਐਮ ਨਰਿੰਦਰ ਮੋਦੀ ਦੀਆਂ ਚਾਂਦੀ ਦੀਆਂ ਮੂਰਤੀਆਂ ਵੇਖੀਆਂ। ਇਸ ਤੋਂ ਬਾਅਦ ਉਸ ਨੇ ਖਾਸ ਆਰਡਰ ਦੇ ਕੇ ਇਹ ਮੂਰਤੀਆਂ ਬਣਵਾਈਆਂ।
ਇਹ ਵੀ ਪੜ੍ਹੋ : ਵਿਆਹਾਂ ਦੇ ਸੀਜ਼ਨ ਤੋਂ ਪਹਿਲਾਂ ਝਟਕਾ! ਰਿਕਾਰਡ ਹਾਈ ‘ਤੇ ਪਹੁੰਚਿਆ ਸੋਨਾ, ਜਾਣੋ 10 ਗ੍ਰਾਮ ਦਾ ਰੇਟ
ਜ਼ਿਕਰਯੋਗ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖਾਸ ਡਿਜ਼ਾਈਨ ਵਾਲਾ ਕੁੜਤਾ ਪਾਉਂਦੇ ਹਨ, ਜਿਸ ਦੀ ਬਾਂਹ ਹਾਫ ਕਮੀਜ਼ ਵਾਂਗ ਛੋਟੀ ਰਹਿੰਦੀ ਹੈ। ਜਦੋਂ ਤੋਂ ਮੋਦੀ ਪ੍ਰਧਾਨ ਮੰਤਰੀ ਬਣੇ ਹਨ, ਉਦੋਂ ਤੋਂ ਹੀ ਇਹ ਕੁੜਤਾ ਅਤੇ ਉਨ੍ਹਾਂ ਦੀ ਸਟਾਈਲ ਦੀ ਜੈਕੇਟ ਟ੍ਰੈਂਡ ਵਿੱਚ ਹੈ। ਨੌਜਵਾਨਾਂ ਵਿੱਚ ਕੁੜਤੇ ਦੇ ਇਸ ਸਟਾਈਲ ਦਾ ਕਾਫੀ ਕ੍ਰੇਜ਼ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
