ਮੁੰਬਈ ਪੁਲਿਸ ਨੂੰ ਇੱਕ ਟੈਕਸੀ ਡਰਾਈਵਰ ਵੱਲੋਂ ਸੰਭਾਵਿਤ ਖਤਰੇ ਬਾਰੇ ਸੂਚਨਾ ਮਿਲਣ ਤੋਂ ਬਾਅਦ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਦੇ ਘਰ ਦੇ ਬਾਹਰ ਪੁਲਿਸ ਸੁਰੱਖਿਆ ਨੂੰ ਵਧਾ ਦਿੱਤਾ ਗਿਆ ਹੈ। ਮੁੰਬਈ ਪੁਲਿਸ ਦੇ ਅਨੁਸਾਰ ਸੋਮਵਾਰ ਨੂੰ ਕੰਟਰੋਲ ਰੂਮ ‘ਚ ਇੱਕ ਕਾਲ ਆਉਣ ਕਾਰਨ ਐਂਟੀਲੀਆ ਦੇ ਬਾਹਰ ਵਾਧੂ ਸੁਰੱਖਿਆ ਤਾਇਨਾਤ ਕੀਤੀ ਗਈ ਸੀ।
ਫੋਨ ਕਰਨ ਵਾਲੇ ਟੈਕਸੀ ਡਰਾਈਵਰ ਨੇ ਦੱਸਿਆ ਕਿ ਉਸ ਦੀ ਟੂਰਿਸਟ ਟੈਕਸੀ ਵਿੱਚ ਬੈਠੇ ਦੋ ਯਾਤਰੀਆਂ ਨੇ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਦੇ ਮੁੰਬਈ ਸਥਿਤ ਘਰ ਦਾ ਪਤਾ ਮੰਗਿਆ। ਯਾਤਰੀ ਇੱਕ ਬੈਗ ਲੈ ਕੇ ਜਾ ਰਹੇ ਸਨ।
ਡਰਾਈਵਰ ਆਜ਼ਾਦ ਮੈਦਾਨ ਥਾਣੇ ਵਿੱਚ ਹੈ ਜਿੱਥੇ ਉਸ ਦੇ ਬਿਆਨ ਦਰਜ ਕੀਤੇ ਜਾ ਰਹੇ ਹਨ। ਮੁੰਬਈ ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਅਜੇ ਵੀ ਮਾਮਲੇ ਦੇ ਤੱਥਾਂ ਦੀ ਪੁਸ਼ਟੀ ਕਰ ਰਹੇ ਹਨ। ਹਾਲਾਂਕਿ ਦੋਹਾਂ ਯਾਤਰੀਆਂ ਦੀ ਭਾਲ ਲਈ ਵੱਖ-ਵੱਖ ਥਾਵਾਂ ‘ਤੇ ਬੈਰੀਕੇਡ ਲਗਾਏ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
ਫਟਾਫਟ ਬਣਾਓ ਨਮਕੀਨ ਖ਼ਸਤਾ ਪਾਰੇ
ਇਸ ਸਾਲ 25 ਫਰਵਰੀ ਨੂੰ ਮੁੰਬਈ ਵਿੱਚ ਐਂਟੀਲੀਆ ਦੇ ਨੇੜੇ ਇੱਕ ਛੱਡੀ ਹੋਈ ਸਕਾਰਪੀਓ ਗੱਡੀ ਦੇ ਖੜ੍ਹੀ ਹੋਣ ਤੋਂ ਬਾਅਦ ਇਸੇ ਤਰ੍ਹਾਂ ਦੇ ਡਰ ਕਾਰਨ ਐਂਟੀਲੀਆ ਸੁਰਖੀਆਂ ਵਿੱਚ ਆਈ ਸੀ। ਪੁਲਿਸ ਨੇ ਬਾਅਦ ਵਿੱਚ ਅੰਬਾਨੀ ਪਰਿਵਾਰ ਦੀ ਮਲਕੀਅਤ ਵਾਲੀ ਇੱਕ ਗੱਡੀ ਦੀ ਨੰਬਰ ਪਲੇਟ ਦੇ ਨਾਲ ਗੱਡੀ ਦੇ ਅੰਦਰੋਂ ਜੈਲੇਟਿਨ ਸਟਿਕਸ ਅਤੇ ਇੱਕ ਧਮਕੀ ਭਰਿਆ ਨੋਟ ਬਰਾਮਦ ਕੀਤਾ ਸੀ।
ਇਹ ਵੀ ਪੜ੍ਹੋ : ਵੱਡੀ ਖਬਰ : ਨਵਾਂਸ਼ਹਿਰ ਪੁਲਿਸ ਥਾਣੇ ‘ਚ ਹੋਇਆ ਵੱਡਾ ਧਮਾਕਾ, ਜਾਂਚ ‘ਚ ਜੁਟੀ ਪੁਲਿਸ
ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐਨ.ਆਈ.ਏ.) ਨੇ ਜਾਂਚ ਦੌਰਾਨ ਮੁਅੱਤਲ ਸਹਾਇਕ ਪੁਲਿਸ ਇੰਸਪੈਕਟਰ (ਏਐਸਆਈ) ਸਚਿਨ ਵਾਜੇ ਨੂੰ ਗ੍ਰਿਫਤਾਰ ਕੀਤਾ ਸੀ।
