ਯੂਕਰੇਨ-ਰੂਸ ਜੰਗ ਵਿਚਾਲੇ ਖਬਰ ਆ ਰਹੀ ਹੈ ਕਿ ਰੂਸੀ ਰਾਸ਼ਟਰਪਤੀ ਪੁਤਿਨ ਜਲਦ ਹੀ ਕੈਂਸਰ ਦੀ ਸਰਜਰੀ ਕਰਵਾਉਣ ਜਾ ਸਕਦੇ ਹਨ। ਇਸ ਦੇ ਲਈ ਅਸਥਾਈ ਤੌਰ ‘ਤੇ ਉਹ ਦੇਸ਼ ਦੀ ਸੁਰੱਖਇਆ ਪ੍ਰੀਸ਼ਦ ਦੇ ਸਕੱਤਰ ਨਿਕੋਲਾਈ ਪੈਟਰੁਸ਼ੇਵ ਨੂੰ ਸੱਤਾ ਸੌਂਪ ਸਕਦੇ ਹਨ। ਇੱਕ ਰਿਪੋਰਟ ਵਿੱਚ ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਪੁਤਿਨ ਨੂੰ ਪੇਟ ਦਾ ਕੈਂਸਰ ਹੈ, ਡਾਕਟਰਾਂ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਆਪ੍ਰੇਸ਼ਨ ਕਰਵਾਉਣਾ ਹੀ ਪਏਗਾ।
ਰੂਸੀ ਮੀਡੀਆ ਨੇ ਕ੍ਰੇਮਲਿਨ ਅਧਿਕਾਰੀ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ ਹੈ ਕਿ 18 ਮਹੀਨੇ ਪਹਿਲਾਂ ਪੁਤਿਨ ਨੂੰ ਪੇਟ ਦਾ ਕੈਂਸਰ ਤੇ ਪਾਰਕਿਨਸਨ ਬੀਮਾਰੀ ਹੋਈ ਸੀ। ਓਨਕੋਲਾਜੀ ਟੈਸਟ ਨਾਲ ਇਨ੍ਹਾਂ ਬੀਮਾਰੀਆਂ ਦੀ ਪਛਾਣ ਕੀਤੀ ਗਈ। ਹਾਲਾਂਕਿ ਕ੍ਰੇਮਲਿਨ ਅਧਿਕਾਰੀ ਲਗਾਤਾਰ ਪੁਤਿਨ ਦੇ ਸਿਹਤਮੰਦ ਹੋਣ ਦਾ ਦਾਅਵਾ ਕਰਦੇ ਆਏ ਹਨ।
ਰੂਸੀ ਮੀਡੀਆ ਨੇ ਆਪਣੇ ਦਾਅਵੇ ਵਿੱਚ ਕਿਹਾ ਹੈ ਕਿ ਕ੍ਰੇਮਲਿਨ ਦੇ ਵੱਡੇ ਡਿਫੈਂਸ ਅਧਿਕਾਰੀ ਨੇ ਦੱਸਿਆ ਕਿ ਪੁਤਿਨ ਗੰਭੀਰ ਮੈਡੀਕਲ ਕੰਡੀਸ਼ਨਸ ਤੋਂ ਲੰਘ ਰਹੇ ਹਨ। ਨਾਲ ਹੀ ਡਾਕਟਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਪ੍ਰੇਸ਼ਨ ਦੀ ਲੋੜ ਹੈ, ਪਰ ਅਜੇ ਇਸ ਦੀ ਤਰੀਕ ਤੈਅ ਨਹੀਂ ਕੀਤੀ ਗਈ ਹੈ।
ਚੈਨਲ ਮੁਤਾਬਕ ਪੁਤਿਨ ਥੋੜ੍ਹੇ ਸਮੇਂ ਲਈ ਵੀ ਸੱਤਾ ਕਿਸੇ ਹੋਰ ਨੂੰ ਨਹੀਂ ਦੇਣਆਾ ਚਾਹੰਦੇ ਪਰ ਉਹ ਦੋ ਜਾਂ ਤਿਨੰ ਦਿਨ ਲਈ ਜੰਗ ਦਾ ਚਾਰਜ ਨਿਕੋਲਾਈ ਨੂੰ ਦੇ ਸਕੇਦ ਹਨ। ਪੁਤਿਨ ਦਾ ਇਹ ਕਦਮ ਗੈਰ-ਸੰਵਿਧਾਨਕ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਸੰਵਿਧਾਨ ਮੁਤਾਬਕ ਰਾਸ਼ਟਰਪਤੀ ਦੀ ਗੈਰ-ਹਾਜ਼ਰੀ ਵਿੱਚ ਸਾਰੀ ਪਾਵਰ ਪ੍ਰਧਾਨ ਮੰਤਰੀ ਮਿਖਾਈਲ ਮਿਸ਼ੁਸਤੀਨ ਦੇ ਹੱਤਾਂ ਵਿੱਚ ਹੋਣੀ ਚਾਹੀਦੀ ਹੈ।
ਰਿਪੋਰਟ ਮੁਤਾਬਕ ਡਾਕਟਰ ਜੋ ਦਵਾਈਆਂ ਪੁਤਿਨ ਨੂੰ ਦੇ ਰਹੇ ਹਨ, ਉਸ ਨਾਲ ਪੁਤਿਨ ਨੂੰ ਚੱਕਰ ਤੇ ਕਮਜ਼ੋਰੀ ਵਰਗੀਆਂ ਪ੍ਰੇਸ਼ਾਨੀਆਂ ਹੋਣ ਲੱਗੀਆਂ ਹਨ। ਪੁਤਿਨ ਨੂੰ ਇਹ ਦਵਾਈਆਂ ਦੇਣ ਵਾਲੇ ਡਾਕਟਰ ਨੂੰ ਪੁਤਿਨ ਦੇ ਇਲਾਜ ਤੋਂ ਹਟਾ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਇੱਕ ਰੂਸੀ ਪੱਤਰਕਾਰ ਦੀ ਰਿਪੋਰਟ ਮੁਤਾਬਕ ਪੁਤਿਨ ਨੂੰ ਥਾਇਰਾਇਡ ਦਾ ਵੀ ਕੈਂਸਰ ਵੀ ਹੋ ਸਕਦਾ ਹੈ, ਜਿਸ ਦਾ ਲਗਾਤਾਰ ਇਲਾਜ ਚੱਲ ਰਿਹਾ ਹੈ।
ਰੱਖਿਆ ਮੰਤਰੀ ਸਰਗੇਈ ਸ਼ੋਇਗੁ ਨਾਲ ਇੱਕ ਗੱਲਬਾਤ ਦੌਰਾਨ ਪੁਤਿਨ ਦਾ ਚਿਹਰਾ ਸੁੱਜਿਆ ਹੋਇਆ ਨਜ਼ਰ ਆ ਰਿਹਾ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਮੇਜ਼ ਨੂੰ ਵੀ ਮਜ਼ਬੂਤੀ ਨਾਲ ਫੜਿਆ ਹੋਇਆ ਸੀ, ਜਿਸ ਤੋਂ ਵੇਖਦੇ ਹੋਏ ਲੱਗ ਰਿਹਾ ਸੀ ਕਿ ਉਨ੍ਹਾਂ ਨੂੰ ਬੈਠਣ ਵਿੱਚ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”
