ਭਾਰਤ ਦੀ ਟੈਨਿਸ ਖਿਡਾਰਣ ਸਾਨੀਆ ਮਿਰਜ਼ਾ ਖੇਡ ਤੋਂ ਸੰਨਿਆਸ ਲੈਣ ਜਾ ਰਹੀ ਹੈ। ਉਸ ਦਾ ਕਹਿਣਾ ਹੈ ਕਿ 2022 ਦਾ ਸੀਜ਼ਨ ਉਸ ਲਈ ਆਖਰੀ ਹੈ। ਸਾਨੀਆ ਮਿਰਜ਼ਾ ਨੇ ਆਸਟ੍ਰੇਲੀਅਨ ਓਪਨ ‘ਚ ਹਾਰ ਤੋਂ ਬਾਅਦ ਇਹ ਗੱਲ ਕਹੀ। ਸਾਨੀਆ ਅਤੇ ਉਸ ਦੀ ਯੂਕਰੇਨੀ ਜੋੜੀਦਾਰ ਨਾਦੀਆ ਕਿਚਨੋਕ ਨੂੰ ਆਸਟ੍ਰੇਲੀਅਨ ਓਪਨ ਦੇ ਪਹਿਲੇ ਦੌਰ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਉਸ ਨੂੰ ਸਲੋਵੇਨੀਆ ਦੀ ਤਾਮਾਰਾ ਜ਼ਿਦਾਨਸੇਕ ਅਤੇ ਕਾਜਾ ਜੁਵਾਨ ਨੇ ਇੱਕ ਘੰਟੇ 37 ਮਿੰਟ ਵਿੱਚ 4-6, 6-7 (5) ਨਾਲ ਹਰਾਇਆ। ਹਾਲਾਂਕਿ ਸਾਨੀਆ ਹੁਣ ਅਮਰੀਕਾ ਦੇ ਰਾਜੀਵ ਰਾਮ ਦੇ ਨਾਲ ਇਸ ਗ੍ਰੈਂਡ ਸਲੈਮ ਦੇ ਮਿਕਸਡ ਡਬਲਜ਼ ਵਿੱਚ ਹਿੱਸਾ ਲਵੇਗੀ।
ਸਾਨੀਆ ਮਿਰਜ਼ਾ ਨੇ ਕਿਹਾ, ‘ਮੈਂ ਫੈਸਲਾ ਕੀਤਾ ਹੈ ਕਿ ਇਹ ਮੇਰਾ ਆਖਰੀ ਸੀਜ਼ਨ ਹੋਵੇਗਾ। ਮੈਂ ਇੱਕ-ਇੱਕ ਹਫ਼ਤਾ ਖੇਡ ਰਹੀ ਹਾਂ। ਪਤਾ ਨਹੀਂ ਮੈਂ ਪੂਰੇ ਸੀਜ਼ਨ ਲਈ ਖੇਡ ਸਕਾਂਗੀ ਜਾਂ ਨਹੀਂ। ਪਰ ਮੈਂ ਪੂਰੇ ਸੀਜ਼ਨ ਤੱਕ ਰਹਿਣਾ ਚਾਹੁੰਦੀ ਹਾਂ।”
ਸਾਨੀਆ ਭਾਰਤ ਦੀ ਸਭ ਤੋਂ ਸਫਲ ਮਹਿਲਾ ਟੈਨਿਸ ਖਿਡਾਰਣ ਹੈ। ਉਹ ਮਹਿਲਾ ਡਬਲਜ਼ ‘ਚ ਨੰਬਰ ਵਨ ਰੈਂਕਿੰਗ ‘ਤੇ ਪਹੁੰਚ ਗਈ ਹੈ। ਉਸ ਨੇ ਆਪਣੇ ਕਰੀਅਰ ਵਿੱਚ ਛੇ ਗ੍ਰੈਂਡਸਲੈਮ ਖ਼ਿਤਾਬ ਜਿੱਤੇ ਹਨ। ਇਨ੍ਹਾਂ ਵਿੱਚੋਂ ਤਿੰਨ ਖ਼ਿਤਾਬ ਮਹਿਲਾ ਡਬਲਜ਼ ਵਿੱਚ ਅਤੇ ਤਿੰਨ ਮਿਕਸਡ ਡਬਲਜ਼ ਵਿੱਚ ਜਿੱਤੇ। 2009 ਵਿੱਚ ਮਿਕਸਡ ਡਬਲਜ਼ ਵਿੱਚ ਆਸਟਰੇਲੀਅਨ ਓਪਨ, 2012 ਵਿੱਚ ਫਰੈਂਚ ਓਪਨ ਅਤੇ 2014 ਵਿੱਚ ਯੂਐਸ ਓਪਨ ਉਸ ਦੇ ਨਾਂ ਸੀ। ਮਹਿਲਾ ਡਬਲਜ਼ ਵਿੱਚ 2015 ਵਿੱਚ ਵਿੰਬਲਡਨ ਅਤੇ ਯੂਐਸ ਓਪਨ, 2016 ਵਿੱਚ ਆਸਟ੍ਰੇਲੀਅਨ ਓਪਨ।
2013 ਵਿੱਚ ਸਾਨੀਆ ਨੇ ਸਿੰਗਲਜ਼ ਖੇਡਣਾ ਛੱਡ ਦਿੱਤਾ। ਉਦੋਂ ਤੋਂ ਉਹ ਡਬਲਜ਼ ਵਿੱਚ ਹੀ ਖੇਡ ਰਹੀ ਸੀ। ਹਾਲਾਂਕਿ ਸਾਨੀਆ ਨੇ ਸਿੰਗਲਜ਼ ‘ਚ ਖੇਡਦੇ ਹੋਏ ਵੀ ਕਾਫੀ ਸਫਲਤਾ ਹਾਸਲ ਕੀਤੀ ਸੀ। ਉਹ ਕਈ ਵੱਡੇ ਟੈਨਿਸ ਖਿਡਾਰੀਆਂ ਨੂੰ ਹਰਾ ਕੇ 27ਵੇਂ ਰੈਂਕ ‘ਤੇ ਪਹੁੰਚ ਗਈ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਕੀ ਭਗਵੰਤ ਮਾਨ AAP ਦੀ ਬੇੜੀ ਲਾ ਸਕਣਗੇ ਪਾਰ ? ਭਗਵੰਤ ਮਾਨ ‘ਤੇ ਆਪ ਨੇ ਕਿਉਂ ਖੇਡਿਆ ਦਾਅ ? ਕੀ ਹੋਵੇਗਾ ਆਮ ਆਦਮੀ ਪਾਰਟੀ ਨੂੰ ਫਾਇਦਾ ? “
ਸਾਨੀਆ ਮਿਰਜ਼ਾ ਲਗਭਗ 91 ਹਫ਼ਤਿਆਂ ਤੱਕ ਡਬਲਜ਼ ਵਿੱਚ ਨੰਬਰ ਵਨ ਰਹੀ। 2015 ਵਿੱਚ ਸਾਨੀਆ ਨੇ ਮਾਰਟੀਨਾ ਹਿੰਗਿਸ ਨਾਲ ਜੋੜੀ ਬਣਾ ਕੇ ਲਗਾਤਾਰ 44 ਮੈਚ ਜਿੱਤੇ ਸਨ। ਉਸ ਨੇ ਏਸ਼ੀਅਨ ਖੇਡਾਂ, ਰਾਸ਼ਟਰਮੰਡਲ ਖੇਡਾਂ ਵਰਗੇ ਮੁਕਾਬਲਿਆਂ ਵਿੱਚ ਵੀ ਤਮਗੇ ਜਿੱਤੇ ਹਨ। ਸਾਨੀਆ ਮਿਰਜ਼ਾ ਆਪਣੇ ਬੇਟੇ ਦੇ ਜਨਮ ਤੋਂ ਬਾਅਦ 2018 ਵਿੱਚ ਟੈਨਿਸ ਕੋਰਟ ਤੋਂ ਦੂਰ ਹੋ ਗਈ ਸੀ। ਇਸ ਤੋਂ ਬਾਅਦ ਉਹ ਦੋ ਸਾਲ ਬਾਅਦ ਵਾਪਸ ਪਰਤੀ। ਵਾਪਸੀ ਲਈ ਸਾਨੀਆ ਨੇ ਆਪਣਾ ਭਾਰ ਕਰੀਬ 26 ਕਿਲੋ ਘਟਾਇਆ। ਆਪਣੀ ਵਾਪਸੀ ਤੋਂ ਬਾਅਦ ਉਸਨੇ ਯੂਕਰੇਨ ਦੀ ਨਾਦੀਆ ਕਿਚਨੋਕ ਦੇ ਨਾਲ ਮਿਲ ਕੇ ਹੋਬਾਰਟ ਇੰਟਰਨੈਸ਼ਨਲ ਵਿੱਚ ਮਹਿਲਾ ਡਬਲਜ਼ ਦਾ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਬਾਅਦ ਉਹ ਟੋਕੀਓ ਓਲੰਪਿਕ 2020 ਵਿੱਚ ਵੀ ਖੇਡੀ। ਪਰ ਉੱਥੇ ਵੀ ਉਸ ਨੂੰ ਬਹੁਤੀ ਸਫਲਤਾ ਨਹੀਂ ਮਿਲੀ।
