ਟੂਟੀ ਤੋਂ ਪਾਣੀ ਦੀ ਥਾਂ ਸ਼ਰਾਬ! ਘਰ ਦੀ ਛੱਤ ‘ਤੇ ਬਣਾਈ ਦਾਰੂ ਦੀ ਖੁਫੀਆ ਟੈਂਕੀ, ਕਮਰੇ ‘ਚ ਪਾਈਪ ਲਾਈਨ

ਗੈਰ-ਕਾਨੂੰਨੀ ਢੰਗ ਨਾਲ ਸ਼ਰਾਬ ਵੇਚਣ ਵਾਲੇ ਅਨੋਖਾ ਹੀ ਤਰੀਕਾ ਲਭ ਲਿਆ। ਜਦੋਂ ਵੀ ਕੋਈ ਉਸ ਕੋਲ ਸ਼ਰਾਬ ਲੈਣ ਆਉਂਦਾ ਤਾਂ ਉਹ ਕਮਰੇ ਦੀ ਟੂਟੀ ਖੋਲ੍ਹ ਕੇ ਉਸ ਵਿੱਚੋਂ ਆਉਂਦੀ ਸ਼ਰਾਬ ਨਾਲ ਭਰ ਦਿੰਦਾ ਸੀ। ਦਰਅਸਲ ਮੁਲਜ਼ਮ ਨੇ ਛੱਤ ‘ਤੇ ਸ਼ਰਾਬ ਦੀ ਟੈਂਕੀ ਬਣਾ ਕੇ ਟੂਟੀ ਨਾਲ ਸਪਲਾਈ ਕਰਨ ਦਾ ਇੰਤਜ਼ਾਮ ਕੀਤਾ ਸੀ, ਜਿਸ ਰਾਹੀਂ ਉਹ ਸ਼ਰਾਬ ਵੇਚਦਾ ਸੀ। ਮਾਮਲਾ ਛੱਤੀਸਗੜ੍ਹ ਦੇ ਰਾਏਗੜ੍ਹ ਜ਼ਿਲ੍ਹੇ ਦੇ ਖਰਸੀਆ ਚੌਕੀ ਖੇਤਰ ਦੇ ਪਿੰਡ ਅੰਜੋਰੀਪਲੀ ਦਾ ਹੈ।

ਆਬਕਾਰੀ ਵਿਭਾਗ ਦੇ ਸਹਾਇਕ ਕਮਿਸ਼ਨਰ ਆਸ਼ੀਸ਼ ਉੱਪਲ ਨੇ ਦੱਸਿਆ ਕਿ ਮੁਲਜ਼ਮ ਮਨੋਜ ਜੋਲ੍ਹੇ (40) ਨੇ ਆਪਣੀ ਛੱਤ ‘ਤੇ ਲੁਕੀ ਹੋਈ ਟੈਂਕੀ ਬਣਾਇਆ ਹੋਇਆ ਸੀ। ਇਸ ਵਿੱਚ ਮਹੂਆ ਦੀ ਸ਼ਰਾਬ ਭਰੀ ਜਾਂਦੀ ਸੀ। ਇਸ ਦੇ ਨਾਲ ਹੀ ਘਰ ਦੇ ਇੱਕ ਕਮਰੇ ਵਿੱਚ ਐਲੂਮੀਨੀਅਮ ਦੇ ਗੇਟ ਦੀ ਮਦਦ ਨਾਲ ਲੁਕਾ ਕੇ ਪਾਈਪ ਲਾਈਨ ਵਿਛਾਈ ਗਈ। ਮੁਲਜ਼ਮ ਨੇ ਇਸ ਵਿੱਚ ਟੂਟੀ ਲਾਈ ਹੋਈ ਸੀ। ਜਦੋਂ ਗਾਹਕ ਉਸ ਕੋਲ ਆਉਂਦੇ ਤਾਂ ਉਹ ਇਸ ਟੂਟੀ ਤੋਂ ਸ਼ਰਾਬ ਕੱਢ ਕੇ ਉਨ੍ਹਾਂ ਨੂੰ ਦੇ ਦਿੰਦਾ ਸੀ।

ਦੂਜੇ ਪਾਸੇ ਵੀਰਵਾਰ ਨੂੰ ਮੁਖਬਰ ਤੋਂ ਮਿਲੀ ਸੂਚਨਾ ਦੇ ਆਧਾਰ ‘ਤੇ ਆਬਕਾਰੀ ਵਿਭਾਗ ਦੀ ਟੀਮ ਨੇ ਮੁਲਜ਼ਮ ਦੇ ਘਰ ਛਾਪਾ ਮਾਰਿਆ। ਪਹਿਲਾਂ ਤਾਂ ਮੁਲਜ਼ਮਾਂ ਨੇ ਪੁਲਿਸ ਨੂੰ ਗੁੰਮਰਾਹ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਹਰ ਥਾਂ ਦੀ ਬਾਰੀਕੀ ਨਾਲ ਜਾਂਚ ਕਰਨ ’ਤੇ ਸਾਰਾ ਮਾਮਲਾ ਸਾਹਮਣੇ ਆਇਆ। ਇਸ ਤੋਂ ਬਾਅਦ ਮੁਲਜ਼ਮ ਨੇ ਸ਼ਰਾਬ ਲੁਕਾ ਕੇ ਰੱਖਣ ਦਾ ਵੀ ਇਕਬਾਲ ਕੀਤਾ। ਟੀਮ ਨੂੰ ਟੈਂਕੀ ਵਿੱਚੋਂ 30 ਲੀਟਰ ਮਹੂਆ ਸ਼ਰਾਬ ਬਰਾਮਦ ਹੋਈ ਹੈ।

ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਮੁਲਜ਼ਮ ਪਿਛਲੇ ਡੇਢ ਸਾਲ ਤੋਂ ਸ਼ਰਾਬ ਵੇਚ ਰਿਹਾ ਸੀ। ਹਰ ਰੋਜ਼ ਕਰੀਬ 40 ਲੀਟਰ ਸ਼ਰਾਬ ਵਿਕਦੀ ਸੀ। 150 ਰੁਪਏ ਪ੍ਰਤੀ ਲੀਟਰ ਦੀ ਦਰ ਨਾਲ ਇੱਕ ਦਿਨ ਵਿੱਚ 6 ਹਜ਼ਾਰ ਰੁਪਏ ਦੀ ਆਮਦਨ ਹੁੰਦੀ ਸੀ। ਇਸ ਕੰਮ ਵਿੱਚ ਮਨੋਜ ਦੀ ਪਤਨੀ ਵੀ ਮਦਦ ਕਰਦੀ ਸੀ। ਹਾਲਾਂਕਿ, ਉਸ ਨੂੰ ਇਹ ਆਇਡੀਆ ਕਿੱਥੋਂ ਆਇਆ? ਇਸ ਬਾਰੇ ਪਤਾ ਨਹੀਂ ਲੱਗ ਸਕਿਆ।

ਆਬਕਾਰੀ ਵਿਭਾਗ ਦੇ ਸਹਾਇਕ ਕਮਿਸ਼ਨਰ ਆਸ਼ੀਸ਼ ਉੱਪਲ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਸ ਮਾਮਲੇ ਦੀ ਜਾਣਕਾਰੀ ਕੁਝ ਦਿਨ ਪਹਿਲਾਂ ਕਿਸੇ ਮੁਖਬਰ ਰਾਹੀਂ ਮਿਲੀ ਸੀ। ਉਨ੍ਹਾਂ ਨੂੰ ਵਿਸ਼ਵਾਸ ਨਹੀਂ ਸੀ ਕਿ ਇਸ ਤਰ੍ਹਾਂ ਟੈਂਕੀ ਬਣਾ ਕੇ ਘਰ ਵਿਚ ਸ਼ਰਾਬ ਵੇਚੀ ਜਾ ਸਕਦੀ ਹੈ। ਜੇ ਟੀਮ ਨੇ ਅਚਨਚੇਤ ਛਾਪੇਮਾਰੀ ਕੀਤੀ ਹੁੰਦੀ ਤਾਂ ਮਾਮਲਾ ਹੋਰ ਵਿਗੜ ਸਕਦਾ ਸੀ, ਇਸ ਲਈ ਪਹਿਲਾਂ ਅੰਜੋਰੀਪਲੀ ਪਿੰਡ ਦੇ ਇੱਕ ਬੰਦੇ ਨੂੰ ਕੁਝ ਪੈਸੇ ਦੇ ਕੇ ਮਨੋਜ ਜੋਲ੍ਹੇ ਦੇ ਘਰ ਸ਼ਰਾਬ ਖਰੀਦਣ ਲਈ ਭੇਜਿਆ ਗਿਆ।

ਇਹ ਵੀ ਪੜ੍ਹੋ : ਹਨੀਪ੍ਰੀਤ ਸੰਭਾਲੇਗੀ ਡੇਰਾ ਸੱਚਾ ਸੌਦਾ! ਰਾਮ ਰਹੀਮ ਦਾ ਪਰਿਵਾਰ ਵਿਦੇਸ਼ ਸੈਟਲ, ਧੀਆਂ ਮਗਰੋਂ ਮੁੰਡਾ ਵੀ ਲੰਦਨ ਗਿਆ

ਪਿੰਡ ਦਾ ਨੌਜਵਾਨ ਸ਼ਰਾਬ ਲੈ ਕੇ ਆਏ ਸਨ। ਇਸ ਤੋਂ ਬਾਅਦ ਟੀਮ ਮਨੋਜ ਦੇ ਘਰ ਪਹੁੰਚੀ। ਕੁਝ ਸਮੇਂ ਤੱਕ ਐਕਸਾਈਜ਼ ਟੀਮ ਨੂੰ ਸਮਝ ਹੀ ਨਹੀਂ ਆ ਰਹੀ ਸੀ ਮਨੋਜ ਦੇ ਘਰ ਵਿੱਚ ਟੈਂਕੀ ਕਿੱਥੇ ਬਣੀ ਹੋਈ ਹੈ। ਇਸ ਦੌਰਾਨ ਉਸ ਦੀ ਨਜ਼ਰ ਬੰਦ ਕਮਰੇ ‘ਤੇ ਪਈ। ਕਮਰਾ ਖੁੱਲ੍ਹਾ ਸੀ, ਜਿੱਥੇ ਸੋਫੇ ਦੇ ਹੇਠਾਂ ਟੂਟੀ ਲੱਗੀ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “