ਟੀਵੀ ਐਕਟ੍ਰੈਸ ਤੁਨੀਸ਼ਾ ਸ਼ਰਮਾ ਸੁਸਾਈਡ ਕੇਸ ਵਿਚ ਮੁਲਜ਼ਮ ਸ਼ੀਜ਼ਾਨ ਖਾਨ ਨੂੰ ਜ਼ਮਾਨਤ ਮਿਲ ਗਈ। ਹੁਣ ਜੇਲ੍ਹ ਵਿਚ 70 ਦਿਨ ਬਿਤਾਉਣ ਦੇ ਬਾਅਦ ਸ਼ੀਜਾਨ ਬਾਹਰ ਆ ਗਏ ਹਨ। ਉਨ੍ਹਾਂ ਨੂੰ ਲੈਣ ਲਈ ਉਨ੍ਹਾਂ ਦੀਆਂ ਭੈਣਾਂ ਫਲਕ ਨਾਜ਼ ਤੇ ਸ਼ਫਕ ਨਾਜ਼ ਪਹੁੰਚੀਆਂ। ਇਸ ਦੌਰਾਨ ਸ਼ੀਜਾਨ ਭੈਣਾਂ ਦੇ ਗਲੇ ਲੱਗ ਕੇ ਇਮੋਸ਼ਨਲ ਹੋ ਗਏ। ਸ਼ੀਜਾਨ ਦਾ ਲੁਕ ਕਾਫੀ ਬਦਲਿਆ ਹੋਇਆ ਦਿਖਿਆ। ਉਨ੍ਹਾਂ ਦੀ ਦਾੜ੍ਹੀ ਤੇ ਵਾਲ ਵਧੇ ਹੋਏ ਦਿਖੇ।
ਸੋਸ਼ਲ ਮੀਡੀਆ ‘ਤੇ ਬਹੁਤ ਸਾਰੇ ਵੀਡੀਓ ਸਾਹਮਣੇ ਆਏ ਹਨ ਜਿਸ ਵਿਚ ਸ਼ੀਜਾਨ ਭੈਣਾਂ ਦੇ ਗਲੇ ਲੱਗ ਕੇ ਰੋਣ ਲੱਗ। ਦੂਜੇ ਪਾਸੇ ਭੈਣਾਂ ਵੀ ਭਰਾ ਨੂੰ ਮਿਲ ਕੇ ਇਮੋਸ਼ਨਲ ਹੋ ਗਈਆਂ। ਆਪਣੇ ਹੰਝੂਆਂ ਨੂੰ ਰੋਕ ਨਹੀਂ ਸਕੀਆਂ। ਦੱਸ ਦੇਈਏ ਕਿ 24 ਦਸੰਬਰ 2022 ਨੂੰ ਤੁਨੀਸ਼ਾ ਨੇ ਅਲੀਬਾਬਾ ਟੀਵੀ ਸੀਰੀਅਲ ਦੇ ਸੈੱਟ ‘ਤੇ ਸੁਸਾਈਡ ਕਰ ਲਈ ਸੀ। ਇਸ ਦੇ ਬਾਅਦ ਪੁਲਿਸ ਨੇ 25 ਦਸੰਬਰ ਨੂੰ ਸ਼ੀਜਾਨ ਨੂੰ ਗ੍ਰਿਫਤਾਰ ਕੀਤਾ ਸੀ।
ਇਹ ਵੀ ਪੜ੍ਹੋ : ਵਿਵਾਦਾਂ ‘ਚ WPL, ਖਿਡਾਰੀ ਡਿਆਂਡ੍ਰਾ ਡਾਟਿਨ ਦੇ ਟੂਰਨਾਮੈਂਟ ਤੋਂ ਹਟਣ ‘ਤੇ ਖੜ੍ਹੇ ਹੋਏ ਸਵਾਲ
ਸ਼ੀਜਾਨ ਖਾਨ ‘ਤੇ ਤੁਨੀਸ਼ਾ ਨੂੰ ਸੁਸਾਈਡ ਦੇ ਉਕਸਾਉਣ ਸਣੇ ਕਈ ਦੋਸ਼ ਲੱਗੇ ਹਨ। ਵਾਲਿਵ ਪੁਲਿਸ ਨੇ 500 ਪੇਜ ਦੀ ਚਾਰਜਸ਼ੀਟ ਦਾਖਲ ਕਰਦੇ ਹੋਏ ਸ਼ੀਜਾਨ ਨੂੰ ਮੁੱਖ ਮੁਲਜ਼ਮ ਦੱਸਿਆ ਸੀ। ਇਸ ਮਾਮਲੇ ਵਿਚ ਸ਼ੀਜਾਨ ਦੇ ਪਰਿਵਾਰ ਨੇ ਕਈ ਵਾਰ ਜ਼ਮਾਨਤ ਦੀ ਪਟੀਸ਼ਨ ਪਾਈ ਸੀ ਪਰ 13 ਜਨਵਰੀ ਨੂੰ ਵਸਈ ਕੋਰਟ ਨੇ ਸ਼ੀਜਾਨ ਦੀ ਜ਼ਮਾਨਤ ਪਟੀਸ਼ਨ ਖਾਰਜ ਕੀਤੀ ਤੇ ਫਿਰ 17 ਜਨਵਰੀ ਨੂੰ ਵੀ ਉਸ ਨੂੰ ਰਾਹਤ ਨਹੀਂ ਮਿਲ ਸਕੀ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
