ਬ੍ਰਿਟੇਨ ਦੇ ਸਭ ਤੋਂ ਯੰਗ ਅਤੇ ਸਭ ਤੋਂ ਪਾਵਰਫੁਲ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਕਿਸੇ ਨਾ ਕਿਸੇ ਕਾਰਨ ਸੁਰਖੀਆਂ ‘ਚ ਬਣੇ ਰਹਿੰਦੇ ਹਨ। ਹੁਣ ਉਨ੍ਹਾਂ ਦੀ ਸੱਸ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ਵਿੱਚ ਉਹ ਦੱਸ ਰਹੀ ਹੈ ਕਿ ਸੁਨਕ ਦੇ ਪੀਐਮ ਬਣਨ ਪਿੱਛੇ ਕਿਸ ਦਾ ਹੱਥ ਹੈ।
ਸੁਧਾ ਮੂਰਤੀ ਨੇ ਦਾਅਵਾ ਕੀਤਾ ਹੈ ਕਿ ਸੁਨਕ ਦੇ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬਣਨ ਪਿੱਛੇ ਉਨ੍ਹਾਂ ਦੀ ਬੇਟੀ ਅਕਸ਼ਾ ਮੂਰਤੀ ਦਾ ਹੱਥ ਹੈ। ਵੀਡੀਓ ‘ਚ ਸੁਧਾ ਦੱਸ ਰਹੀ ਹੈ ਕਿ ਅਕਸ਼ਤਾ ਦੇ ਕਾਰਨ ਹੀ ਸੱਤਾ ‘ਤੇ ਸੁਨਕ ਦੀ ਪਕੜ ਮਜ਼ਬੂਤ ਹੋਈ ਅਤੇ ਉਹ ਬ੍ਰਿਟੇਨ ਦੀ ਸਭ ਤੋਂ ਛੋਟੀ ਉਮਰ ਦੀ ਪ੍ਰਧਾਨ ਮੰਤਰੀ ਬਣੇ। ਸੁਧਾ ਇਹ ਵੀ ਕਹਿੰਦੀ ਹੈ ਕਿ ਮੇਰੀ ਧੀ ਨਾਲ ਵਿਆਹ ਕਰਨ ਤੋਂ ਬਾਅਦ ਸੁਨਕ ਦੀ ਜ਼ਿੰਦਗੀ ਬਹੁਤ ਬਦਲ ਗਈ। ਹੁਣ ਉਹ ਬਹੁਤ ਧਾਰਮਿਕ ਹੋ ਗਏ ਹਨ। ਉਹ ਹਰ ਵੀਰਵਾਰ ਨੂੰ ਵਰਤ ਵੀ ਰੱਖਦੇ ਹਨ।
ਯੂਕੇ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦੀ ਸੱਸ ਸੁਧਾ ਮੂਰਤੀ ਨਰਾਇਣ ਮੂਰਤੀ ਦੀ ਪਤਨੀ ਹੈ। ਨਰਾਇਣ ਮੂਰਤੀ ਦੇਸ਼ ਦੀ ਵੱਕਾਰੀ ਸੰਸਥਾ ਇਨਫੋਸਿਸ ਟੈਕ ਕੰਪਨੀ ਦੇ ਸੰਸਥਾਪਕ ਹਨ। ਉਨ੍ਹਾਂ ਨੇ ਦਾਅਵਾ ਕੀਤਾ ਹੈ ਕਿ ਰਿਸ਼ੀ ਸੁਨਕ ਦੀ ਜ਼ਿੰਦਗੀ ‘ਚ ਜੋ ਵੀ ਬਦਲਾਅ ਆਇਆ ਹੈ, ਉਹ ਉਨ੍ਹਾਂ ਦੀ ਧੀ ਅਕਸ਼ਤਾ ਦੇ ਕਾਰਨ ਹੀ ਸੰਭਵ ਹੋਇਆ ਹੈ। ਵਿਆਹ ਤੋਂ ਬਾਅਦ ਸੁਨਕ ਦੀ ਜ਼ਿੰਦਗੀ ਬਹੁਤ ਬਦਲ ਗਈ।
ਸੁਧਾ ਦੱਸਦੀ ਹੈ ਕਿ ਮੇਰੇ ਪਤੀ ਇੱਕ ਮੰਨੇ-ਪ੍ਰਮੰਨੇ ਬਿਜ਼ਨੈੱਸਮੈਨ ਹਨ। ਉਨ੍ਹਾਂ ਇਨਫੋਸਿਸ ਸ਼ੁਰੂ ਕੀਤੀ। ਮੈਂ ਆਪਣੇ ਪਤੀ ਨੂੰ ਇੱਕ ਸਫਲ ਵਪਾਰੀ ਬਣਾਇਆ। ਇਸੇ ਤਰ੍ਹਾਂ ਮੇਰੀ ਧੀ ਅਕਸ਼ਤਾ ਨੇ ਆਪਣੇ ਪਤੀ ਨੂੰ ਬ੍ਰਿਟੇਨ ਦਾ ਪ੍ਰਧਾਨ ਮੰਤਰੀ ਬਣਾਇਆ। ਸਿਰਫ਼ ਇੱਕ ਪਤਨੀ ਹੀ ਪਤੀ ਦੀ ਜ਼ਿੰਦਗੀ ਵਿੱਚ ਬਹੁਤ ਬਦਲਾਅ ਲਿਆਉਂਦੀ ਹੈ।
ਇਹ ਵੀ ਪੜ੍ਹੋ : ਪਾਕਿਸਤਾਨ ਦੇ ਹਾਲਾਤ! ਕਿਰਲੀਆਂ ਤੇ ਬਿੱਛੂ ਨਾਲ ਬਣਾ ਰਹੇ ਮਰਦਾਨਗੀ ਦੀ ਦਵਾਈ
ਸੁਧਾ ਮੂਰਤੀ ਨੇ ਅੱਗੇ ਕਿਹਾ, ਮੇਰੀ ਧੀ ਆਪਣੇ ਪਿਤਾ ਵਾਂਗ ਇੱਕ ਸਫਲ ਕਾਰੋਬਾਰੀ ਸਾਮਰਾਜ ਨੂੰ ਸੰਭਾਲ ਰਹੀ ਹੈ। ਉਸ ਕੋਲ ਬਹੁਤ ਕਾਬਲੀਅਤ ਹੈ। ਉਸ ਨੇ ਆਪਣੇ ਪਤੀ ਨੂੰ ਬ੍ਰਿਟੇਨ ਦਾ ਪ੍ਰਧਾਨ ਮੰਤਰੀ ਬਣਾਇਆ। ਵਿਆਹ ਤੋਂ ਬਾਅਦ ਇਹ ਮੇਰੀ ਧੀ ਦੇ ਕਾਰਨ ਸੀ ਕਿ ਰਿਸ਼ੀ ਸੁਨਕ ਦੀ ਜ਼ਿੰਦਗੀ ਬਹੁਤ ਬਦਲ ਗਈ, ਖਾਸ ਕਰਕੇ ਖੁਰਾਕ ਦੇ ਮਾਮਲੇ ਵਿੱਚ। ਸੁਨਕ ਹੁਣ ਹਰ ਵੀਰਵਾਰ ਵਰਤ ਰੱਖਦੇ ਹਨ। ਉਹ ਵੀ ਬਹੁਤ ਧਾਰਮਿਕ ਹੋ ਗਏ ਹਨ।
ਸੁਧਾ ਮੂਰਤੀ ਮੁਤਾਬਕ ਮੇਰੇ ਪਤੀ ਨੇ ਵੀਰਵਾਰ ਨੂੰ ਹੀ ਇਨਫੋਸਿਸ ਦੀ ਸ਼ੁਰੂਆਤ ਕੀਤੀ। ਵੀਰਵਾਰ ਸਾਡੇ ਲਈ ਬਹੁਤ ਸ਼ੁਭ ਹੈ। ਵਿਆਹ ਤੋਂ ਬਾਅਦ ਵੀਰਵਾਰ ਦਾ ਦਿਨ ਸੁਨਕ ਲਈ ਬਹੁਤ ਸ਼ੁਭ ਦਿਨ ਹੈ। ਉਹ ਹਰ ਵੀਰਵਾਰ ਨੂੰ ਵਰਤ ਰਖਦੇ ਹਨ। ਹਾਲਾਂਕਿ ਉਨ੍ਹਾਂ ਦੀ ਮਾਂ ਹਰ ਸੋਮਵਾਰ ਨੂੰ ਵਰਤ ਰੱਖਦੀ ਹੈ, ਸੁਨਕ ਸਿਰਫ ਵੀਰਵਾਰ ਨੂੰ ਹੀ ਵਰਤ ਰੱਖਦੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
