ਭਾਰਤੀ ਕੁਸ਼ਤੀ ਫੈਡਰੇਸ਼ਨ ਦੇ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਦੀ ਗ੍ਰਿਫ਼ਤਾਰੀ ਨੂੰ ਲੈ ਕੇ ਜੰਤਰ-ਮੰਤਰ ਵਿਖੇ ਪਹਿਲਵਾਨਾਂ ਦੀ ਹੜਤਾਲ ਅੱਜ 22ਵੇਂ ਦਿਨ ਵੀ ਜਾਰੀ ਰਹੀ। ਇਸੇ ਦੌਰਾਨ ਐਡਹਾਕ ਕਮੇਟੀ ਨੇ ਅੰਡਰ-17 ਅਤੇ 23 ਏਸ਼ਿਆਈ ਕੁਸ਼ਤੀ ਚੈਂਪੀਅਨਸ਼ਿਪ ਲਈ ਟਰਾਇਲ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ।
ਮੁਕਾਬਲੇ ਦੇ ਟਰਾਇਲ 17 ਤੋਂ 20 ਮਈ ਤੱਕ ਬਿਸ਼ਕੇਕ, ਕਿਰਗਿਸਤਾਨ ਵਿੱਚ ਹੋਣਗੇ। ਜਿਸ ਵਿੱਚ ਹਰ ਰੋਜ਼ ਦੋ ਤੋਂ ਤਿੰਨ ਭਾਰ ਵਰਗਾਂ ਦੇ ਟਰਾਇਲ ਲਏ ਜਾਣਗੇ। ਇਹ ਟਰਾਇਲ ਸੋਨੀਪਤ ਅਤੇ ਪਟਿਆਲਾ ਵਿੱਚ ਹੋਣਗੇ। ਸੋਨੀਪਤ ਵਿੱਚ ਐਡਹਾਕ ਕਮੇਟੀ ਮੈਂਬਰ ਭੁਪਿੰਦਰ ਸਿੰਘ ਬਾਜਵਾ ਵੀ ਮੌਜੂਦ ਰਹਿਣਗੇ।
ਇਸ ਵਿੱਚ ਫ੍ਰੀ ਸਟਾਈਲ ਵਰਗ ਦੇ ਸੋਨੀਪਤ ਅਤੇ ਗਰੀਕੋ ਰੋਮਨ ਅਤੇ ਮਹਿਲਾ ਪਹਿਲਵਾਨਾਂ ਦੇ ਪਟਿਆਲਾ ਵਿੱਚ ਟਰਾਇਲ ਹੋਣਗੇ। ਇਸ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਸੋਨੀਪਤ ਵਿੱਚ ਟਰਾਇਲ ਪ੍ਰਕਿਰਿਆ ਲਈ ਚੋਣ ਕਮੇਟੀ ਵਿੱਚ ਐਡਹਾਕ ਕਮੇਟੀ ਮੈਂਬਰ ਭੁਪਿੰਦਰ ਸਿੰਘ ਬਾਜਵਾ, ਸਾਈ ਕੁਸ਼ਤੀ ਟੀਮ ਦੇ ਮੁੱਖ ਕੋਚ ਜਗਮਿੰਦਰ ਸਿੰਘ ਅਤੇ ਅਰਜੁਨਾ ਐਵਾਰਡੀ ਪਹਿਲਵਾਨ ਰਮੇਸ਼ ਕੁਮਾਰ ਗੁਲੀਆ ਹਾਜ਼ਰ ਹੋਣਗੇ। ਇਸ ਦੌਰਾਨ ਭੁਰਿੰਦਰ ਬਾਜਵਾ ਨੇ ਕਿਹਾ ਕਿ ਟ੍ਰਾਇਲ ਪ੍ਰਕਿਰਿਆ ਦੀ ਵੀਡੀਓਗ੍ਰਾਫੀ ਵੀ ਹੋਵੇਗੀ। ਸਾਰੇ ਮੇਟ ‘ਤੇ ਵੱਖ-ਵੱਖ ਕੈਮਰਾ ਹੋਵੇਗਾ। ਭਾਰ ਦੌਰਾਨ ਪਹਿਲਵਾਨਾਂ ਨੂੰ ਦੋ ਕਿਲੋ ਦੀ ਛੋਟ ਮਿਲੇਗੀ।
ਇਹ ਵੀ ਪੜ੍ਹੋ : ਰੂਸ ਵੱਲੋਂ ਯੂਕਰੇਨ ਦੇ ਆਰਮਸ ਡਿਪੂ ‘ਤੇ ਹਮਲਾ, 50 ਕਰੋੜ ਦਾ ਗੋਲਾ-ਬਾਰੂਦ ਉਡਾਇਆ
ਪਟਿਆਲਾ ਵਿੱਚ ਮਹਿਲਾ ਅਤੇ ਗ੍ਰੀਕੋ-ਰੋਮਨ ਪਹਿਲਵਾਨਾਂ ਦੇ ਟਰਾਇਲ ਲਈ ਚੋਣ ਕਮੇਟੀ ਵਿੱਚ ਦਰੋਣਾਚਾਰੀਆ ਐਵਾਰਡੀ ਸੁਮਾ ਸ਼ਿਰੂਰ, ਮਹਾ ਸਿੰਘ ਰਾਓ ਅਤੇ ਅਰਜੁਨ ਐਵਾਰਡੀ ਅਲਕਾ ਤੋਮਰ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
