ਅਮਰੀਕਾ ਵਿਚ ਡੋਮੈਸਟਿਕ ਟ੍ਰੈਵਲਿੰਗ ਦੌਰਾਨ ਇਕ ਮਹਿਲਾ ਨਾਲ ਅਜੀਬ ਘਟਨਾ ਵਾਪਰੀ। ਮਹਿਲਾ ਇਕ ਏਅਰਲਾਈਨ ਕੰਪਨੀ ਦੀ ਗਲਤੀ ਦੀ ਵਜ੍ਹਾ ਨਾਲ ਡੋਮੈਸਟਿਕ ਯਾਤਰਾ ਵਿਚ ਵਿਦੇਸ਼ ਪਹੁੰਚ ਗਈ। ਹੈਰਾਨੀ ਤਾਂ ਉਦੋਂ ਹੋਈ ਜਦੋਂ ਮਹਿਲਾ ਏਅਰਪੋਰਟ ‘ਤੇ ਉਤਰੀ ਤਾਂ ਉਸ ਕੋਲ ਨਾ ਪਾਸਪੋਰਟ ਤੇ ਨਾ ਹੀ ਵੀਜ਼ਾ ਸੀ।
ਏਲਿਸ ਹੇਬਰਡ ਨਾਂ ਦੀ ਮਹਿਲਾ ਨੇ ਅਮਰੀਕੀ ਏਅਰਲਾਈਨ ਕੰਪਨੀ ਫਰੰਟੀਅਰ ਤੋਂ ਉਡਾਣ ਭਰੀ ਸੀ। ਉਸ ਨੇ ਨਿਊ ਜਰਸੀ ਤੋਂ ਫਰੋਲਿਡਾ ਦੇ ਲਈ ਟਿਕਟ ਲਿਆ ਸੀ ਪਰ ਗੜਬੜੀ ਕਾਰਨ ਉਹ ਦੂਜੀ ਫਲਾਈਟ ਵਿਚ ਬੈਠ ਗਈ ਤੇ ਕੈਰੇਬੀਅਨ ਕੰਟ੍ਰੀ ਜਮੈਕਾ ਪਹੁੰਚ ਗਈ।
ਏਲਿਸ ਨੂੰ ਜਾਣਾ ਸੀ ਫਲੋਰਿਡਾ ਪਰ ਚੇਕ ਇਨ ਦੌਰਾਨ ਏਅਰਲਾਈਨ ਮੁਲਾਜ਼ਮਾਂ ਨੇ ਧਿਆਨ ਨਹੀਂ ਦਿੱਤਾ ਤੇ ਮਹਿਲਾ ਇੰਟਰਨੈਸ਼ਨਲ ਫਲਾਈਟ ਵਿਚ ਬੈਠ ਗਈ। ਜਦੋਂ ਉਹ ਇਥੇ ਏਅਰਪੋਰਟ ‘ਤੇ ਉਤਰੀ ਤਾਂ ਉਨ੍ਹਾਂ ਨੂੰ ਭਣਕ ਵੀ ਨਹੀਂ ਲੱਗੀ ਸੀ ਕਿ ਉਹ ਵਿਦੇਸ਼ ਪਹੁੰਚ ਗਈ ਹੈ। ਜਦੋਂ ਸਕਿਓਰਿਟੀ ਜਾਂਚ ਹੋਈ ਤਾਂ ਉਸ ਦੇ ਨਾਲ-ਨਾਲ ਉਥੋਂ ਦੇ ਜਾਂਚ ਅਧਿਕਾਰੀ ਵੀ ਹੈਰਾਨ ਰਹਿ ਗਏ।
ਏਲਿਸ ਨੇ ਕਿਹਾ ਕਿ ਉੁਹ ਅਕਸਰ ਫਲਾਈਟ ਵਿਚ ਸਫਰ ਕਰਦੀ ਰਹਿੰਦੀ ਹੈ। ਉਸ ਦਿਨ ਵੀ ਫਲਾਈਟ ਵਿਚ ਬੈਠਣ ਲਈ ਗੇਟ ‘ਤੇ ਪਹੁੰਚੀ ਸੀ ਜਿਸ ਵਿਚ ‘PHL To JAX’ ਲਿਖਿਆ ਸੀ ਪਰ ਫਲਾਈਟ ‘ਤੇ ਚੜ੍ਹਨ ਤੋਂ ਪਹਿਲਾਂ ਉਹ ਬਾਥਰੂਮ ਚਲੀ ਗਈ। ਜਦੋਂ ਪਰਤੀ ਤਾਂ ਬੋਰਡਿੰਗ ਕੋਲ ਚੈੱਕ ਕਰ ਰਹੇ ਵਿਅਕਤੀ ਨੇ ਉਸ ਨੂੰ ਜਲਦੀ ਵਿਚ ਦੂਜੀ ਫਲਾਈਟ ਵਿਚ ਬਿਠਾ ਦਿੱਤਾ। ਏਲਿਸ ਨੇ ਦਾਅਵਾ ਕੀਤਾ ਕਿ ਐਂਟਰੀ ਗੇਟ ਚੇਂਜ ਹੋਣ ਕਾਰਨ ਉੁਹ ਫਲੋਰਿਡਾ ਦੇ ਜੈਕਸਨਵਿਲੇ ਦੀ ਬਜਾਏ ਜਮੈਕਾ ਪਹੁੰਚ ਗਈ।
ਇਹ ਵੀ ਪੜ੍ਹੋ : DGCA ਨੇ ਗੋ ਫਸਟ ਨੂੰ ਜਾਰੀ ਕੀਤਾ ਕਾਰਨ ਦੱਸੋ ਨੋਟਿਸ, ਟਿਕਟਾਂ ਦੀ ਵਿਕਰੀ ਰੋਕਣ ਨੂੰ ਕਿਹਾ
ਬਕੌਲ ਏਲਿਸ, ਮੈਂ ਪਿੱਠ ਦੀ ਸਰਜਰੀ ਤੋਂ ਉਭਰ ਰਹੀ ਹਾਂ। ਮੈਨੂੰ ਦੇਖ ਕੇ ਏਅਰਲਾਈਨ ਮੁਲਾਜ਼ਮ ਨੇ ਸਿੱਧੇ ਸੀਟ ‘ਤੇ ਬਿਠਾ ਦਿੱਤਾ। ਜਲਦੀ-ਜਲਦੀ ਵਿਚ ਉਸ ਨੇ ਬੋਰਡਿੰਗ ਪਾਸ ਚੈੱਕ ਕੀਤਾ ਸੀ। ਟੇਕਆਫ ਦੇ ਬਾਅਦ ਪਤਾ ਲੱਗਾ ਕਿ ਗਲਤ ਫਲਾਈਟ ਵਿਚ ਬੈਠ ਗਈ ਹਾਂ ਪਰ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ। ਬਾਅਦ ਵਿਚ ਫਲਾਈਟ ਅਟੈਂਡੈਂਟ ਦੀ ਮਦਦ ਨਾਲ ਜਮੈਕਾ ਦੇ ਏਅਰਪੋਰਟ ‘ਤੇ ਉਤਰੀ ਤੇ ਉਥੋਂ ਦੂਜੀ ਫਲਾਈਟ ਲੈ ਕੇ ਵਾਪਸ ਅਮਰੀਕਾ ਆਈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
