ਸਵੇਰੇ ਗੈਸ ਬਣਨਾ ਇੱਕ ਆਮ ਗੱਲ ਹੈ। ਬਹੁਤ ਸਾਰੇ ਲੋਕ ਇਸ ਸਮੱਸਿਆ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ। ਪੇਟ ਵਿੱਚ ਗੈਸ ਬਣਨ ਨਾਲ ਹਰ ਵੇਲੇ ਭਾਰੀਪਨ ਮਹਿਸੂਸ ਹੁੰਦਾ ਹੈ। ਇਸ ਦੇ ਕਾਰਨ ਲੋਕਾਂ ਦਾ ਪੂਰਾ ਦਿਨ ਵੀ ਵਿਗੜ ਜਾਂਦਾ ਹੈ। ਅਜਿਹੇ ਵਿਚ ਪੇਟ ਦੀ ਗੈਸ ਤੋਂ ਛੁਟਕਾਰਾ ਪਾਉਣ ਲਈ ਲੋਕੀ ਦਵਾਈਆਂ ਦਾ ਸਹਾਰਾ ਲੈਂਦੇ ਹਨ ਪਰ ਰੋਜ਼ਾਨਾ ਦਵਾਈ ਖਾਣ ਨਾਲ ਲੀਵਰ ਅਤੇ ਕਿਡਨੀਆਂ ‘ਤੇ ਮਾੜਾ ਅਸਰ ਪੈਂਦਾ ਹੈ। ਇਸ ਲਈ, ਤੁਸੀਂ ਰਸੋਈ ਵਿਚ ਰੱਖੀਆਂ ਕੁਝ ਚੀਜਾਂ ਨਾਲ ਵੀ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ। ਇੱਥੇ, ਅਸੀਂ ਤੁਹਾਨੂੰ ਗੈਸ ਤੋਂ ਛੁਟਕਾਰਾ ਪਾਉਣ ਦੇ ਇੱਕ ਆਸਾਨ ਤਰੀਕੇ ਬਾਰੇ ਦੱਸਣ ਜਾ ਰਹੇ ਹਾਂ।
1. ਕੋਸਾ ਪਾਣੀ ਅਤੇ ਨਿੰਬੂ
ਸਵੇਰੇ ਖਾਲੀ ਪੇਟ ਇੱਕ ਗਲਾਸ ਕੋਸਾ ਪਾਣੀ ਪੀਣਾ ਤੁਹਾਡੇ ਪਾਚਨ ਪ੍ਰਣਾਲੀ ਨੂੰ ਜਗਾਉਣ ਵਾਂਗ ਹੈ। ਇਸ ਵਿੱਚ ਅੱਧਾ ਨਿੰਬੂ ਨਿਚੋੜਨ ਨਾਲ ਟਾਕਸਿਨਸ ਬਾਹਰ ਨਿਕਲਦੇ ਹਨ ਅਤੇ ਐਸਿਡਿਟੀ ਘੱਟ ਹੁੰਦੀ ਹੈ।
2. ਅਦਰਕ ਦੀ ਚਾਹ ਜਾਂ ਇੱਕ ਟੁਕੜਾ
ਅਦਰਕ ਵਿੱਚ ਜਿੰਜਰੋਲ ਹੁੰਦਾ ਹੈ, ਜੋ ਪਾਚਨ ਕਿਰਿਆ ਨੂੰ ਤੇਜ਼ ਕਰਦਾ ਹੈ। ਅਦਰਕ ਦਾ ਇੱਕ ਛੋਟਾ ਜਿਹਾ ਟੁਕੜਾ ਚਬਾਓ ਜਾਂ ਇਸ ਨੂੰ ਪਾਣੀ ਵਿੱਚ ਉਬਾਲ ਕੇ ਅਦਰਕ ਦੀ ਕਾਲੀ ਚਾਹ ਪੀਓ। ਇਹ ਪੇਟ ਦੀਆਂ ਮਾਸਪੇਸ਼ੀਆਂ ਨੂੰ ਆਰਾਮ ਦਿੰਦਾ ਹੈ।
3. ਅਜਵਾਇਨ ਅਤੇ ਕਾਲਾ ਨਮਕ
ਇਹ ਗੈਸ ਲਈ ਇੱਕ ਪ੍ਰਾਚੀਨ ਅਤੇ ਅਸਰਦਾਰ ਨੁਸਖਾ ਹੈ। ਅਜਵਾਇਣ ਵਿੱਚ ਮੌਜੂਦ ‘ਥਾਈਮੋਲ’ ਪਾਚਨ ਰਸਾਂ ਨੂੰ ਸਰਗਰਮ ਕਰਦਾ ਹੈ। ਇਸ ਦੇ ਲਈ ਅੱਧਾ ਚੱਮਚ ਅਜਵਾਇਣ ਨੂੰ ਕੋਸੇ ਪਾਣੀ ਵਿੱਚ ਇੱਕ ਚੁਟਕੀ ਕਾਲਾ ਨਮਕ ਪਾ ਕੇ ਲਓ।
4. ਜੀਰੇ ਦਾ ਪਾਣੀ
ਜੀਰਾ ਲਾਰ ਗ੍ਰੰਥੀਆਂ ਨੂੰ ਉਤੇਜਿਤ ਕਰਦਾ ਹੈ ਅਤੇ ਬਿਹਤਰ ਪਾਚਨ ਕਿਰਿਆ ਵਿੱਚ ਮਦਦ ਕਰਦਾ ਹੈ। ਇਸ ਦਾ ਸੇਵਨ ਕਰਨ ਲਈ ਇੱਕ ਚੱਮਚ ਜੀਰੇ ਨੂੰ ਰਾਤ ਭਰ ਪਾਣੀ ਵਿੱਚ ਭਿਓ ਦਿਓ, ਸਵੇਰੇ ਇਸ ਨੂੰ ਉਬਾਲੋ, ਇਸਨੂੰ ਛਾਣ ਕੇ ਚਾਹ ਵਾਂਗ ਪੀਓ।
ਇਹ ਵੀ ਪੜ੍ਹੋ : ਖੰਭੇ ‘ਚ ਵੱਜੀ ਫੁੱਲ ਸਪੀਡ ਨਾਲ ਆਉਂਦੀ ਕਾਰ, ਟਾਇਰ ਫਟਣ ਨਾਲ ਹੋਈ ਬੇਕਾਬੂ, ਬਣਿਆ ਫਿਲਮੀ ਸੀਨ
5. ਹਿੰਗ ਦਾ ਪਾਣੀ
ਜੇਕਰ ਤੁਸੀਂ ਗੈਸ ਕਾਰਨ ਪੇਟ ਵਿੱਚ ਤੇਜ਼ ਦਰਦ ਮਹਿਸੂਸ ਕਰ ਰਹੇ ਹੋ, ਤਾਂ ਹਿੰਗ ਇੱਕ ਰਾਮਬਾਣ ਇਲਾਜ ਹੈ। ਹਿੰਗ ਨੂੰ ਕੋਸੇ ਪਾਣੀ ਵਿੱਚ ਮਿਲਾ ਕੇ ਪੀਓ ਜਾਂ ਹਿੰਗ ਦਾ ਪੇਸਟ ਬਣਾ ਕੇ ਧੁੰਨੀ ਦੇ ਆਲੇ-ਦੁਆਲੇ ਲਗਾਓ।
ਵੀਡੀਓ ਲਈ ਕਲਿੱਕ ਕਰੋ -:
