ਨਿੱਕੇ-ਨਿੱਕੇ ਮੱਛਰ, ਡੇਂਗੂ, ਮਲੇਰੀਆ, ਚਿਕਨਗੁਨੀਆ ਵਰਗੀਆਂ ਗੰਭੀਰ ਬੀਮਾਰੀਆਂ ਪੈਦ ਕਰਦੇ ਹਨ। ਜਿਵੇਂ ਹੀ ਘਰ ਵਿਚ ਮੱਛਰ ਆਉਂਦੇ ਹਨ ਤਾਂ ਅਸੀਂ ਕੋਇਲ, ਅਗਰਬੱਤੀ ਜਾਂ ਫਿਰ ਆਲਆਊਟ ਲਾ ਦਿੰਦੇ ਹਾਂ, ਜਿਨ੍ਹਾਂ ਨਾਲ ਕੁਝ ਦੇਰ ਵਿਚ ਹੀ ਮੱਛਰ ਭੱਜ ਜਾਂਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਨ੍ਹਾਂ ਦਾ ਧੂੰਆਂ ਸਿਹਤ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ। ਜੀ ਹਾਂ, ਰਿਸਰਚ ਵਿਚ ਖੁਲਾਸਾ ਹੋਇਆ ਹੈ ਕਿ ਮਾਰਟਿਨ ਕੋਇਲ, ਅਗਰਬੱਤੀ ਤੋ ਨਿਕਲਣ ਵਾਲਾ ਧੂੰਆਂ ਸਰੀਰ ਵਿਚ ਕੈਂਸਰ ਪੈਦਾ ਕਰਨ ਵਾਲੇ ਤੱਤ ਬਣਾ ਰਿਹਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਨਾਲ ਹੋਣ ਵਾਲੇ ਨੁਕਸਾਨ ਬਾਰੇ-
ਤਾਈਵਾਨ ਅਤੇ ਚੀਨ ਵਿੱਚ ਕੀਤੀ ਗਈ ਖੋਜ ਦੇ ਮੁਤਾਬਕ ਅਗਬੱਤੀ-ਅਤੇ ਮਾਸਿਕਟੋ ਕੋਇਲ ਦਾ ਧੂੰਆਂ ਸਰੀਰ ਵਿੱਚ ਕੈਂਸਰ ਪੈਦਾ ਕਰਨ ਵਾਲੇ ਮਿਸ਼ਰਣ ਪੈਦਾ ਕਰਦਾ ਹੈ, ਜਿਸ ਨੂੰ ਕਾਰਸਿਨੋਜਨ ਕਿਹਾ ਜਾਂਦਾ ਹੈ। ਜੇਐਸਐਸ ਹਸਪਤਾਲ ਦੇ ਡਾ. ਸਾਲਵੀ ਕਹਿੰਦੇ ਹਨ ਕਿ ਇੱਕ ਕੋਇਲ ਨੂੰ ਸਾੜਨਾ 100 ਸਿਗਰਟਾਂ ਪੀਣ ਦੇ ਬਰਾਬਰ ਹੈ। ਇਹ ਧੂੰਆਂ ਸਿੱਧਾ ਤੁਹਾਡੇ ਫੇਫੜਿਆਂ ਵਿੱਚ ਦਾਖਲ ਹੁੰਦਾ ਹੈ ਅਤੇ ਸਾਹ ਲੈਣ ਵਿੱਚ ਮੁਸ਼ਕਲਾਂ ਪੈਦਾ ਕਰਦਾ ਹੈ।
ਇਸ ਤੋਂ ਇਲਾਵਾ, ਮੱਛਰ ਭਜਾਉਣ ਵਾਲੀਆਂ ਅਗਰਬੱਤੀਆਂ ਵੀ ਲੇਡ, ਆਇਰਨ ਅਤੇ ਮੈਂਗਨੀਜ਼ ਨਾਲ ਭਰੀਆਂ ਹੁੰਦੀਆਂ ਹਨ, ਜੋ ਫੇਫੜਿਆਂ ਲਈ ਬਹੁਤ ਨੁਕਸਾਨਦੇਹ ਹਨ। ਇਸ ਤੋਂ ਇਲਾਵਾ, ਜਦੋਂ ਧੂੰਆਂ ਬੰਦ ਕਮਰੇ ਨੂੰ ਭਰਦਾ ਹੈ, ਤਾਂ ਇਹ ਸਾਹ ਰਾਹੀਂ ਸਰੀਰ ਵਿੱਚ ਦਾਖਲ ਹੁੰਦਾ ਹੈ ਅਤੇ ਫੇਫੜਿਆਂ ਦੇ ਕੈਂਸਰ ਦਾ ਕਾਰਨ ਬਣਦਾ ਹੈ। ਲੋਕ ਸਾਹ ਦੀਆਂ ਸਮੱਸਿਆਵਾਂ ਤੋਂ ਵੀ ਪੀੜਤ ਹੁੰਦੇ ਹਨ।
ਸਿਹਤ ਪ੍ਰਭਾਵ
ਦਮਾ – ਅਗਰਬੱਤੀਆਂ ਜਾਂ ਫਿਰ ਮਾਸਕਿਟੋ ਕੋਇਲਾਂ ਦੇ ਲੰਬੇ ਸਮੇਂ ਤੱਕ ਸੰਪਰਕ ਵਿੱਚ ਰਹਿਣ ਨਾਲ ਦਮਾ ਹੋ ਸਕਦਾ ਹੈ। ਇਹ ਧੂੰਆਂ ਹੌਲੀ-ਹੌਲੀ ਫੇਫੜਿਆਂ ਵਿੱਚ ਇਕੱਠਾ ਹੁੰਦਾ ਹੈ, ਜਿਸ ਨਾਲ ਸਾਹ ਲੈਣ ਵਿੱਚ ਮੁਸ਼ਕਲ ਆਉਂਦੀ ਹੈ ਅਤੇ ਖੰਘ ਹੁੰਦੀ ਹੈ।
ਚਮੜੀ ਦਾ ਕਾਲਾਪਨ- ਕੋਇਲਾਂ ਜਾਂ ਅਗਰਬੱਤੀਆਂ ਦੇ ਲਗਾਤਾਰ ਸੰਪਰਕ ਵਿੱਚ ਰਹਿਣ ਨਾਲ ਚਮੜੀ ਦਾ ਰੰਗ ਅਤੇ ਕਾਲਾਪਨ ਵੀ ਹੋ ਸਕਦਾ ਹੈ। ਉਨ੍ਹਾਂ ਵਿੱਚ ਮੌਜੂਦ ਕੈਮੀਕਲ ਇਸ ਚਮੜੀ ਦੀ ਸਥਿਤੀ ਲਈ ਜ਼ਿੰਮੇਵਾਰ ਹਨ।
ਬੱਚਿਆਂ ਲਈ – ਬੱਚੇ ਇਸ ਧੂੰਏਂ ਨੂੰ ਸਿੱਧੇ ਤੌਰ ‘ਤੇ ਸੁੰਘਦੇ ਹਨ, ਜੋ ਉਨ੍ਹਾਂ ਦੇ ਫੇਫੜਿਆਂ ਨੂੰ ਕਮਜ਼ੋਰ ਕਰ ਸਕਦਾ ਹੈ। ਬੱਚਿਆਂ ਨੂੰ ਛੋਟੀ ਉਮਰ ਵਿੱਚ ਸਾਹ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਐਲਰਜੀ – ਧੂੰਏਂ ਦੇ ਲਗਾਤਾਰ ਸੰਪਰਕ ਵਿੱਚ ਰਹਿਣ ਨਾਲ ਵੀ ਐਲਰਜੀ ਹੋ ਸਕਦੀ ਹੈ। ਅਜਿਹੀ ਸਥਿਤੀ ਵਿੱਚ ਤੁਸੀਂ ਕਦੇ ਵੀ ਧੂੰਏਂ ਨੂੰ ਬਰਦਾਸ਼ਤ ਨਹੀਂ ਕਰ ਸਕੋਗੇ ਅਤੇ ਤੁਰੰਤ ਜ਼ੁਕਾਮ ਜਾਂ ਖੰਘ ਦਾ ਸ਼ਿਕਾਰ ਹੋ ਜਾਓਗੇ।
ਮੱਛਰਾਂ ਤੋਂ ਆਪਣੇ ਆਪ ਨੂੰ ਕਿਵੇਂ ਬਚਾਇਆ ਜਾਵੇ
ਨਿੰਮ ਦੇ ਪੱਤੇ ਸਾੜੋ : ਨਿੰਮ ਦੇ ਪੱਤਿਆਂ ਦੀ ਖੁਸ਼ਬੂ ਮੱਛਰਾਂ ਨੂੰ ਦੂਰ ਭਜਾਉਂਦੀ ਹੈ। ਕੁਝ ਪੌਦੇ, ਜਿਵੇਂ ਕਿ ਗੇਂਦਾ ਅਤੇ ਤੁਲਸੀ ਵੀ ਮੱਛਰਾਂ ਨੂੰ ਆਸਾਨੀ ਨਾਲ ਭਜਾਉਂਦੇ ਹਨ। ਘਰ ਦੇ ਅੰਦਰਲੇ ਪੌਦੇ ਮੱਛਰਾਂ ਨੂੰ ਦੂਰ ਕਰਨਗੇ ਅਤੇ ਹਵਾ ਨੂੰ ਸ਼ੁੱਧ ਕਰਨਗੇ।
ਵੀਡੀਓ ਲਈ ਕਲਿੱਕ ਕਰੋ -:
